Ebikorwa 9:6 - Indagano Inyaaya mu-Chijita

⁶ Woori, imereeguru! Genda wingire mu‑musi, omwo owuja okubhwirwa jinu ukenerwe okukora.”

INDAGANO INYA:YA

⁶ Nawe imuka wingire mu musi. Oujo:kubwirwa binu bikwiire okukora.

Ebikorwa 9:6 ပူးပေါင်းရင်းမြစ်များ

Matayo 19:30

Nawe abhaanu bhaafu bhanu bhatangatire woori, bharisingirira. Ka wone, abhaanu bhaafu bhanu bhasingiriiye woori, bharitangata.”

Ruuka 3:10

Abhaanu bhanu bhaariga bheekumanyiisye ku‑ngego ya ku‑musima ogwo, nibhabhuusya Yowana ati, “Mbe, woori chikore kutiki?”

Ebikorwa 10:22

Nibhamubhwira ati, “Chaatumwa na omwangarisi umwi wa abhasirikare, risiina ryaye ni Koroneeriyo. Omwene ni muunu wa obhurengeresi na kaagayuka Nyamuwanga, ka wone kaakuuyibhwa na Abhayawudi bhoone ati ni muunu wa ekisi. ꞉Aabhwiriiywe na maraayika omweru ati, akukume iika ewaaye, korereki ategeresye emisango jinu owuja okumubhwira.”

Ebikorwa 10:32

Kurwa ejo, woori bhwira abhaanu bhagende mu‑musi gwa Yoopa, bhabhirikire Simooni unu kaatogwa Peetero. Eekaaye iika ewa Simooni, omubhambi wa jinjayi. Inju yaaye iri ku‑mbarimbari ya inyanja.’

Ebikorwa 10:6

Eekaaye mu‑nju ya Simooni, omubhambi wa jinjayi. Inju yaaye iri ku‑mbarimbari ya inyanja.”

Ebikorwa 2:37

Abhaanu abho bhejire bhoongwa emisango ejo, nibharumwa muno mu‑myoyo jeebhwe. Nibhabhuusya Peetero na jitumwa jeejaabho ati, “Abhayiri bhaasu, woori chikore kutiki?”

Ebikorwa 22:10

Mbe nimmubhuusya ati, ‘Nikore kutiki, Raatabhugenyi?’ Raatabhugenyi ˆnaansubhya ati, ‘Imereeguru. Wingire Damaasiko. Omwo nimwo owuja okubhwirwa emisango joone jinu Nyamuwanga keenda ukore.’

Ebikorwa 26:16

Woori iimuka, wimereeguru! Okubha naakusoromokera korereki ubhe omukosi waani, usoosye obhubhambaasi ku‑jinu waarora reero na jirya nirikweresya.

Ebikorwa 9:5

Saawuri ˆnaayika ati, “Raatabhugenyi awe, naawe ga?” ˆNaamubhwira ati, “Anye naanye Yeesu, unu awe owunnyaasya.

Barumi 10:20

Ka wone, omuragi Iisaya ꞉aayikire kwa ribhaasi emisango ja Nyamuwanga ati, “Abhaanu bhanu bhatakunyenja, nibho bhaandora. Abhaanu bhanu bhatakubhuusirisya emisango jaani, nibho neeswerura ku‑bheene.”

Barumi 10:3

Abheene ꞉bhataaruubhire injira inu Nyamuwanga kaabhara abhaanu okubha abharengeresi, kwa okubha ꞉bhataayisombookeeywe, ka wone ꞉bhaayenjere abheene injira ya okwibhonera obhurengeresi.

Barumi 5:20

Ebhiraagiro bhya Muusa ꞉bhyejire, nibhireterera ebhibhiibhi okwiyongesya. Noorwo kutyo, omwanya gunu ebhibhiibhi ꞉bhyeyongesiisye, obhwitiriranya bhwa Nyamuwanga wone nibhugenderera okwiyongesya muno.

Barumi 7:9

Ku‑mwanya gunu naariga nichaari kumenya echiraagiro echo, naariga niikaaye rwa kutyo naariga nineenda. Nawe omwanya gunu ꞉naamenyere echiraagiro, ebhibhiibhi nibhibha na amanaga muno, nibhindeetera orufu.

Bafilipi 2:12

Mbe, abheendwa bhaani, omwanya gunu naariga niri kw‑imwe, mwariga nimugayuka Nyamuwanga siku joone. Nyabhuriko, noorwo woori omwanya gunu niri kura na emwe, mugenderere okukora muno jinu jeenderwe ku‑bhaanu bhanu Nyamuwanga achunguuye. Mukore ejo mu‑kuyarara kunu okuruubhana na okuubhaya Nyamuwanga.

Yakobo 4:6

Nawe Nyamuwanga kaachiyaana obhwitiriranya bhwafu, nikwo okukora jikaamirwe mu‑Bhikaame Ebhyeru ati, “Nyamuwanga kaayaajana na abha echigundu, tari bhanu abheekeeya, kaabhayaana obhwitiriranya.”