Ebikorwa 9:20 - Indagano Inyaaya mu-Chijita

²⁰ Awoawo ꞉aambire okugenda mu‑nju ja ameekofyanyo ga Abhayawudi, ˆnaabharaasisyaga ati, Yeesu ni Mwana wa Nyamuwanga.

INDAGANO INYA:YA

²⁰ Aonao nasimura Yesu mu mekofyanyisyo ati, Oyo niwe Omwana wa Nyamuanga.

Ebikorwa 9:20 ပူးပေါင်းရင်းမြစ်များ

Matayo 27:43

Omwene keeyikanya Nyamuwanga, ꞉aayikire ati, ‘Anye ni Mwana wa Nyamuwanga.’ Mbe, Nyamuwanga amuwonʼye woori araabha chimari kaamwenda.”

Matayo 27:54

Omwangarisi wa abhasirikare aamwi na bhanu bhaariga nibhaangarira Yeesu bhejire bhaarora rinyamutikima rya echaaro na ejindi joone jinu ꞉jaakorekeene, nibhoobhaya muno, nibhaayika ati, “Chimari, omuunu unu aariga ari Mwana wa Nyamuwanga!”

Matayo 4:3

Niwo Syetaani ˆnaaja okumuregeeja. ˆNaamubhwira ati, “Araabha awe uri Mwana wa Nyamuwanga, indura amabhuyi ganu gabhe emikaate.”

Yowana 1:49

Natanayeri ˆnaamusubhya ati, “Omwiyigisya, awe uri Mwana wa Nyamuwanga! Ka wone uri mukama wa Abhayisirayeeri!”

Yowana 19:7

Abhatangasya bha Abhayawudi abho nibhamusubhya ati, “Eswe chiri na echiraagiro. Okuruubhana na echiraagiro echo, keendwa eetwe, kwa okubha keekora wuti ni Mwana wa Nyamuwanga.”

Yowana 20:28

Tomaasi ˆnaamusubhya ati, “Raatabhugenyi waani na Nyamuwanga waani!”

Yowana 20:31

Nawe ebhibharikisyo bhinu bhiri mu‑chitabho chinu, bhikaamirwe korereki mwikirisye ati Yeesu niwe Kirisito, Omwana wa Nyamuwanga, mu‑kwikirisya okwo, mubhone obhuwanga bhwa akajaanende koone kw‑isiina ryaye.

Ebikorwa 13:14

Bhejire bheeya Pawuro na Bharinaabha nibhasooka Perege, nibhagenda, nibhasikirira mu‑musi gwa Atiyookiya mu‑mukoowa gwa Pisiidiya. Orusuku rwa Isabhaato, nibheengira mu‑nju ya eriikofyanyo rya Abhayawudi nibheenyanja.

Ebikorwa 13:33

aajikuumisya kw‑iswe abhaana bheebhwe, kwa okusuurura Yeesu. Nikwo kutyo jikaamirwe mu‑Jabhuri ya kabhiri ati, ‘Awe naawe Omwana waani, reero eniraasya ati anye niri Somwana.’

Ebikorwa 13:46

Noorwo kutyo, Pawuro na Bharinaabha nibhabhasubhya kwa ribhaasi nibhaayikaga ati, “Jaariga jiiyire omusango gwa Nyamuwanga, guraasibhwe kw‑imwe, emwe Abhayawudi okwamba. Nawe kwa okubha mwagurema na okwiramura abheene ati muteeyire obhuwanga bhwa akajaanende, woori echibhasiga echigenda okuraasisya abhaanu bhanu bhatari Bhayawudi.

Ebikorwa 13:5

Omwanya gunu ꞉bhaakingire kw‑isinga eryo, mu‑musi gwa Saraami, nibhaamba okuraasisya abhaanu omusango gwa Nyamuwanga mu‑nju ja ameekofyanyo ga Abhayawudi. Awo Yowana Maariko, aariga ari aamwi nabho wuti musakisi weebhwe.

Ebikorwa 14:1

Yikoniya eyo Pawuro na Bharinaabha, nibheengira mu‑nju ya eriikofyanyo rya Abhayawudi, rwa kutyo jitungwa jeebhwe jaariga jiri. Nibheeyigisya abhaanu omwo kwa ribhaasi inguru ya Yeesu, Abhayawudi abhaafu muno aamwi na Abhayunaani abhaafu, nibheekirisya Yeesu.

Ebikorwa 16:13

Orusuku rwa Isabhaato nichigenda anja ya omusi ogwo, ku‑mbarimbari ya omusima, okubha cheeyikanyaga ati, awo niwo ꞉chaakabhwene wa okurombera. ꞉Cheenyanjire, nichiroma na abhagasi bhanu bhaariga bheekumanyiisye awo.

