Ebikorwa 9:34 - Indagano Inyaaya mu-Chijita

³⁴ Peetero ˆnaamubhwira ati, “Ayineeya, Yeesu Kirisito aakuwosya. Iimuka! Funya riraro ryawo.” Awoawo Ayineeya ˆneemereeguru!

INDAGANO INYA:YA

³⁴ Petero namubwira ati, Ainea, Yesu Kristo akuosya. Imuka, wanje oburiri bwao. Aonao ne:muka.

Ebikorwa 9:34 ပူးပေါင်းရင်းမြစ်များ

Matayo 8:3

Yeesu ˆneenamusya okubhoko, ˆnaamukuunʼya‑ko, ˆnaamubhwira ati, “Eneenda, uwore!” Awoawo, ˆnaawora ebhigenge bhyaye.

Matayo 9:6

Nawe eneenda mumenye ati, anye Omwana wa Omuunu niyaaywe obhuturo bhwa okufwira echigongo ebhibhiibhi mu‑chaaro munu.” Neeya Yeesu ˆnaabhwira omuunu unu aariga afuuwe omubhiri ati, “Imereeguru! Ugege riraro ryawo, ugende iika ewaawo.”

Yowana 2:11

Yeesu ꞉aakorere echibharikisyo echo mu‑musi gwa Kaana mu‑mukoowa gwa Gariraaya. Echo nicho echibharikisyo cha okwamba chinu ꞉aakorere okweresya rikusyo ryaye, na abheeyigisibhwa bhaaye nibhamwikirisya.

Ebikorwa 16:18

ˆNaakora kutyo bhuri rusuku, okukingira Pawuro ˆnaabhiyirwa muno. Ku‑bhuteero, ˆnaaringira omugayagasi oyo, ˆnaagonya risambwa rinu ryariga rimuri‑ko ati, “Enikugonya kw‑isiina rya Yeesu Kirisito, sooka ku‑muyarakaji unu!” Awoawo risambwa eryo nirimusooka‑ko.

Ebikorwa 3:12

Peetero ejire aarora abhaanu abho bheekofyanyiisye, ˆnaabhabhwira ati, “Emwe Abhayisirayeeri bheejaasu, mutegeresye, ni kurwa ki emisango ejo ejibharuguusya? Mbawo omuchiringira muno wuti omuunu unu aawosibhwa kwa obhuturo bhweswe, amwi kwa okubha eswe chiikaaye obhurame bhunu Nyamuwanga keenda?

Ebikorwa 3:16

“Omumenya kisi omuunu unu omurora anu kutyo aariga aremaaye. Omwene aawosibhwa kwa okwikirisya Yeesu. Risiina rya Yeesu eryo na eriikirisya ku‑mwene, niyo isonga aabhona obhuwanga imbere yeemwe.

Ebikorwa 3:6

Nawe Peetero ˆnaamubhwira ati, “Nitari na jipirya noorwo inaaryo, nawe chinu niri nacho ni chinu. Enikubhwira kw‑isiina rya Yeesu Kirisito Omunajareeti, imereeguru uribhate!”

Ebikorwa 4:10

emwe bhoone aamwi na Abhayisirayeeri abhandi bhoone, enikena mumenye echimari ati, unu eemereeguuyu imbere yeemwe ni muwanga, kwa obhuturo bhwa risiina rya Yeesu Kirisito Omunajareeti, unu emwe ꞉mwabhambire ku‑musarabha, nawe Nyamuwanga ꞉aamusuuruuye okusooka mu‑bhafuuwe.

Ebikorwa 9:33

Mu‑musi omwo, ˆnaabhugana na omuunu, risiina ryaye aatogwaga Ayineeya. Oyo aariga afuuwe omubhiri, amaamire kw‑iraro omwanya gwa emiguuga etaanu na esatu.

Ebikorwa 9:35

Abhaanu bhoone bhanu bhaariga bheekaaye Ruuda na mw‑itina rya Sarooni, bhejire bhaarora Ayineeya ˆnaaribhataga, nibhayindukira Raatabhugenyi Yeesu.