Mariko 10:52 - Indagano Inyaaya mu-Chijita

⁵² Yeesu ˆnaamubhwira ati, “Waawosibhwa ku‑songa ya eriikirisya ryawo. Genda iika.” Awoawo, omuunu oyo ˆnaamba okurora, niwo ˆnaamuruubha ku‑njira.

INDAGANO INYA:YA

⁵² Mbe Yesu namubwira ati, Genda ewao. Okwikirisya kwao kwakuosya. Aonao narora, naru:ba Yesu mu njira.

Mariko 10:52 ပူးပေါင်းရင်းမြစ်များ

Matayo 11:5

Mumubhwire ati, abhawofu abharora, abharema abharibhata, abhagenge abheesibhwa, bhanu bhasibhirwe amatwi abhoongwa, abhafuuwe abhasuururwa na abhataka abharaasibhwa Emisango ja Ekisi ja Nyamuwanga.

Matayo 12:22

Mbe, abhaanu nibhareetera Yeesu omuunu unu aariga awungirwe risambwa. Omuunu oyo aariga ari muwofu, ka wone ari omujibhi. Yeesu ˆnaamuwosya, ˆnaamba okwayika na okurora rindi.

Matayo 15:28

Yeesu ˆnaamusubhya ati, “Maayi, uri na eriikirisya enene! Nyamuwanga akukorere rwa kutyo oweenda.” Awoawo, omuyaasya waaye ˆnaawora.

Matayo 21:14

Mbe, omwanya gunu Yeesu aariga achaari mu‑rubhuga rwa Riyekaru, abhawofu na abharema nibhamuuja‑ko, wone ˆnaabhawosya.

Matayo 8:3

Yeesu ˆneenamusya okubhoko, ˆnaamukuunʼya‑ko, ˆnaamubhwira ati, “Eneenda, uwore!” Awoawo, ˆnaawora ebhigenge bhyaye.

Matayo 9:22

Ejire aayikuunʼya‑ko, awoawo Yeesu ˆneekebhuukira inyuma. Ejire aarora omugasi oyo, ˆnaamubhwira ati, “Muyaasya waani, siiriika! Waawosibhwa ku‑songa ya eriikirisya ryawo!” Awoawo, omugasi oyo ˆnaawora.

Mariko 1:31

Niwo Yeesu ˆnaamujaa‑ko, ˆnaamugwata okubhoko, ˆnaamwinamusya. Awoawo omugasi oyo ˆnaawora omuswija ogwo, ˆnaamba okubhafurubhendera.

Mariko 5:34

Yeesu ˆnaamubhwira ati, “Muyaasya waani, waawosibhwa ku‑songa ya eriikirisya ryawo. Nuugende na omurembe, obhurwaye bhusige okukusubha‑ko rindi.”

Mariko 8:25

Yeesu ˆnaamutuura‑ko amabhoko rindi ku‑meeso, omuunu oyo ˆnaaringira nekeneke. ˆNaabha muwanga kerechu, ˆnaarora ebhiinu bhyone kisi.

Ruuka 7:50

Awo, Yeesu ˆnaabhwira omugasi oyo ati, “Waachungurwa kwa okubha weekirisya! Nuugende na omurembe.”

Ruuka 9:48

ˆnaabhabhwira ati, “Omuunu unu kaakuma omwana omutooto rwa unu kw‑isiina ryani, kaabha aankumire anye. Ka omuunu woonewoone unu kaankuma anye, kaabha akumire unu ꞉aantumire. Okubha omutooto mw‑imwe bhoone, oyo niwe omukuru okukira bhoone.”

Yowana 9:32

Okusookerera kara, chichaariga okuungwa noorwo na akatyari ati, omuunu omurebhe ꞉aawosiisye omuunu unu ꞉eebhuuywe ari muwofu.

Yowana 9:39

Mbe, Yeesu ˆnaayika ati, “Anye ꞉neejire ku‑chaaro anu okuramura, korereki abhawofu bharore, na bhanu abharora, bhabhe abhawofu.”

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’