Ebikorwa 8:22 - Indagano Inyaaya mu-Chijita

²² Nuute chimwi obhunyamuke bhwawo bhunu, na usabhwe Raatabhugenyi echigongo. Amwi kaatura okukufwira echigongo, inguru ya obhwiganirisya bhwawo obhubhiibhi, bhwa omutima gwawo.

INDAGANO INYA:YA

²² Mbe nu:te obubi:bi bwao bunu, usabwe Nyamuanga, ke:fura amwi nakwiswaririra eri:ganirisyo ryo mutima gwao.

Ebikorwa 8:22 ပူးပေါင်းရင်းမြစ်များ

Ebikorwa 17:30

Kara awo, abhaanu bhaariga nibhakora ejo mu‑bhumuumu, Nyamuwanga aariga atakuringira obhumuumu obhwo. Nawe woori, kaabhwira abhaanu bhoone bha bhuri rubhaara ati bhasige ebhibhiibhi bhyebhwe.

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Ebikorwa 3:19

Kurwa ejo, mute chimwi ebhibhiibhi bhyemwe na muyindukire Nyamuwanga, korereki abhafwire echigongo. Nikwo kutyo Nyamuwanga aribhasimbiisya emwe, ku‑njira ya okubha ayeeyi na emwe,

Ebikorwa 8:20

Peetero ˆnaamusubhya ati, “Singaarika awe na jipirya jaawo, kwa okubha owitogera ati echiyaanwa cha Nyamuwanga echibhonekana kwa okugurwa na jipirya!

Ebikorwa 9:11

Raatabhugenyi ˆnaamubhwira ati, “Woori nuugende na injira inu eyitogwa Ingororoke, uje okuyenja inju ya Yuuda, inu iri yeeyi na injira eyo. Bhuusirisya omwo omuunu unu asookere mu‑musi gwa Taariso, risiina ryaye kaatogwa Saawuri. Woori anu kaasabhwa Nyamuwanga,

Barumi 2:4

Nyamuwanga ni wa kisi muno, kaakufwira echigongo chaafu, na kaakwigumiirisya muno. Nawe awe woori, oweenda okugaya ejo joone? Utakumenya ati kaakweresya bhwa ekisi bhwaye, korereki uture okuta ebhibhiibhi bhyawo?

Baeburania 4:12

Omusango gwa Nyamuwanga ni muwanga ka wone guri na amanaga okukira imbanda yooneyoone eya amoogi gabhiri. Rwa kutyo imbanda eyitura okusoma omuunu nikinga ku‑mawa gaaye, nikwo kutyo wone omusango gwa Nyamuwanga ogutura okusoma omuunu, nigwingira muno mu‑mwoyo gwaye, niguswerura jinu keeganirisya na jinu keenda.

Obhusweruro 2:21

Anye naamuyaana omwanya agwa okuta ebhibhiibhi bhyaye, nawe omwene atakwenda okusiga obhuromesi bhwaye.