Ebikorwa 6:3 - Indagano Inyaaya mu-Chijita

³ Woori, abhayiri bhaasu, mwawure abhaanu bhataanu na bhabhiri bha echirume agati yeemwe, abha jitungwa ja kisi, bhanu bheejuuywe Mwoyo Mweru na obhwengeeso. Abho echija okubhayaana emirimu ejo,

INDAGANO INYA:YA

³ Mbe, ba:na ba:su, nimwaure aba:nu bata:nu na babiri ba jintungwa je kisi, banu be:juye Omwoyo Mweru no bwenge, nibo cite ku murimu gunu.

Ebikorwa 6:3 ပူးပေါင်းရင်းမြစ်များ

Matayo 23:8

“Nawe emwe, musige okwikirisya okubhirikirwa, ‘omwiyigisya,’ kwa okubha muri na Omwiyigisya umwi era, na emwe bhoone muri bhayiri.

Yowana 21:23

Mbe, emisango ejo nijiswirana mu‑bheejaabho ati, omwiyigisibhwa oyo atakufwa. Nawe Yeesu ꞉ataabhwiriiye Peetero ati omwiyigisibhwa oyo atakufwa, tari ꞉aamubhwiriiye ati, “Araabha nikeenda ati arame okukingira omwanya gunu nirisubha, ogwo ogukusaasa ki?”

Ebikorwa 1:15

Ku‑mwanya ogwo, abheekirisya bha Yeesu nibheekofyanya, obhukumi bhwebhwe bhwariga wuti egana rimwi na makumi gabhiri (120) kutya. Niwo Peetero ˆneemereeguru agatigati yeebhwe, ˆnaabhabhwira ati,

Ebikorwa 1:21

“Kurwa ejo, jiiyire aawurwe omuunu owundi unu aayengyanyaga na eswe omwanya gwone gunu Raatabhugenyi Yeesu aariga ari na eswe,

Ebikorwa 10:22

Nibhamubhwira ati, “Chaatumwa na omwangarisi umwi wa abhasirikare, risiina ryaye ni Koroneeriyo. Omwene ni muunu wa obhurengeresi na kaagayuka Nyamuwanga, ka wone kaakuuyibhwa na Abhayawudi bhoone ati ni muunu wa ekisi. ꞉Aabhwiriiywe na maraayika omweru ati, akukume iika ewaaye, korereki ategeresye emisango jinu owuja okumubhwira.”

Ebikorwa 15:23

“Eswe jitumwa aamwi na abhakaruka bha rikanisa, echibhakeesya emwe abheekirisya bhanu mutari Bhayawudi, bhanu muri mu‑musi gwa Atiyookiya, na emikoowa ja Siiriya na Kiriikiya.

Ebikorwa 16:2

Timoteewo aariga ari omuunu wa jikuma ja ekisi agati ya abheekirisya abheejaabho bha Risitura na Yikoniya.

Ebikorwa 2:4

Abhaanu abho bhoone nibheejusibhwa na Mwoyo Mweru, nibhaamba okwayika mu‑nyaayika jingenyi, rwa kutyo Mwoyo Mweru aabhatangasyaga okwayika.

Ebikorwa 22:12

“Damaasiko awo, aariga ari‑wo omuunu umwi, risiina ryaye aatogwaga Ananiiya. Omwene aariga ˆneekomeesya muno okugayuka ebhiraagiro bhyeswe. Ka wone, Abhayawudi abhaafu bheende eyo bhaamukuuyaga ati aariga ari muunu wa ekisi.

Ebikorwa 28:14

Awo nichibhugana na abheekirisya abharebhe, nibhachiirembeeresya chibhe nabho kwa omwanya gwa siku etaanu na ebhiri, nichiikirisya. Nikwo kutyo ꞉chaakingire mu‑musi gwa Ruumi.

Ebikorwa 6:2

Kurwa ejo, jitumwa ekumi na bhabhiri ꞉bhaakumanyiisye abheeyigisibhwa bhoone, nibhabhabhwira ati, “Jitari ja ekisi eswe chisige okwiyigisya omusango gwa Nyamuwanga ku‑songa ya okugabhira abhaanu ebhiryo.

Ebikorwa 6:5

Obhuramusi obhwo nibhukondera abheeyigisibhwa abho bhoone. Nibhasora Tefwano, omuunu unu eejuuywe Mwoyo Mweru na owa eriikirisya enene. Nibhasora na Firipo, Porokoro, Nikanoori, Timooni, Paarimeena, na Nikorawo wa Atiyookiya, unu kara awo ꞉aafurukiiye mu‑diini ya Echiyawudi.

Ebikorwa 6:6

Nibhareeta abhaanu abho imbere ya jitumwa. Jitumwa nibhabhasabhirwa na okubhateera‑ko amabhoko korereki bhaje okukora emirimu.

Ebikorwa 9:30

Omwanya gunu abheekirisya abheejaabho ꞉bhaamenyere omusango ogwo, nibhamuyeregesya nibhamukingya mu‑musi gwa Kayisaariya, nibhamusiga agende mu‑musi gwa Taariso ewaabho.

1 Bakorinto 12:8

Mwoyo kaayaana omuunu owumwi okwayika emisango ja obhwengeeso, owundi Mwoyo oyooyo kaamuyaana okwayika emisango ja obhumenyi.

1 Bakorinto 16:3

Omwanya gunu nirikinga eyo, nirituma na jinyarubha ja okumenyesya abhaanu bhanu muryawura korereki bhasire obhusoroosya obhwo mw‑ikanisa rya Yerusareemu.

Baefeso 5:18

Ka wone musige obhukorwa kwa okubha obhureterera obhunyamuke, tari mwijusibhwe Mwoyo Mweru,

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

Yakobo 1:17

Bhuri echiinu cha ekisi chinu echiyaanwa, echisooka mu‑rwire ku‑Nyamuwanga Omubhumbi wa risuubha, okwesi na jinjota. Omwene ni wa ekisi siku joone, atakuyindukayinduka rwa rirengesi rinu erichuukurukachuukuruka.

3 Yoana 1:12

Abhaanu bhoone abhakuuya Demetiriiyo, abhaayika ati ni muunu wa ekisi. Kaaruubha echimari cha Nyamuwanga mu‑bhurame bhwaye. Noorwo eswe wone, echaayika ati ni muunu wa ekisi. Awe omwene, owumenya ati obhubhambaasi bhweswe ni bhwa echimari.