Mariko 12:7 - Indagano Inyaaya mu-Chijita

⁷ “Nawe, ejire aakinga, abharimi bharya nibhaayikana ati, ‘Unu niwe aryanjura risambu rya esemwene rinu. Woori, chimwite. Omwandu gwaye gunu oguja okubha gweswe.’

INDAGANO INYA:YA

⁷ Nawe abarimi abo niba:ikana abene:ra ati, Unu niwe omuri wo mwandu, cije cimwite, no mwandu guriba gweswe.

Mariko 12:7 ပူးပေါင်းရင်းမြစ်များ

Matayo 2:16

Yeroode ejire aarora ati, abhasombookerwa bha jinjota bharya bhaamujiga, ˆnaabhiyirwa muno. Niwo ˆnaatuma abhasirikare bhaaye bhaje Bhetereyeemu aamwi na ku‑nguuyo ja yeeyi nagwo. ˆNaabharagirira ati, bheete abhaana bhoone bha echirume okwambira abha emiguuga ebhiri okusubha emwaro. ꞉Aakorere kutyo okwingana na omwanya gunu aariga abhwiriiywe na abhasombookerwa bha jinjota.

Matayo 21:34

“Omwanya gwa okugesa gwejire gwakinga, omwene esambu oyo ˆnaatuma abhakosi bhaaye ku‑bharimi abho, korereki bhamugegere ribhaara ryaye rya amatwasyo.

Mariko 12:12

Abhakuru bha abhagabhisi, abheeyigisya bha ebhiraagiro bhya Muusa na abhakuru bha Abhayawudi nibhasombookerwa ati echijekekanyo chirya echaayikira abheene. Niwo nibheenda okumugwata, nawe nibhoobhaya echise cha abhaanu, nibhamusiga, nibhagenda.

Mariko 12:6

Omwene esambu ˆnaasigara na omuunu umwi era wa okutuma, omwana waaye omwendwa. Ku‑bhuteero ˆnaamutuma ku‑bharimi bharya, ˆneetogera ati, ‘Abhaja okuyaana omwana waani echibharo.’

Mariko 12:8

Mbe, nibhamugwata, nibhamwita, nibhamwesa anja ya risambu rirya.

Ebikorwa 2:23

Ejire eeya Yeesu oyo, ˆnaatuurwa mu‑mabhoko geemwe, rwa kutyo Nyamuwanga ꞉aaramuuye okuruubhana na obhukarariiye bhwaye, okusookerera kara. Emwe nimumwita ku‑musarabha, okutura ku‑bhanyamanga.

Ebikorwa 5:28

“꞉Chaabhagaanyiisye kwa amanaga ati musige okwiyigisya abhaanu inguru ya risiina rya omuunu oyo! Nawe emwe omugenderera okwiyigisya abhaanu emisango jaaye mbaara joone ja Yerusareemu, ka wone mukarariiye okureeta isagama ya omuunu oyo inguru yeeswe!”

Ebikorwa 7:52

Angu, ari‑wo omuragi noorwo umwi unu ꞉ataanyaasiibhwe? ꞉Bheetire na abharagi bhanu bhaaraasyaga kara, okuuja kwa Omurengeresi wa Nyamuwanga! Ka oyo niwe emwe ꞉mwaromeeye iniku, ka wone nimumwita!

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.