Ebikorwa 8:5 - Indagano Inyaaya mu-Chijita

⁵ Firipo wone ˆnaagenda mu‑musi gumwi gwa Samaariya, ˆnaamba okuraasisya abhaanu bheende‑yo emisango ja Kirisito.

INDAGANO INYA:YA

⁵ Filipo natebera mu musi gwa Samaria, nabasimurira Kristo

Ebikorwa 8:5 ပူးပေါင်းရင်းမြစ်များ

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Ebikorwa 21:8

Mwejo yende‑ko, nichiriinya mu‑ngarabha, nichikinga mu‑musi gwa Kayisaariya. Nichiikara mu‑nju ya Firipo, unu aariga ari muraasya wa Emisango ja Ekisi ja Yeesu. Aariga ari umwi wa abhasakisi bhataanu na bhabhiri bhanu ꞉bhaasorerwe Yerusareemu.

Ebikorwa 5:42

Bhuri rusuku ꞉jaagendereeye okuraasya, okwiyigisya mw‑Iyekaru na mu‑nju ja abhaanu. ꞉Bhataasigire okuraasisya abhaanu Emisango ja Ekisi ati Yeesu niwe Kirisito.

Ebikorwa 6:5

Obhuramusi obhwo nibhukondera abheeyigisibhwa abho bhoone. Nibhasora Tefwano, omuunu unu eejuuywe Mwoyo Mweru na owa eriikirisya enene. Nibhasora na Firipo, Porokoro, Nikanoori, Timooni, Paarimeena, na Nikorawo wa Atiyookiya, unu kara awo ꞉aafurukiiye mu‑diini ya Echiyawudi.

Ebikorwa 8:1

Bhejire bhaamara okumwita, abhaanu bhanu bhaagayukaga Nyamuwanga nibhasiika Tefwano na okumuririra muno. Orusuku runu Tefwano ꞉eetirwe, abheekirisya bha Yerusareemu nibhaamba okunyaasibhwa muno. Abhaafu mu‑bheene nibhabhirima, nibhanyaragana mu‑mikoowa ja Yuudeya na Samaariya. Yerusareemu awo ꞉jaasigaaye‑wo jitumwa ja Yeesu.

Ebikorwa 8:26

Rusuku rumwi, maraayika wa Raatabhugenyi ˆnaabhwira Firipo ati, “Iimuka ugende ebhurimbe, uroobhe na injira inu eyisooka Yerusareemu na okukinga mu‑musi gwa Gaaja.” Injira inu eyitura mw‑ibhara.

Ebikorwa 8:30

Niwo Firipo ˆnaaribhirimira, ˆnaarikinga‑ko. ˆNoongwa omukuru oyo, ˆnaasomaga mu‑chitabho cha omuragi Iisaya, ˆnaamubhuusya ati, “Emisango ejo owusoma, owujisombookerwa?”

Ebikorwa 8:40

Firipo ˆneefurwa ari mu‑musi gwa Ajooto. ˆNaamba orugendo rwa okuja mu‑musi gwa Kayisaariya, ˆnaaturaga mu‑misi joone ku‑njira. Mu‑bhuri musi aaraasisyaga abhaanu Emisango ja Ekisi ja Yeesu okukingira mu‑musi gwa Kayisaariya.

Ebikorwa 8:6

Abhaanu bhaafu nibhamutegeresya kisi kwa obhwira bhumwi bhejire bhaarora ebhibharikisyo bhinu aariga ˆnaakora.

Ebikorwa 9:20

Awoawo ꞉aambire okugenda mu‑nju ja ameekofyanyo ga Abhayawudi, ˆnaabharaasisyaga ati, Yeesu ni Mwana wa Nyamuwanga.

1 Bakorinto 1:23

Nawe eswe, echiraasya emisango inguru ya Kirisito unu ꞉aafuuwe ku‑musarabha. Emisango ejo ejikora Abhayawudi bheekuujure, na ku‑bhanu bhatari Bhayawudi ni misango ja echimuumu.

1 Bakorinto 2:2

Omwanya gunu naariga niri kw‑imwe, ꞉naaramuuye ati naayike era emisango inguru ya Yeesu Kirisito, chimwichimwi okufwa kwaye ku‑musarabha, okwayika omusango gundi wuri.

1 Bakorinto 3:11

kwa okubha orufuka runu rwamarirwe okuumbakwa ni Yeesu Kirisito omwene. Atari‑wo omuunu unu kaatura okuumbaka orufuka orundi.