Mariko 10:2 - Indagano Inyaaya mu-Chijita

² Mbe, Abhafarisaayo nibhaaja okumuregeeja. Nibhamubhuusya ati, “Angu, ebhiraagiro bhya Muusa ebhiikirisisya omurume okutaana na omugasi waaye?”

INDAGANO INYA:YA

² Mbe Abafarisayo nibamutako nibamubu:sya ati, ?Omu:nu e:kirisibwe okuirisya omugasi wae? Nibamusaka.

Mariko 10:2 ပူးပေါင်းရင်းမြစ်များ

Matayo 15:12

Niwo abheeyigisibhwa bha Yeesu nibhamujaa‑ko, nibhamubhuusya ati, “Angu, owumenya ati Abhafarisaayo omwanya gunu ꞉bhoonguuwe emisango jaawo, ꞉bhaabhiyiiywe muno?”

Matayo 16:1

Niwo Abhafarisaayo na Abhasadukaayo nibhaaja ku‑Yeesu okumuregeeja. Nibhamusabhwa akore echibharikisyo cha okweresya ati, asookere ku‑Nyamuwanga.

Matayo 19:3

Niwo Abhafarisaayo abharebhe nibhaaja ku‑Yeesu korereki bhamuregeeje. Nibhamubhuusya ati, “Angu ebhiraagiro bhya Muusa ebhiikirisisya omurume okutaana na omugasi waaye ku‑songa yooneyoone irya?”

Matayo 22:35

Niwo, nibhagenda ku‑Yeesu, na umwi weebhwe unu aariga ari mwiyigisya wa ebhiraagiro bhya Muusa, ˆnaaregeeja okumuteganya. ˆNaamubhuusya ati,

Matayo 23:13

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuyingirira abhaanu okwingira mu‑bhukama bhwa mu‑rwire kwa ameeyigisyo geemwe. Emwe abheene mutakwingira, ka wone mutakwikirisisya abhaanu abhandi bhanu abheenda okwingira. [

Matayo 9:34

Nawe Abhafarisaayo nibhaayika ati, “Omuunu unu kaasoosya‑ko amasambwa ku‑bhuturo bhwa Syetaani, omukuru wa amasambwa goone!”

Mariko 10:1

Niwo Yeesu na abheeyigisibhwa bhaaye nibhasooka Kaperinaawumu erya, nibhagenda mu‑mukoowa gwa Yuudeya. Nibhatura na okwambuka ku‑ngego ya omusima gwa Yorodaani. Ebhise bhyafu bhya abhaanu bhyamwiyindaga, na aabheeyigisyaga rwa kutyo aariga anarire okukora.

Mariko 10:3

Yeesu ˆnaabhasubhya ati, “Muusa ꞉aaragiriiye echiraagiro ki?”

Mariko 8:11

Yeesu na abheeyigisibhwa bhaaye bhejire bhaakinga Daarimanuta, Abhafarisaayo nibhamuuja‑ko. Nibhaamba okubhambasyanya nage korereki bhamuteganye. Bhaariga nibheenda abheeresye echibharikisyo chinu echeeresya ati asookere ku‑Nyamuwanga.

Mariko 8:15

Yeesu ˆnaabhakengya ati, “Mwiyangarire muno na okwikenga echifwimbya cha Abhafarisaayo na echa Yeroode.”

Ruuka 11:39

Nawe, Raatabhugenyi Yeesu ˆnaabhabhwira ati, “Emwe Abhafarisaayo, omwiyesya kwa okwosya omutawo na orutubha anja, nawe mu‑myoyo jeemwe mwijuuywe obhusaakusi na obhujabhi.

Ruuka 16:14

Mbe, Abhafarisaayo bhejire bhoongwa emisango ja Yeesu ejo, nibhamugaya, kwa okubha bhaariga bheendere jipirya muno.

Ruuka 5:30

Echikorwa echo nichikora Abhafarisaayo, na abheeyigisya bheebhwe bha ebhiraagiro bhya Muusa, nibhagenda okujujuuma ku‑bheeyigisibhwa bha Yeesu, nibhaayikaga ati, “Mbawo, omurya na okunywa aamwi na abhatobhesya bha rigooti na abhakosi bha ebhibhiibhi?”

Ruuka 6:7

Ka wone bhaariga bhari‑mo abheeyigisya bha ebhiraagiro bhya Muusa, na Abhafarisaayo, ꞉bhaayenjere injuno ya okusitaaka Yeesu. Kurwa ejo, nibharindirira bharore araabha kaja okuwosya omuunu ku‑rusuku rwa Isabhaato.

Ruuka 7:30

Nawe Abhafarisaayo na abheeyigisya bha ebhiraagiro bhya Muusa, nibharema jinu Nyamuwanga aariga ˆneenda, kwa okubha ꞉bhaaremere okubhatiijibhwa na Yowana.

Yowana 11:47

Mbe, abhakuru bha abhagabhisi na Abhafarisaayo nibhabhirikirana okwinyanja echinyanjo cha ribharaja rikuru rya Abhayawudi, nibhabhuusyanya ati, “Chikore kutiki? Okubha omuunu unu kaakora ebhibharikisyo bhyafu.

Yowana 11:57

Abhakuru bha abhagabhisi na Abhafarisaayo bhaariga bharagiriiye ati, omuunu woonewoone unu amenyere anu Yeesu ari, abhabhwire korereki bhamugwate.

Yowana 7:32

Mbe, Abhafarisaayo nibhoongwa kutyo abhaanu bhaariga nibhabhobhootana inguru ya Yeesu. Kurwa ejo, Abhafarisaayo abho, aamwi na abhakuru bha abhagabhisi, nibhatuma abhasirikare, korereki bhamugwate.

Yowana 7:48

Angu, ari‑wo omutangasya woonewoone wurya amwi Omufarisaayo noorwo umwi unu kaamwikirisya?

Yowana 8:6

Abhaanu abho ꞉bhaabhuusiisye Yeesu kutyo kwa okumuregeeja, korereki bhabhone omusango gwa okumusitaaka. Nawe Yeesu ˆneenama, ˆnaamba okukaama aasi na echaara chaaye.

1 Bakorinto 10:9

Ka wone, chisige okuregeeja Raatabhugenyi, rwa kutyo abhandi mu‑bheene ꞉bhaamuregeejere, nibharumwa na jinjoka, nibhafwa.