Ebikorwa 9:39 - Indagano Inyaaya mu-Chijita

³⁹ Mbe, Peetero ˆneemuka, ˆnaagenda aamwi nabho. Omwanya gunu ꞉bhaakingire Yoopa, nibhamusira mu‑chisago echo. Omwo abhatumbagasi bhaafu nibhabha ayeeyi nage nibhariraga na okumweresya emingiro na emyenda ejindi jinu Tabhiija aariga abhabhaririiye omwanya gwa obhuwanga bhwaye.

INDAGANO INYA:YA

³⁹ Petero ne:muka nagenda nabo. Wejire akinga nibamusira mwisago rya inguru. Abatumba bo:ne nibe:mereguru yei nage nibarira, nibe:resya jikanju ne bifwaro binu akoraga acari nabo.

Ebikorwa 9:39 ပူးပေါင်းရင်းမြစ်များ

Matayo 17:17

Yeesu ˆnaayika ati, “Emwe muri bhaanu bha riyimbo rinu ritari na eriikirisya na rinu rinyamukire! Niribha na emwe okukingira rusuku ri? Niribheegumiirisya okukingira omwanya ki? Mureete omwana oyo anu!”

Matayo 26:11

Abhataka bhari aamwi na emwe siku joone, nawe anye nitaribha aamwi na emwe siku joone.

Mariko 14:8

Omugasi unu aakora omusango gunu ari ˆnaatura okukora. Atangata okubhambaga omubhiri gwani amafuta ganu, okunyiraabha orusuku rwa okusiikwa kwani.

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Yowana 12:8

Abhataka bhari na emwe siku joone. Nawe anye nitaribha aamwi na emwe siku joone.”

Yowana 17:12

Omwanya gunu naariga niri aamwi nabho, naabharindaga ku‑bhuturo bhwa risiina ryawo rinu unaaye. ꞉Naabhaangariiye kisi korereki nisige okubhusya noorwo umwi ku‑bhanu, tari unu ꞉eenderwe okusingaarika, okukuumisya jinu jikaamirwe mu‑Bhikaame Ebhyeru.

Ebikorwa 1:13

Bhejire bhaakinga mu‑musi gwa Yerusareemu, nibhagenda nibhariinya mu‑chisago cha mu‑bhutingo munu bhaariga bheekaaye kwa siku nooto. Jitumwa ejo nibho bhanu, Peetero, Yowana, Yakobho, Andereya, Firipo, Tomaasi, Bhatoromaayo, Mataayo, Yakobho omwana wa Arufwayo, Simooni unu aariga ari Omujeroote na Yuuda omwana wa Yakobho.

Ebikorwa 20:35

Mu‑joone jinu ꞉naakorere, naariga nimbeeresya ati echikenwa okukora emirimu, korereki chibhone ebhiinu bhya okusakira abhaanu bhanu bhatari na obhuturo. Echikenwa wone okwichuka emisango jinu Raatabhugenyi Yeesu omwene ꞉aayikire, ‘Amabhando maafu ari mu‑kusoosya okukira mu‑kuramira.’”

Ebikorwa 6:1

Mu‑siku ejo, obhukumi bhwa abheeyigisibhwa bha Yeesu bhwariga nibhugenderera okwiyongesya. Agati yeebhwe bhaariga bhari‑mo Abhayawudi bhanu bhaaromaga Echiyunaani, na Abhayawudi bheejaabho bhanu bhaaromaga Echiyebhuraniya. Bhanu bhaaromaga Echiyunaani bheerurujaga ati, mu‑mirimu ja okugabha ebhiryo bhya bhuri rusuku, abhatumbagasi bheebhwe bhataagabhirwaga ebhiryo kisi na bhanu bhaaromaga Echiyebhuraniya.

Ebikorwa 9:41

Peetero ˆnaamugwata okubhoko, ˆnaamwimereegusyu. ˆNaabhirikira abhatumbagasi bharya na abheekirisya abhandi, ˆnaamutuura imbere yeebhwe, ari muwanga kerechu.

2 Bakorinto 8:12

Araabha omuunu ari na omwoyo gwa okusakira, Nyamuwanga kaaramira bhuri chiinu chinu omuunu kaasoosya okuruubhana na bhinu ari nabhyo. Nyamuwanga atakutonga echiinu chinu omuunu atari nacho.

Baefeso 4:28

Omwifi asige okugenderera okwibha, nawe akiri afurubhende, akore emirimu ja okwibhusya‑mo kwa amabhoko gaaye, korereki abhone echiinu cha okuyaana‑ko owa obhukene.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

1 Batesalonika 4:13

Woori, abhayiri bheeswe, echeenda mumenye emisango ja abheekirisya bhanu bharamaamire nyombe, korereki musige okusurumbara rwa bhanu bhatari na obhwiyikanyo bhwa okurama na Nyamuwanga akajaanende koone.

1 Timoteo 5:3

Uyaane echibharo abhatumbagasi bhanu bharabheeye abhatumbagasi katakata.

1 Timoteo 5:5

Omutumbagasi wa echimari unu atari na omuunu wa okumusakira, oyo keeyikanya Nyamuwanga, kaamuramya na okusabhwa obhusakisi ku‑mwene mu‑ngeta na mu‑mwisi.

1 Yoana 3:18

Abhaana bhaani mu‑riikirisya, chisige okwayika mu‑kanwa era ati echeendana. Tari cheendane kwa eryenda rya echimari kwa okusakirana abheene kwa abheene.