Ebikorwa 8:7 - Indagano Inyaaya mu-Chijita

⁷ Firipo aariga ˆnaasoosya‑ko amasambwa ku‑bhaanu bhaafu, amasambwa ago gaabhasookaga‑ko nigamwaya. Ka wone aawosyaga abharema bhaafu na bhanu bhaariga bhafuuwe emibhiri.

INDAGANO INYA:YA

⁷ Okuba mwabo ba:fu bariga ne misambwa emibi:bi, mbe nijibaso:kako, nijikunga na buraka bunene. Na ba:fu banu bariga barwae econdo na barema mbaosibwa.

Ebikorwa 8:7 ပူးပေါင်းရင်းမြစ်များ

Matayo 10:1

Neeya, Yeesu ˆnaabhirikira abheeyigisibhwa bhaaye ekumi na bhabhiri, ˆnaabhayaana obhuturo bhwa okusoosya‑ko amasambwa na obhwa okuwosya abhaanu abha amarwara ga bhuri mbaga.

Matayo 11:5

Mumubhwire ati, abhawofu abharora, abharema abharibhata, abhagenge abheesibhwa, bhanu bhasibhirwe amatwi abhoongwa, abhafuuwe abhasuururwa na abhataka abharaasibhwa Emisango ja Ekisi ja Nyamuwanga.

Matayo 4:24

Emisango inguru ya Yeesu nijiswirana muno, nijikinga mu‑chaaro choone cha Siiriya. Abhaanu nibhamureetera abharwaye bheebhwe bhoone bha amarwara ga bhuri imbaga. Mu‑bhaanu abho, bhaariga bhari‑mo bhanu bhaariga nibhanyaasibhwa muno, bhanu bhaariga bhawungirwe amasambwa, bhanu bhaariga nibhagwa echitwe na bhanu bhaariga bhafuuwe emibhiri. Yeesu ˆnaabhawosya bhoone.

Mariko 9:26

Niwo risambwa eryo nirimwaya muno, nirigwisya omwana oyo aasi, nirimureterera okugwa echitwe, nirimusooka‑mo. Omwana oyo ˆnaabha wuti afuuwe, abhaanu bhaafu arya nibhaayika ati, “Aafwa!”

Ruuka 10:17

Bhejire bheeya, abharuubhirisya abho makumi gataanu na gabhiri na bhabhiri, nibhasubha keenu nibhakondererwaga. Nibhabhwira Yeesu ati, “Raatabhugenyi weeswe, noorwo amasambwa omwanya gunu echigagonya kw‑isiina ryawo, agachigayuka.”

Yowana 14:12

Ni chimari enibhabhwira ati, omuunu woonewoone unu kaanyikirisya, arikora emirimu jinu anye enikora. Ka wone arikora minene okukira jinu enikora, kwa okubha enigenda ku‑Raata.

Ebikorwa 5:16

Abhaanu bhaafu bhaajaga okusooka mu‑misi ja ku‑mbarimbari ya Yerusareemu, nibhareetaga abharwaye bheebhwe na bhanu bhaanyaasibhwaga na amasambwa. Bhoone, ꞉bhaawosiibhwe.

Ebikorwa 8:6

Abhaanu bhaafu nibhamutegeresya kisi kwa obhwira bhumwi bhejire bhaarora ebhibharikisyo bhinu aariga ˆnaakora.

Baeburania 2:4

Nyamuwanga wone aariga ˆnaasoosya obhubhambaasi inguru ya obhuchungusi obhwo, ku‑njira ya okukora ebhibharikisyo, ebhiruguusyo na ebhikorwa bhya amanaga bhya mbaga nyafunyafu. Ka wone ꞉aagabhiiye abhaanu ebhiyaanwa bhya Mwoyo Mweru okuruubhana na okwenda kwaye.