Ebikorwa 7:38 - Indagano Inyaaya mu-Chijita

³⁸ Niwe unu aariga ari aamwi na Abhayisirayeeri ibhara. Niwe unu ꞉aaromere na maraayika wa Nyamuwanga mu‑chiima cha Sinaayi, ˆnaaramira okusooka ku‑mwene emisango ja obhuwanga, korereki achibhwire.

INDAGANO INYA:YA

³⁸ Oyo niwe ariga:ri mu kanisa ibara, aamwi na maraika oyo a:ikaga nage ku ci:ma ca Sinai. Ariga:ri aamwi na basaja. Oyo niwe ayabirwe emisango jo buanga jo kuciyana eswe.

Ebikorwa 7:38 ပူးပေါင်းရင်းမြစ်များ

Yowana 1:17

Okubha, Nyamuwanga ꞉aasoosiisye ebhiraagiro bhyaye okutura ku‑Muusa, na woori asoosiisye obhwitiriranya bhwaye na echimari chaaye okutura ku‑Yeesu Kirisito.

Yowana 6:63

Mwoyo wa Nyamuwanga niwe kaayaana abhaanu obhuwanga. Omuunu atakutura okukora omusango gwonegwone ku‑managa gaaye omwene. Emisango jinu naabhabhwira ni ja Mwoyo wa Nyamuwanga, na ejireeta obhuwanga bhwa akajaanende koone.

Ebikorwa 7:30

“Ejire aabha Midiyaani eyo emiguuga makumi gana, ˆnaasoromokerwa na maraayika umwi, ari ibhara ayeeyi na echiima cha Sinaayi. Maraayika oyo aariga ari mu‑chisaka chinu chaariga nichaaka omuriro.

Ebikorwa 7:35

Tefwano ˆnaagenderera okwayika ati, “Muusa oyo, niwe abhaanu Miisiri eyo ꞉bhaaremere nibhamubhwiraga ati, ‘Niga unu akuteeye‑wo ubhe omutungi weeswe na omuramusi weeswe?’ Niwe Muusa unu Nyamuwanga ꞉aamutumire abhe omutungi weebhwe na omwerusi weebhwe, ku‑njira ya maraayika unu ꞉aamusoromokeeye mu‑chisaka echo!

Ebikorwa 7:53

Mbe! Emwe muramiiye ebhiraagiro bhya Muusa, bhinu ꞉bhyasoosiibhwe ku‑njira ya bhamaraayika, noorwo kutyo ꞉mutaabhigayukire.”

Barumi 3:2

Ni chimari ati, okubha Omuyawudi kuri‑mo omuriiro mwafu. Omusango gwa okwamba ni ati, Nyamuwanga ꞉aayaaye Abhayawudi emisango jaaye.

Barumi 9:4

Abho nibho Abhayisirayeeri, abhaanu bhanu Nyamuwanga ꞉aasorere bhabhe abhaana bhaaye, ꞉aabheeresiisye rikusyo ryaye na ꞉aakorere jindagano nabho. Ka wone ꞉aabhayaaye ebhiraagiro bhyaye, aamwi na emirago jaaye, na ꞉aabharagiriiye kutyo jeenderwe bhamuramye.

Bagalatia 3:19

Woori, ebhiraagiro bhiri na emirimu ki? Ebhiraagiro ꞉bhyateeywe‑wo inguru ya bhunyatagayuka bhwa abhaanu. ꞉Bhyateeywe‑wo okukingira anu ariija omwibhurwa wa Bhurayimu, unu Nyamuwanga ꞉aaragire ati ariija. Ebhiraagiro ebhyo, Nyamuwanga ꞉aayaaye Muusa okutura ku‑bhamaraayika, na Muusa ˆnaabha omugwatanya agati ya Nyamuwanga na abhaanu bhaaye.

Baeburania 2:2

Chimenyere ati ebhiraagiro bhya Nyamuwanga bhinu bhasaaja weeswe ꞉bhaaramiiye okutura ku‑bhamaraayika bhyariga bhiri na obhuturo. Nikwo okukora, abhaanu bhoone bhanu bhaariga bhatakujiruubha noorwo okujigayuka, Nyamuwanga ꞉aabhayaaye ebhitiibha bhinu bhyariga bhibheeyire.

Baeburania 4:12

Omusango gwa Nyamuwanga ni muwanga ka wone guri na amanaga okukira imbanda yooneyoone eya amoogi gabhiri. Rwa kutyo imbanda eyitura okusoma omuunu nikinga ku‑mawa gaaye, nikwo kutyo wone omusango gwa Nyamuwanga ogutura okusoma omuunu, nigwingira muno mu‑mwoyo gwaye, niguswerura jinu keeganirisya na jinu keenda.

Baeburania 5:12

Ku‑mwanya gunu emwe mwari mwenderwe okubha abheeyigisya ku‑bheejaanyu, nawe mucheenda omuunu wa okubheeyigisya ameeyigisyo ga ku‑bhwambiro ga omusango gwa Nyamuwanga! Mbe, muri rwa abhaana abharera bhanu abhanywa amata era, nawe bhatakutura okurya ebhiryo bhikomeeye.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.