Ebikorwa 9:17 - Indagano Inyaaya mu-Chijita

¹⁷ Mbe, Ananiiya ˆnaagenda, ˆneengira mu‑nju eyo. ˆNaamutuura‑ko amabhoko, ˆnaayika ati, “Saawuri waasu, Raatabhugenyi aantuma kw‑awe, korereki urore na wijusibhwe Mwoyo Mweru. Raatabhugenyi oyo niwe Yeesu, unu ꞉aakusoromokeeye ku‑njira omwanya gunu waajaga enu.”

INDAGANO INYA:YA

¹⁷ Anania ne:muka nagenda, nengira mu nyumba, namutako amaboko, na:ika ati, Saulo wa:su, Ratabugenyi antumire, niwe Yesu oyo amakusoromokera mu njira inu wamaturako. Antumire korereki urore, wijusibwe Mwoyo Mweru.

Ebikorwa 9:17 ပူးပေါင်းရင်းမြစ်များ

Matayo 19:13

Mbe, abhaanu abharebhe nibhareetera Yeesu abhaana abharera, korereki abhakuunʼye ku‑mitwe na okubhasabhirwa amabhando. Nawe abheeyigisibhwa bhaaye nibhagonya abhaanu abho.

Mariko 5:23

ˆnaamwirembeeresya muno ˆnaayikaga ati, “Omuyaasya waani ni murwaye, ari yeeyi okufwa. Enikusabhwa chigende, umuteere‑ko amabhoko gaawo, korereki awosibhwe na abhe muwanga.”

Mariko 6:5

Kurwa ejo, Yeesu ꞉ataaturire okukora ebhiruguusyo bhyafu eyo, tari ꞉aateereeye‑ko mabhoko abharwaye bhatooto era, ˆnaabhawosya.

Ruuka 1:41

Erijaabheeti ejire oongwa era obhukeesya bhwa Maryamu, omwana ˆnaagoma mu‑nda yaaye. Awoawo, Erijaabheeti ˆneejurwa Mwoyo Mweru,

Ruuka 1:67

Jaakariya esemwene omwana oyo, ˆneejurwa Mwoyo Mweru, ˆnaasoosya obhuragi ati,

Ruuka 1:76

Woori awe omwana waani, uribha nuwaayikwa ati, uri muragi wa Nyamuwanga unu ari Inguru ya Bhyone, kwa okubha, uritangata imbere ya Raatabhugenyi, korereki asongʼane wamwirabhiiye injira yaaye.

Ruuka 15:30

Nawe, omwana waawo unu ꞉aanyamuuwe ebhiinu bhyawo na abhagasi bhanu abheegusya okwibhonera ribhona, omwene aakinga era, nuumwitira iingʼa inu inyame!’

Ruuka 15:32

Nawe omutooto waawo unu, jeenderwe chimukorere obhugenyi, chikonderwe na okusandabha aamwi. Okubha aariga ari wuti afuuwe, woori anu aasuuruka. Aariga abhurire, woori anu, aabhonekana rindi!’”

Ruuka 2:11

Reero inu, mu‑musi gwa Dawudi, eebhurwa‑mo Omuchungusi weemwe. Omuchungusi oyo niwe Kirisito Raatabhugenyi.

Ebikorwa 10:36

Emwe abheene, mumenyere omusango gunu Nyamuwanga ꞉aasiriiye Abhayisirayeeri. Nibharaasibhwa Emisango ja Ekisi korereki bhabhe na omurembe na Nyamuwanga ku‑njira ya Yeesu Kirisito. Yeesu oyo niwe Raatabhugenyi wa abhaanu bhoone.

Ebikorwa 13:3

Mbe, bhejire bhaamara okusabhwa Nyamuwanga na okwiyima okurya ebhiryo, nibhatuura amabhoko geebhwe ku‑Bharinaabha na Saawuri okubhasabhirwa, nibhabhatuma bhagende.

Ebikorwa 13:52

Nawe abheeyigisibhwa bha Yeesu bha Atiyookiya ya Pisiidiya eyo, nibhabha na rikonderwa enene nibhagendereraga okwijusibhwa Mwoyo Mweru.

Ebikorwa 19:6

Omwanya gunu Pawuro ꞉aabhatereeye‑ko amabhoko gaaye, awoawo Mwoyo Mweru ˆnaabheekira, nibhaamba okwayika mu‑nyaayika jingenyi na okusoosya obhuragi.

