Mariko 10:30 - Indagano Inyaaya mu-Chijita

³⁰ Nyamuwanga kaja okumuyaana bhyafu muno okukira bhya okwamba. Noorwo ku‑chaaro chinu ariramira jinju, abhamura bhaabho, abhayara bhaabho, bhanyiramwene, abhaana bhaaye na amabhwi. Aamwi na ebhyo bhyone, aribhona ebhinyaasyo. Ku‑chaaro chinu echiija, ariramira obhuwanga bhwa akajaanende koone.

INDAGANO INYA:YA

³⁰ nawe aribona kwiya egana mu magoro ganu aga woryanu, jinyumba na bamura ba:bo, na bayara ba:bo, na banyiramwene, na ba:na, no busi, aamwi no kunya:sibwa. Na mu siku jinu jiri:ja aribona obuanga bwa kajanende.

Mariko 10:30 ပူးပေါင်းရင်းမြစ်များ

Bafilipi 3:8

Noorwo jitari ejo era, tari enibhara emisango joone ati ni kufwirwa‑mo ukeenganyirisya na omuriiro gwa okusombookerwa Kirisito Yeesu Raatabhugenyi waani. Inguru ya omwene, naasiga kata emisango joone. Enijirora rwa amafwi, korereki nisombookerwe Kirisito kisi,

Ruuka 18:30

oyo aribhona ebhiinu bhyafu muno achaari ku‑chaaro anu, okukira ebhiinu bhinu ari nabhyo woori. Ka wone omwanya gunu oguuja, aribhona obhuwanga bhwa akajaanende koone.”

2 Bakorinto 6:10

Ka wone echibhonekana wuti chisurumbaaye, nawe echikondererwa omwanya gwone. Echibhonekana wuti chiri bhataka, nawe chiniibhiisye bhaafu. Echibhonekana wuti chitari na echiinu choonechoone, nawe chiri na ebhiinu bhyone.

Yakobo 1:12

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.

Yakobo 5:11

Rwa kutyo mumenyere, echibhatoga ati bhari na amabhando bhanu ꞉bheegumiirisiisye. ꞉Mwoonguuwe emisango jinu ꞉jaabhwene Ayubhu na kutyo ꞉eegumiirisiisye. Ka wone mumenyere emisango ja ekisi jinu Raatabhugenyi ꞉aamukoreeye ku‑bhuteero. Okubha Raatabhugenyi eejuuywe obhufura bhwafu na echigongo.

Obhusweruro 3:18

Kurwa ejo, enibhatongera mugure kw‑anye inaaryo inu yesiibhwe mu‑muriro korereki mubhe abhaniibhi. Mugure wone emyenda emyeru, muswikire obhutuyu bhwemwe korereki mutariiswara. Mugure omuti gwa okubhambaga ku‑meeso geemwe korereki mubhe na obhuturo bhwa okurora.

1 Timoteo 6:6

Chimari, okurama rwa kutyo Nyamuwanga keenda okukora omuunu abhe omuniibhi muno, araabha akeeywa na ebhiinu bhinu ari nabhyo.

Ebikorwa 5:41

Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.

1 Yoana 3:1

Mbe, mwiganirisye kutyo Raata Nyamuwanga acheendere muno, okukingira okuchitoga ati chiri bhaana bhaaye! Chimari, nikwo kutyo chiri. Nawe abhaanu bhanu bhatakugayuka Nyamuwanga bhatakumenya ati, eswe chiri bhaana bhaaye, kwa okubha bhatakumusombookerwa.

2 Batesalonika 2:16

Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

Barumi 6:23

Omuunu woonewoone unu ari mugaya wa echibhiibhi, omuyeero gwaye ni rufu rwa akajaanende koone. Nawe eswe, Nyamuwanga kaachiyaana obhuwanga bhwa akajaanende koone. Obhuwanga obhwo bhutari muyeero, tari ni chiyaanwa chinu echiramira okutura ku‑Kirisito Yeesu, Raatabhugenyi weeswe.

Barumi 5:3

Noorwo ebhinyaasyo bhyonebhyone bhikabha nibhichiija‑ko, eswe chirigenderera okukonderwa, kwa okubha echimenya ati ebhinyaasyo ebhichireetera obhwigumiirisya.

Ebikorwa 16:25

Yejire yaakinga mu‑bhwire agati, Pawuro na Siira bhaasabhwaga na okumwimbira Nyamuwanga jinyimbo ja okumukusya, enu abhabhoywa abheejaabho nibhabhategeresyaga.

Yowana 10:23

Yeesu aariga ˆnaaribhata mu‑rubhuga rwa Riyekaru, orubhaara runu orubhirikirwa ati, Rigaragariro rya Seremaani.

Matayo 12:32

Ka wone, Nyamuwanga arifwira echigongo abhaanu bhanu abhanyayika kubhiibhi, anye Omwana wa Omuunu. Nawe atarifwira echigongo abhaanu bhanu abhaayika kubhiibhi Mwoyo Mweru, ku‑mwanya gunu, amwi gunu oguuja.

Matayo 6:33

Woori emwe, muyenje okwamba obhukama bhwa Nyamuwanga na obhurengeresi bhwaye, na ebhindi ebhyo bhyone Nyamuwanga kaja okubhoongesisya.

Obhusweruro 2:9

Enimenya ebhinyaasyo bhyemwe na obhutaka bhwemwe. Nawe chimari emwe muri bhaniibhi! Ka wone, enimenya amafumo ganu omufumwa. Amafumo ago agasoosibhwa na bhanu abheetoga ati, ni bhaana bha Nyamuwanga, nawe bhatari abhaana bha Nyamuwanga, abheene ni bharuubhirisya bha Syetaani.

1 Yoana 2:25

Kutyo echiramira obhuwanga bhwa akajaanende koone bhunu ꞉aachiragire.

Matayo 13:8

Jimbibho ejindi nijigwa mu‑mayaru ga ekisi. Jimbibho ejo jejire jaakura, ejindi nijitwasya amatwasyo egana rimwi, ejindi nijitwasya amatwasyo makumi gataanu na rimwi na ejindi nijitwasya amatwasyo makumi gasatu.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

1 Timoteo 4:8

Jimenyekeene ati, “Okunasya omubhiri okubhona amanaga, kuri‑mo omuriiro mutooto era. Tari, okwikomeesya okwikara rwa kutyo Nyamuwanga keenda, kuri‑mo omuriiro gwa bhuri mbaga, kwa okubha rinu erichiyaana omurago gwa okubhona obhuwanga bhwa woori na bhunu bhuriija.”