Mariko 12:1 - Indagano Inyaaya mu-Chijita

¹ Yeesu ˆnaamba okwayika na abhatangasya bha Abhayawudi bharya ku‑bhijekekanyo. ˆNaayika ati, “Aariga ari‑wo omuunu umwi unu aariga ari na risambu. Mw‑isambu omwo, aariga ayambire‑mo emijabhiibhu. ˆNaarisitira orugo, ˆnaasimba eryobho agatigati korereki amigirege‑mo omuta gwa emijabhiibhu, ka wone ˆnoombaka obhutara obhureera bhwa abhariisi. Ku‑bhuteero, ˆnaariweekesya ku‑bharimi abharebhe, ˆnaagenda orugendo.

INDAGANO INYA:YA

¹ Namba okwaikira nabo mu bijekekanyo ati, Omu:nu ayambire risambu rye mijabibu, narisitira orugo, natakuramo ri:nokero, nombakamo butingo, natu:ramo abarimi, naribata mu ca:ro cindi.

Mariko 12:1 ပူးပေါင်းရင်းမြစ်များ

Matayo 13:3

Mbe, Yeesu ˆnaabhabhwira emisango myafu ku‑bhijekekanyo, ˆnaayikaga ati, “Mutegeresye, aariga ari‑wo omubhibhi umwi unu ꞉aagendere okubhibha jimbibho mw‑isambu ryaye.

Matayo 21:28

Yeesu ˆnaagenderera okwayika ati, “Woori, omurora kutiki inguru ya echijekekanyo chinu? Aariga ari‑wo omuunu umwi unu aariga ari na abhaana bhabhiri. ˆNaagenda ku‑mwana wa okwamba, ˆnaamubhwira ati, ‘Mwana waani, reero genda ukore emirimu mw‑isambu ryani rya emijabhiibhu.’

Matayo 21:33

Yeesu ˆnaagenderera okwayika ati, “Mutegeresye echijekekanyo echindi. Aariga ari‑wo omuunu umwi unu aariga ari na risambu. Mw‑isambu ryaye omwo, aariga ayambire‑mo emijabhiibhu, ˆnaarisitira orugo, ˆnaasimba eryobho agatigati korereki amigirege‑mo omuta gwa emijabhiibhu, ka wone ˆnoombaka obhutara obhureera bhwa abhariisi. Ku‑bhuteero, ˆnaaweekesya risambu eryo ku‑bharimi abharebhe, ˆnaagenda orugendo.

Matayo 21:34

“Omwanya gwa okugesa gwejire gwakinga, omwene esambu oyo ˆnaatuma abhakosi bhaaye ku‑bharimi abho, korereki bhamugegere ribhaara ryaye rya amatwasyo.

Matayo 25:14

Yeesu ˆnaagenderera okusoosya echijekekanyo echindi, ˆnaayika ati, “Ka wone, obhukama bhwa mu‑rwire bhurisusana na omuunu unu ꞉eendere okuja orugendo. Omwanya gunu aariga achaari kwamba orugendo rwaye, ˆnaabhirikira abhagaya bhaaye, ˆnaabhayaana obhuniibhi bhwaye, korereki bhabhwimereegururu.

Mariko 11:33

Kurwa ejo, nibhamusubhya ati, “Chitakumenya.” Mbe, Yeesu wone ˆnaabhabhwira ati, “Anye wone nitakubhabhwira ati ni kwa obhuturo ki enikora emisango jinu.”

Mariko 13:34

“Okuuja kwani okususanyibhwa na omuunu unu ꞉eendere okuja orugendo. ˆNaasigira abhakosi bhaaye inju yaaye korereki bhayangarire. ˆNaagabhira bhoone emirimu ja okukora. ˆNaaragirira omuriisi wa orwigi ati, atengeeje.”

Mariko 3:23

Awo Yeesu ˆnaabhabhirikira, ˆnaamba okubhabhwira ku‑bhijekekanyo ati, “Syetaani kaatura kutiki okwisoosya‑ko omwene?

Mariko 4:2

Yeesu ˆnaabheeyigisya emisango myafu ku‑bhijekekanyo. Mu‑meeyigisyo gaaye ˆnaayika ati,

Ruuka 15:13

“Jisiku nooto okutura, omumura omutooto oyo ˆnaakumanya omwandu gwaye gwone, gunu eswemwene aariga amuyaaye, ˆnaagenda mu‑chaaro cha kura. Ejire aakinga eyo, ˆnaagunyarambura bhuyagayaga inguru ya jitungwa jimbiibhi.

Ruuka 19:12

Kurwa ejo, ˆnaayika ati, “Aariga ari‑wo omuunu umwi wa echibharo cha inguru muno. Omuunu oyo, ꞉aagendere mu‑rugendo mu‑chaaro cha kura, korereki abhone obhukama, akamara asubhe okubha omutungi mu‑chaaro cha ewaabho.

Ruuka 22:9

Nibhamubhuusya ati, “Oweenda chigende okwiraabha aaki?”

Ruuka 8:10

Omwene ˆnaabhasubhya ati, “Kara emisango ja obhukama bhwa Nyamuwanga jaariga jiiserekere. Emwe muri na amabhando, kwa okubha Nyamuwanga aabhaswerurira abhwerubhweru emisango ejo, korereki mujisombookerwe. Nawe abhandi, enibhabhwira kwa ebhijekekanyo, korereki jikuumire jinu omuragi Iisaya ꞉aayikire ati, ‘Omwanya gunu abharingira, bhabhe wuti bhatakurora. Noorwo kutyo abhoongwa, bhabhe wuti bhatakusombookerwa.’

Ebikorwa 7:38

Niwe unu aariga ari aamwi na Abhayisirayeeri ibhara. Niwe unu ꞉aaromere na maraayika wa Nyamuwanga mu‑chiima cha Sinaayi, ˆnaaramira okusooka ku‑mwene emisango ja obhuwanga, korereki achibhwire.