Ebikorwa 2:4

Abhaanu abho bhoone nibheejusibhwa na Mwoyo Mweru, nibhaamba okwayika mu‑nyaayika jingenyi, rwa kutyo Mwoyo Mweru aabhatangasyaga okwayika.

Ebikorwa 21:20

Yakobho na abhakaruka bha rikanisa bhejire bhoongwa ejo, nibhakuuya Nyamuwanga. Niwo nibhabhwira Pawuro ati, “Omuyiri weeswe waarora ebhiwumbi na ebhiwumbi bhya Abhayawudi bhanu bheekirisiisye Yeesu na bhoone abharuubhirisya muno ebhiraagiro bhya Muusa.

Ebikorwa 26:15

“Niwo, nimubhuusya ati, ‘Raatabhugenyi awe, naawe ga?’ ˆNaansubhya ati, ‘Anye naanye Yeesu, unu awe owunnyaasya.

Ebikorwa 4:31

Bhejire bhaamara okusabhwa Nyamuwanga, inju inu bhaariga bheekofyanyiisye‑mo niitikima. Abho bhoone nibheejusibhwa na Mwoyo Mweru, nibhaamba okwiyigisya abhaanu omusango gwa Nyamuwanga kwa ribhaasi.

Ebikorwa 6:6

Nibhareeta abhaanu abho imbere ya jitumwa. Jitumwa nibhabhasabhirwa na okubhateera‑ko amabhoko korereki bhaje okukora emirimu.

Ebikorwa 8:17

Peetero na Yowana nibhatuura amabhoko geebhwe ku‑bheekirisya abho, nibharamira Mwoyo Mweru.

Ebikorwa 9:18

Awoawo ebhiinu rwa amakanda nibhigwa okusooka mu‑meeso ga Saawuri, ˆnaarora rindi. Niwo ˆneemereeguru, ˆnaabhatiijibhwa.

Barumi 15:7

Woori, bhuri muunu akumega oweejaabho, rwa kutyo emwe Kirisito ꞉aabhakumire, korereki Nyamuwanga akusibhwe.

1 Bakorinto 15:47

Omuunu wa okwamba, ꞉aamogerwe. Omuunu wa kabhiri, ꞉aasookereeye mu‑rwire.

1 Bakorinto 15:8

Ejire aamara ˆnaasoromokera abhaanu bhoone, ˆnaansoromokera anye wone, unu niri rwa omuunu unu eebhuuywe ari ndebhire.

1 Bakorinto 9:1

Woori, anye nitari mwitaage? Anye nitari tumwa? Anye ꞉nitaarorere Raatabhugenyi weeswe Yeesu? Ka wone emirimu jinu anye ꞉naakorere jitari nijo jinu jikorere emwe mwikirisye Raatabhugenyi?

1 Timoteo 4:14

Komeera okukorera emirimu echiyaanwa chinu Nyamuwanga akuyaaye ku‑njira ya emisango ja obhuragi na okutuurirwa‑ko amabhoko aamwi na abhakaruka bha rikanisa.

1 Timoteo 5:22

Waasiga okwiwuta okutuura omuunu ku‑mirimu ja Raatabhugenyi, kwa okubha ukatuura‑ko omuunu omubhiibhi ku‑mirimu ejo, awe wone owubha usangiiye ebhibhiibhi bhyaye. Wiyangarire omwene, korereki ugenderere okubha omweru.

2 Timoteo 1:6

Niyo isonga, enikwichukya ati komeera okukorera emirimu echiyaanwa chinu Nyamuwanga ꞉aakuyaaye omwanya gunu ꞉naakutereeye‑ko amabhoko.

Filemoni 1:16

Okwambira woori, omwene atari rwa omugaya era kw‑awe, tari omwene ari na ingʼoryo muno okukira omugaya, ari rwa omuyiri omwendwa. Anye enimwenda muno, awe urimwenda okukira anye, rwa omugaya mu‑nju yaawo, ka wone rwa omuyiri mu‑Raatabhugenyi Yeesu.

Baeburania 6:2

Chisigega okusubhiirira rindi okwiyigira ameeyigisyo ga obhubhatiijo, ga okutuurira‑ko abhaanu amabhoko, ga abhafuuwe okusuuruka na ga indamu ya kajaanende koone.

2 Petero 3:15

Mumenye ati, Raatabhugenyi keegumiirisya abhaanu, korereki bhabhone omwanya gwa okuchunguka. Nikwo kutyo omuyiri weeswe Pawuro omwendwa ꞉aabhakaamiiye ku‑bhwengeeso bhunu Nyamuwanga amuyaaye.