Ebikorwa 6:7 - Indagano Inyaaya mu-Chijita

⁷ Omusango gwa Nyamuwanga nigugenderera okuraasibhwa ku‑bhaanu na obhukumi bhwa abheeyigisibhwa bha Yeesu nibhwiyongesya muno mu‑Yerusareemu. Noorwo abhagabhisi bhaafu ꞉bhaagayukire Nyamuwanga, kwa okumwikirisya Yeesu.

INDAGANO INYA:YA

⁷ Omusango gwa Nyamuanga nigwiyongesya okufura. Obwafu bwa be:igisibwa mu Yerusalemi nibwiyongesya muno. Ecise cinene ca bagabisi nibo:robera okwikirisya.

Ebikorwa 6:7 ပူးပေါင်းရင်းမြစ်များ

Matayo 19:30

Nawe abhaanu bhaafu bhanu bhatangatire woori, bharisingirira. Ka wone, abhaanu bhaafu bhanu bhasingiriiye woori, bharitangata.”

Ruuka 2:34

Simiyooni ˆnaabhasabhirwa amabhando, ˆnaabhwira Maryamu nyiramwene omwana oyo ati, “Ringira! Omwana unu asorerwe na Nyamuwanga ati, asingaarisye Abhayisirayeeri bhaafu, na arichungura Abhayisirayeeri abhandi bhaafu. Aribha echibharikisyo chinu chiriremwa na abhaanu.

Yowana 12:42

Nawe noorwo, mu‑bhatangasya bha Abhayawudi bhaariga bhari‑mo bhaafu bhanu ꞉bheekirisiisye Yeesu. Nawe ꞉bhataayikire abhwerubhweru ati bhamwikirisya, kwa okubha bhoobhayaga okukindikwa na Abhafarisaayo okusooka mu‑nju ja ameekofyanyo.

Ebikorwa 12:24

Nawe omusango gwa Nyamuwanga nigugenderera okuswirana mu‑bhaanu, abheekirisya nibheeyongesya muno.

Ebikorwa 13:8

Nawe Erima, owa amawufyo oyo, obhwo nibhwo obhugajuro bhwa risiina ryaye, aariga ˆnaayaajana muno na Bharinaabha na Saawuri, enu ˆnaaregeejaga okukongya omusiibha oyo aasiga okwikirisya Yeesu.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Ebikorwa 19:20

Nikwo kutyo omusango gwa Raatabhugenyi gwaswiranaga na okubha na amanaga mu‑bhaanu.

Ebikorwa 2:47

enu nibhakusyaga Nyamuwanga na okwendwa na abhaanu bhoone. Bhuri rusuku Raatabhugenyi aagendereraga okuchungura abhandi, abheekirisya nibhagendereraga okwiyongesya.

Ebikorwa 21:20

Yakobho na abhakaruka bha rikanisa bhejire bhoongwa ejo, nibhakuuya Nyamuwanga. Niwo nibhabhwira Pawuro ati, “Omuyiri weeswe waarora ebhiwumbi na ebhiwumbi bhya Abhayawudi bhanu bheekirisiisye Yeesu na bhoone abharuubhirisya muno ebhiraagiro bhya Muusa.

Ebikorwa 6:1

Mu‑siku ejo, obhukumi bhwa abheeyigisibhwa bha Yeesu bhwariga nibhugenderera okwiyongesya. Agati yeebhwe bhaariga bhari‑mo Abhayawudi bhanu bhaaromaga Echiyunaani, na Abhayawudi bheejaabho bhanu bhaaromaga Echiyebhuraniya. Bhanu bhaaromaga Echiyunaani bheerurujaga ati, mu‑mirimu ja okugabha ebhiryo bhya bhuri rusuku, abhatumbagasi bheebhwe bhataagabhirwaga ebhiryo kisi na bhanu bhaaromaga Echiyebhuraniya.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Barumi 16:26

nawe woori, bhwatuurwa abhweru. Okutura mu‑Bhikaame Ebhyeru bhya abharagi, obhutinge obhwo, obhumenyekana ku‑bhaanu bha amaanga goone ku‑chaaro. Nyamuwanga wa akajaanende koone, niwe aaragirira ati obhutinge obhwo bhuraasibhwe ku‑bhaanu bhoone, korereki abho wone bheekirisye na okugayuka Raatabhugenyi Yeesu.

Bagalatia 1:23

Echiinu chinu bhaariga nibhamenya era inguru yaani ni misango jinu ꞉bhoonguuwe ati, “Omuunu unu aariga ˆnaachinyaasya ku‑bhwambiro awo, jisiku jinu kaaraasya eriikirisya riryarirya rinu eendaga okusingaarisya!”

Bagalatia 6:10

Mbe, bhuri kutyo echibhona omwanya, chikorerega abhaanu bhoone ja ekisi, nawe munomuno abheekirisya abheejaasu.

Bakolosai 1:6

Emisango ja Ekisi jinu ꞉jaakingire kw‑imwe, woori ejiswirana mu‑chaaro choone. Ejigenderera okukora abhaanu bhatwasye amatwasyo na okukura echinyamwoyo, rwa kutyo ꞉jaakorekeene kw‑imwe okusookerera orusuku runu ꞉mwoonguuwe inguru ya obhwitiriranya bhwa Nyamuwanga na okusombookerwa kisi kutyo obhwitiriranya bhwaye bhuri.

2 Batesalonika 1:8

asingiiywega ribheesi rya omuriro. Omwene niwe ariramura abhaanu bhoone bhanu abharema Nyamuwanga, ka wone bhatakugayuka Emisango ja Ekisi ja Raatabhugenyi weeswe Yeesu.

2 Timoteo 2:9

Emisango ejo, nijo ejikora anye eninyaaka na okubhoywa amaseega rwa omukosi wa ebhibhiibhi. Nawe omusango gwa Nyamuwanga gutakutura okuyingwa.

Baeburania 11:8

Eriikirisya niryo ꞉ryakorere Bhurayimu ˆnaagayuka Nyamuwanga, omwanya gunu ꞉aabhwiriiywe ati asooke mu‑chaaro chaaye, agende mu‑chaaro chinu Nyamuwanga ꞉aaragire okumuyaana. Bhurayimu ꞉aasookere mu‑chaaro chaaye, noorwo kutyo ꞉ataamenyere ati aariga ˆnaagenda ki.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

Yuuda 1:20

Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.

Yuuda 1:3

Abheendwa bhaani, neegombaga muno okubhakaamira inguru ya obhuchungusi bhunu echisangira aamwi bhoone. Nawe, woori enirora ati, ni bhusibhusi nibhakaamire inyarubha inu, korereki nibheerembeeresye ati, murwanirire echimari cha eriikirisya rinu Nyamuwanga ꞉aayaaye abheeru bhaaye rumwi era.