Ebikorwa 17:10

Omwanya gwa mu‑ngeta irya, abheekirisya nibhasira bhwangwe Pawuro na Siira mu‑musi gwa Bherooya. Bhejire bhaakinga eyo, nibheengira mu‑nju ya eriikofyanyo rya Abhayawudi.

Ebikorwa 17:17

Kurwa ejo eengiraga mu‑nju ya eriikofyanyo rya Abhayawudi, ˆnaayikanaga na Abhayawudi aamwi na abhandi bhanu bhaaramyaga Nyamuwanga, inguru ya Emisango ja Ekisi ja Yeesu. Wone aaraasyaga ku‑bhaanu bhoone bhanu aariga ˆnaasongʼana mw‑iguriro bhuri rusuku.

Ebikorwa 17:2

Pawuro ˆneengira mu‑nju eyo, okuruubhana na itungwa yaaye kutyo yaariga iri. Jisabhaato esatu joone jinu ꞉jaaruubheene, eeresyaga abhaanu emisango jinu jiri mu‑Bhikaame Ebhyeru,

Ebikorwa 18:19

Mu‑njira, bhejire bhaakinga mu‑musi gwa Yefeeso, Pawuro ˆnaasiga abheejaabho erya. Omwene ˆneengira mu‑nju ya eriikofyanyo, ˆnaayikana na Abhayawudi.

Ebikorwa 18:4

Bhuri orusuku rwa Isabhaato, Pawuro aaregeejaga okukongya Abhayawudi aamwi na Abhayunaani mu‑nju ya eriikofyanyo rya Abhayawudi.

Ebikorwa 19:8

Kwa omwanya gwa ameesi gasatu Pawuro aariga ˆneengira mu‑nju ya eriikofyanyo rya Abhayawudi na okusimura nabho kwa ribhaasi. Aasimuraga na abhaanu na okubharembeja bheekirisye emisango ja obhukama bhwa Nyamuwanga.

Ebikorwa 8:36

Omwanya gunu bhaariga nibhagenderera na orugendo ku‑njira eyo, nibhakinga anu gaariga gari amanji. Omukuru oyo ˆnaabhwira Firipo ati, “Rora, anu gari‑wo amanji! Niki chinu echinganya okubhatiijibhwa?” [

Ebikorwa 8:37

Firipo ˆnaamubhwira ati, “Ukeekirisya Yeesu Kirisito kwa omwoyo gwawo gwone, owutura okubhatiijibhwa.” ˆNaamubhwira ati, “Eniikirisya ati, Yeesu Kirisito ni Mwana wa Nyamuwanga.”]

Ebikorwa 9:22

Nawe Saawuri ˆnaagenderera okubhona obhuturo na okuruguusya Abhayawudi bhanu bhaariga bheekaaye Damaasiko, ˆnaabhakomeeresyaga kwa okweresya Ebhikaame Ebhyeru ati, Yeesu niwe Kirisito.

Barumi 1:4

nawe kwa Mwoyo Mweru, Nyamuwanga ꞉aasorere Omwana waaye okubha owa obhuturo bhwone kwa okumusuurura okusooka mu‑bhafuuwe. Yeesu Kirisito oyo, niwe Raatabhugenyi weeswe.

Bagalatia 1:16

okunswerurira Omwana waaye kutyo ari. ꞉Aaramuuye okukora kutyo, korereki niraasye Emisango ja Ekisi inguru ya Omwana waaye ku‑bhaanu bhanu bhatari Bhayawudi. Anye ꞉nitaayenjere abhaanu bha okuntongera jinu nirikora.

Bagalatia 2:20

Bhumuunu bhwani bhwa kara bhwa ebhibhiibhi, ꞉bhwabhambirwe aamwi na Kirisito ku‑musarabha. Woori niri muwanga, nawe nitari anye unu niri muwanga, tari Kirisito niwe ari muwanga mu‑mwoyo gwani. Obhuwanga bhunu niri nabhwo omwanya gunu, niri nabhwo mu‑kwikirisya Omwana wa Nyamuwanga. Omwene ꞉aanyendere na okusoosya obhurame bhwaye inguru yaani, korereki nichunguke.

Obhusweruro 2:18

“Ukaamire maraayika wa mw‑ikanisa rya Tiyaatira kutya, Anye, naanye Omwana wa Nyamuwanga. Ameeso gaani gari rwa jimbeesi ja omuriro na amaguru gaani agangʼarabhya muno rwa echuuma echitukurasi chinu chikuubhirwe muno. Mutegeresye jinu enibhabhwira!