Ebikorwa 9:36 - Indagano Inyaaya mu-Chijita

³⁶ Mu‑musi gwa Yoopa aariga ari‑mo omugasi umwi, omwiyigisibhwa wa Raatabhugenyi Yeesu, risiina ryaye aatogwaga Tabhiija, mu‑nyaayika ya Echiyunaani, risiina rinu ni Dorikaasi. Tabhiija aariga ˆnaasakira abhanare, na okukora ebhikorwa ebhindi bhya ekisi.

INDAGANO INYA:YA

³⁶ Mbe mu Yopa ariga:rio mwiigisibwa umwi, risi:na ryae Tabisa, obugajuro bwaryo ati Dorika (kasosoji). Omugasi uyo ariga e:juye ebikorwa byo bwana ne biyanwa binu aso:syaga.

Ebikorwa 9:36 ပူးပေါင်းရင်းမြစ်များ

Matayo 25:17

Kutyokutyo, omugaya unu ꞉aayaaywe jitaranta ebhiri, ˆnaagenda okukora ebhyasara na okubhona jitaranta ejindi ebhiri.

Yowana 15:5

“Anye niri riiti rya rijabhiibhu, emwe muri matabhi. Omuunu unu ari na obhumwi na anye, anye wone enibha na obhumwi nage, oyo aribhaga naatwasya amatwasyo maafu, kwa okubha mukarema okubha na obhumwi na anye, mutakutura okukora gwonegwone.

Yowana 15:8

Araabha mukatwasya amatwasyo maafu na okubha abheeyigisibhwa bhaani bha echimari, omubha nimweresya abhwerubhweru rikusyo rya Raata waani.

Ebikorwa 10:23

Ejire eeya Peetero ˆnaabhakuma mu‑nju, bhabhe abhagenyi bhaaye. Mwejo yende‑ko, Peetero na abhaanu bhasatu bharya nibhaamba orugendo rwebhwe, aamwi na abheekirisya abharebhe okusooka Yoopa.

Ebikorwa 10:31

ˆNaambwira ati, ‘Koroneeriyo, Nyamuwanga oongwa risabhwa ryawo, aarora na kutyo owusakira abhanare.

Ebikorwa 10:8

Koroneeriyo, ˆnaabheeresya joone jinu ꞉jaakorekeene, ˆnaabhatuma bhagende Yoopa.

Ebikorwa 11:13

Omwene ˆnaachitondera kutyo maraayika ꞉aamusoromokeeye iika ewaaye, ˆnaamubhwira ati, ‘Nuubhwire abhaanu bhagende Yoopa, bhabhirikire Simooni unu kaatogwa Peetero.

Ebikorwa 11:5

“Rusuku rumwi naariga niri mu‑musi gwa Yoopa. Omwanya gunu naariga ninsabhwa Nyamuwanga, nindora ebhiroro. Mu‑bhiroro ebhyo, ꞉naarorere echiinu rwa isuuka nene inu yaariga igwatirwe jisonde jaayo ena. Echiinu echo chaariga nichiisibhwa ku‑chaaro kunu okusooka ku‑rwire, nichiikira ayeeyi na anye.

Ebikorwa 9:38

Omusi gwebhwe gwa Yoopa gwariga guri yeeyi na Ruuda. Kurwa ejo, bhunu abheeyigisibhwa ꞉bhoonguuwe ati Peetero ari Ruuda nibhatuma abhaanu abhabhiri ku‑Peetero. Eyo nibhabhwira Peetero ati, “Echikwirembeeresya, nuuwuuje kw‑iswe enu woori anu kutya!”

Ebikorwa 9:42

Emisango ja echikorwa echo nijiswirana muno mu‑musi gwone gwa Yoopa, abhaanu bhaafu nibheekirisya Raatabhugenyi Yeesu.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Bafilipi 1:11

Obhurame bhwemwe bhuriijura emisango ja rirenga jinu ejibhonekana ku‑njira ya Yeesu Kirisito. Ejo joone jirikumya Nyamuwanga na okumukusya.

Bakolosai 1:10

Niwo muritura okurama rwa kutyo Raatabhugenyi Yeesu keenda na okumukondisya ku‑misango joone. Obhurame bhwemwe bhurimukondisya inguru ya emirimu jeemwe ja ekisi, ka wone murigenderera okukura mu‑kumenya Nyamuwanga.

1 Batesalonika 4:10

Ni chimari, nikwo kutyo omukorera abheejaanyu bhoone bha mu‑mukoowa gwa Makedooniya. Woori, echibheerembeeresya ati mugenderere okwendana muno okukira kutyo mwariga nimwendana.

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Tiito 2:7

Awe wone, ku‑misango ejo joone, ubhe echijekekanyo cha okwiyikanyibhwa cha ebhikorwa bhya ekisi. Mu‑meeyigisyo gaawo, weeresye echimari na echibharo.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Baeburania 13:21

Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.