Ebikorwa 9:11 - Indagano Inyaaya mu-Chijita

¹¹ Raatabhugenyi ˆnaamubhwira ati, “Woori nuugende na injira inu eyitogwa Ingororoke, uje okuyenja inju ya Yuuda, inu iri yeeyi na injira eyo. Bhuusirisya omwo omuunu unu asookere mu‑musi gwa Taariso, risiina ryaye kaatogwa Saawuri. Woori anu kaasabhwa Nyamuwanga,

INDAGANO INYA:YA

¹¹ Ratabugenyi namubwira ati, Imuka ugende mu njira inu eitogwa Ingororoke, ubu:sye mu nyumba ya Yuda omu:nu risi:na ryae Saulo, owende Tariso, okuba rora, kasabwa.

Ebikorwa 9:11 ပူးပေါင်းရင်းမြစ်များ

Yowana 4:10

Yeesu ˆnaamusubhya ati, “Araabha ukabheeye nuumenya echiyaanwa cha Nyamuwanga, na unu kaakusabhwa amanji ga okunywa, waakamusabhirwe, na omwene aakakuyaaye amanji ganu agasoosya obhuwanga.”

Ebikorwa 11:13

Omwene ˆnaachitondera kutyo maraayika ꞉aamusoromokeeye iika ewaaye, ˆnaamubhwira ati, ‘Nuubhwire abhaanu bhagende Yoopa, bhabhirikire Simooni unu kaatogwa Peetero.

Ebikorwa 11:25

Omwanya okutura, Bharinaabha ˆnaagenda mu‑musi gwa Taariso okuronda Saawuri eyo.

Ebikorwa 2:21

Bhuri muunu unu kaasabhwa kwa okwiyikanya risiina rya Raatabhugenyi, arichungurwa.’”

Ebikorwa 21:39

Pawuro ˆnaamusubhya ati, “Wuri, anye niri Muyawudi, omwibhurwa wa mu‑musi gwa Taariso, mu‑mukoowa gwa Kiriikiya. Omusi ogwo gumenyekeene muno. Enikwirembeeresya unyikirisisye naayike na abhaanu bhanu.”

Ebikorwa 22:3

“Anye niri Muyawudi. ꞉Neebhuriiywe mu‑musi gwa Taariso mu‑mukoowa gwa Kiriikiya, nawe ꞉naarereeywe Yerusareemu anuanu. Anye naariga niri mwiyigisibhwa wa Gamaryeri. Omwene ꞉aanyiyigisiisye okugwata ebhiraagiro bhinu ꞉chaasigiiywe na bhasaaja weeswe. Naariga niri na obhwikomeeresya muno ku‑Nyamuwanga, rwa kutyo emwe wone muri na obhwikomeeresya obhwo reero.

Ebikorwa 8:22

Nuute chimwi obhunyamuke bhwawo bhunu, na usabhwe Raatabhugenyi echigongo. Amwi kaatura okukufwira echigongo, inguru ya obhwiganirisya bhwawo obhubhiibhi, bhwa omutima gwawo.

Ebikorwa 8:26

Rusuku rumwi, maraayika wa Raatabhugenyi ˆnaabhwira Firipo ati, “Iimuka ugende ebhurimbe, uroobhe na injira inu eyisooka Yerusareemu na okukinga mu‑musi gwa Gaaja.” Injira inu eyitura mw‑ibhara.

Ebikorwa 9:30

Omwanya gunu abheekirisya abheejaabho ꞉bhaamenyere omusango ogwo, nibhamuyeregesya nibhamukingya mu‑musi gwa Kayisaariya, nibhamusiga agende mu‑musi gwa Taariso ewaabho.