Ebikorwa 9:10 - Indagano Inyaaya mu-Chijita

¹⁰ Damaasiko eyo, aariga ari‑wo omwiyigisibhwa umwi wa Yeesu, risiina ryaye aatogwaga Ananiiya. Yeesu ˆnaabhirikira Ananiiya mu‑bhiroro. ˆNaamubhirikira ati, “Ananiiya!” Ananiiya ˆnaasubhya ati, “Anye niri anu, Raatabhugenyi.”

INDAGANO INYA:YA

¹⁰ Ariga:rio mwiigisibwa mu Damasiko, risi:na ryae Anania. Ratabugenyi namubwira mu ciroro ati, Anania. Omwene ne:tabwa ati, Ndi anu, Ratabugenyi.

Ebikorwa 9:10 ပူးပေါင်းရင်းမြစ်များ

Ebikorwa 10:3

Rusuku rumwi wuti saa etaanu na ena mu‑mwisi, Koroneeriyo ˆnaarora ebhiroro. Mu‑bhiroro ebhyo, ꞉aarorere abhwerubhweru maraayika wa Nyamuwanga ˆnaamusoromokera. Maraayika oyo ˆnaamubhirikira ati, “Koroneeriyo!”

Ebikorwa 11:5

“Rusuku rumwi naariga niri mu‑musi gwa Yoopa. Omwanya gunu naariga ninsabhwa Nyamuwanga, nindora ebhiroro. Mu‑bhiroro ebhyo, ꞉naarorere echiinu rwa isuuka nene inu yaariga igwatirwe jisonde jaayo ena. Echiinu echo chaariga nichiisibhwa ku‑chaaro kunu okusooka ku‑rwire, nichiikira ayeeyi na anye.

Ebikorwa 12:9

Peetero ˆnaaruubha maraayika urya, nibhawuruka mw‑ibhoyero omwo, nawe Peetero ꞉ataamenyere ati ebhikorwa bhya maraayika ebhyo bhyone, bhyariga bhiri bhya echimari, aariga ˆneetogera ati kaaroota era.

Ebikorwa 16:10

Pawuro ejire aamara okurora ebhiroro ebhyo, awoawo nichikora bhwangu okuyenja ingarabha chigende Makedooniya eyo, kwa okubha ꞉chaarorere ati Nyamuwanga achibhirikiiye korereki chiraasisye abhaanu bheende‑yo Emisango ja Ekisi.

Ebikorwa 16:9

Mu‑ngeta, Pawuro ˆnaarora ebhiroro. Mu‑bhiroro ebhyo, ꞉aarorere omuunu umwi wa mu‑mukoowa gwa Makedooniya eemereeguuyu, ˆnaamwirembeeresya, ˆnaayika ati, “Yaambuka, uuje Makedooniya enu, uchisakire.”

Ebikorwa 18:9

Rusuku rumwi mu‑ngeta Raatabhugenyi ˆnaabhwira Pawuro mu‑bhiroro ati, “Siga okuubhaya, genderera okuraasya, siga okujibhira.

Ebikorwa 2:17

‘Mu‑siku ja obhuteero, niriitururira Mwoyo Mweru waani inguru ya abhaanu bhoone. Abhaana bheemwe, abhamura na abhayarakaji bharisoosya obhuragi, abhasigaji bheemwe bharirora ebhiroro na abhakaruka bheemwe bhariroota ebhirooto.

Ebikorwa 22:12

“Damaasiko awo, aariga ari‑wo omuunu umwi, risiina ryaye aatogwaga Ananiiya. Omwene aariga ˆneekomeesya muno okugayuka ebhiraagiro bhyeswe. Ka wone, Abhayawudi abhaafu bheende eyo bhaamukuuyaga ati aariga ari muunu wa ekisi.

Ebikorwa 9:12

na aarora ebhiroro. Mu‑bhiroro ebhyo, aarora omuunu umwi risiina ryaye ni Ananiiya, ˆneengiraga mu‑nju omwo, ˆnaatuura amabhoko inguru yaaye, korereki arore rindi.”

Ebikorwa 9:9

ˆNaabha omwo siku esatu ari muwofu. Omwanya ogwo ꞉ataariiye echiinu noorwo okunywa choonechoone.

2 Bakorinto 11:32

Omwanya omurebhe naariga niri mu‑musi gwa Damaasiko. Eyo niyo omutangasya wa omukoowa unu aariga ari emwaro ya omukama Areeta, ꞉aateeye abhariisi ku‑miryango ja omusi ogwo, korereki bhangwate.

Bagalatia 1:17

꞉Nitaayikire ati, “Siga nigende Yerusareemu ku‑bhanu ꞉bhaatangatire okubha jitumwa.” Tari chinu ꞉naakorere awoawo, ꞉naagendere mu‑chaaro cha Ebhwarabhu. Omwanya omutooto okutura, niwo ninsubha rindi mu‑musi gwa Damaasiko.