Mariko 10:1 - Indagano Inyaaya mu-Chijita

¹ Niwo Yeesu na abheeyigisibhwa bhaaye nibhasooka Kaperinaawumu erya, nibhagenda mu‑mukoowa gwa Yuudeya. Nibhatura na okwambuka ku‑ngego ya omusima gwa Yorodaani. Ebhise bhyafu bhya abhaanu bhyamwiyindaga, na aabheeyigisyaga rwa kutyo aariga anarire okukora.

INDAGANO INYA:YA

¹ Ne:muka naso:kayo, na:ja mu mbibi ja Buyaudi na ku ngego yenderya ya Yorodani. Ebise nibisuba okumwikofyanyisyako. Nabe:igisya rindi rwa kutyo ariga anarire.

Mariko 10:1 ပူးပေါင်းရင်းမြစ်များ

Matayo 26:55

Niwo Yeesu ˆnaabhwira abhaanu bha echise echo ati, “Angu, mwaja na jimbanda na jindungu okungwata wuti anye niri musaakusi? Mbawo siku joone naariga niniiyigisya mu‑rubhuga rwa Riyekaru rya Nyamuwanga, nawe ꞉mutaangwatire!

Matayo 4:23

Yeesu aaturaga enu na erya mu‑mukoowa gwone gwa Gariraaya. Eengiraga mu‑nju ja ameekofyanyo ga Abhayawudi na okwiyigisya abhaanu omwo. Aariga wone ˆnaaraasisya abhaanu Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga mbaga nyafu.

Mariko 1:21

Niwo Yeesu na abheeyigisibhwa bhaaye abhana abho nibhagenda mu‑musi gwa Kaperinaawumu. Orusuku rwa Isabhaato rwejire rwakinga, nibheengira mu‑nju ya eriikofyanyo rya Abhayawudi, Yeesu ˆnaamba okwiyigisya.

Mariko 10:2

Mbe, Abhafarisaayo nibhaaja okumuregeeja. Nibhamubhuusya ati, “Angu, ebhiraagiro bhya Muusa ebhiikirisisya omurume okutaana na omugasi waaye?”

Mariko 12:35

Omwanya gunu Yeesu eeyigisyaga abhaanu mw‑Iyekaru rya Nyamuwanga, ˆnaabhabhuusya ati, “Kurwa ki abheeyigisya bha ebhiraagiro bhya Muusa abhaayika ati Kirisito ni mwana wa Dawudi?

Mariko 14:49

Mbawo siku joone naariga niniiyigisya mu‑rubhuga rwa Riyekaru rya Nyamuwanga, nawe ꞉mutaangwatire! Nawe jinu joone jaakorekana, korereki jikuumire jinu ꞉jaakaamirwe mu‑Bhikaame Ebhyeru.”

Mariko 2:13

Yeesu ˆneemuka, ˆnaagenda rindi ku‑njekekera ya inyanja ya Gariraaya. Abhaanu bhaafu nibhamuruubha, ˆnaabheeyigisya.

Mariko 4:2

Yeesu ˆnaabheeyigisya emisango myafu ku‑bhijekekanyo. Mu‑meeyigisyo gaaye ˆnaayika ati,

Mariko 6:2

Orusuku rwa Isabhaato rwejire rwakinga, ˆnaamba okwiyigisya abhaanu mu‑nju ya eriikofyanyo. Abhaanu bhaafu bhanu ꞉bhaamutegeresiisye bhaariga nibharuguura, nibhabhuusyanyaga ati, “Yego! Ka unu abhwene aaki emisango jinu joone? Ka wone, abhwene aaki obhwengeeso bhwone bhunu na obhuturo bhwa okukora ebhiruguusyo rwa ebhyo?

Mariko 6:34

Yeesu ejire eeka mu‑ngama, ˆnaarora echise echinene cha abhaanu. ˆNaabhafwira echigongo, kwa okubha bhaariga bhari rwa jinaama jinu jitari na omureefi. ˆNaamba okubheeyigisya emisango myafu.

Mariko 6:6

ˆNaaruguura muno, kwa okubha abhaanu abho bhaariga bhatari na eriikirisya noorwo na akatyari. Niwo Yeesu ˆneeyindaga mu‑nguuyo ja ayeeyi okwiyigisya abhaanu.

Yowana 10:40

Mbe, Yeesu ˆnaagenda rindi ku‑ngego ya omusima gwa Yorodaani, ˆnaakinga anu ku‑bhwambiro Yowana aariga ˆnaabhatiijisya abhaanu. ˆNeekara eyo siku nooto.

Yowana 11:7

Mbe, siku ebhiri jejire jaatura, Yeesu ˆnaabhwira abheeyigisibhwa bhaaye ati, “Chisubhe Yuudeya.”

Yowana 18:20

Yeesu ˆnaamusubhya ati, “Naariga ninaayika na abhaanu bhoone abhwerubhweru. Omwanya gwone naariga niniiyigisya abhaanu mu‑nju ja ameekofyanyo geemwe na mu‑rubhuga rwa Riyekaru munu Abhayawudi bhaafu abheekumanya aamwi. ꞉Nitaayikire wuri musango gwonegwone mu‑bhumbise.