Mariko 10:23 - Indagano Inyaaya mu-Chijita

²³ Yeesu ˆnaaringira nekeneke abhaanu enu na erya, ˆnaabhwira abheeyigisibhwa bhaaye ati, “Jiribha bhikomeeye muno abhaniibhi okwingira mu‑bhukama bhwa Nyamuwanga.”

INDAGANO INYA:YA

²³ Yesu namagamaga, nababwira abe:igisibwa bae ati, Ni kukome:e muno abani:bi okwingira mu bukama bwa Nyamuanga!

Mariko 10:23 ပူးပေါင်းရင်းမြစ်များ

1 Bakorinto 1:26

Woori abhayiri bhaani mu‑riikirisya, mwichuke kutyo mwariga muri mwanya gunu ꞉mwabhirikiiywe na Nyamuwanga. Mu‑bhwiganirisya bhwa abhaanu, abhaafu agati yeemwe bhaariga bhatari na obhwengeeso. Ka wone abhaafu agati yeemwe mwariga mutakumenyekana muno, noorwo ꞉muteebhuriiywe mu‑misi ja abhaanu abha echibharo.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

Ruuka 18:24

Yeesu ejire aamurora asurumbaaye kutyo, ˆnaayika ati, “Jiribha bhikomeeye muno abhaniibhi okwingira mu‑bhukama bhwa Nyamuwanga!

Mariko 3:5

Yeesu ˆnaaroreerera nekeneke Abhafarisaayo bhoone abhiyiriiywega, keenu asurumbaayega inguru ya obhukomeeye bhwa emyoyo jeebhwe. Niwo ˆnaabhwira omuunu oyo ati, “Gorora okubhoko kwawo.” Omuunu oyo ˆnaakugorora, awoawo ˆnaawora!

2 Petero 1:11

Kutyo, murikumibhwa kisi mu‑bhukama bhwa akajaanende bhwa Raatabhugenyi na Omuchungusi weeswe Yeesu Kirisito.

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.

Yowana 3:5

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe mu‑manji na kwa Mwoyo Mweru.

Mariko 10:15

Ni chimari enibhabhwira ati, woonewoone unu atakwikirisya obhukama bhwa Nyamuwanga rwa omwana omurera, ataringira mu‑bhukama obhwo noorwo na akatyari.”

Mariko 5:32

Nawe ˆnaamagamaga enu na enu, korereki arore unu aamukuunʼya‑ko.

Matayo 18:3

ˆNaabhabhwira ati, “Ni chimari enibhabhwira ati, araabha mukarema okuyinduka na okubha rwa abhaana abharera, mutaringira mu‑bhukama bhwa mu‑rwire noorwo na akatyari.

Mariko 10:22

Nawe, omuunu oyo ejire oongwa omusango ogwo, ˆnaafwa omutima. ˆNaagenda asurumbaaye muno, kwa okubha aariga ari muniibhi muno.