Ebikorwa 6:14 - Indagano Inyaaya mu-Chijita

¹⁴ Okubha chaamuungwa ˆnaayikaga ati, Yeesu Omunajareeti arifumya Riyekaru rinu na ariyindura jitungwa jeeswe jinu Muusa ꞉aachiyaaye.”

INDAGANO INYA:YA

¹⁴ Okuba camunguywe na:ika ati, Yesu oyo wende Najareti arinyamura obwikaro bunu, aricu:sya na jintungwa jinu Musa aciyae.

Ebikorwa 6:14 ပူးပေါင်းရင်းမြစ်များ

Matayo 26:61

nibhaayika ati, “Omuunu unu ꞉aayikire ati, ‘Enitura okufumya Riyekaru rya Nyamuwanga na okuryumbaka rindi mu‑siku esatu.’”

Mariko 14:58

“Eswe abheene ꞉choonguuwe omuunu unu ˆnaayikaga ati, ‘Anye nirifumya Riyekaru rya Nyamuwanga rinu ꞉ryombakirwe na abhaanu. Ka wone, niriryumbaka rindi mu‑siku esatu era, eryo ritaryumbakwa na abhaanu.’”

Ruuka 21:24

Abhaanu abhandi bhariitwa kwa jimbanda. Abhandi bharigwatwa na okusirwa mu‑bhyaro ebhindi bhyone. Omusi gwa Yerusareemu guritungwa kwa amanaga na abhaanu abhandi bhanu bhatari Bhayawudi okusooka mu‑bhyaro ebhindi. Ejo jirikorekana, okukingira anu omwanya gwebhwe gwa okutunga gurikuumira.

Ruuka 21:6

“Omwanya oguuja, gunu ebhiinu bhyone bhinu omurora woori anu, ritari‑wo ebhuyi noorwo rimwi rinu ririsigara inguru ya erindi, goone garifumibhwa!”

Yowana 2:19

Yeesu ˆnaabhasubhya ati, “Mufumye Riyekaru rinu, na anye niriryumbaka rindi ku‑mwanya gwa siku esatu.”

Yowana 4:21

Yeesu ˆnaamusubhya ati, “Maayi, nuunyiikirisye, omwanya guriija gunu mutariramya Raata Nyamuwanga ku‑chiima chinu amwi mu‑Yerusareemu erya.

Ebikorwa 15:1

Abhaanu abharebhe nibhasooka Yuudeya, nibhooromokera mu‑musi gwa Atiyookiya. Nibheeyigisya abheekirisya nibhaayikaga ati, “Araabha mukarema okutendwa okuruubhana na jitungwa jinu ꞉chaasigiiywe na Muusa, mutakutura okuchunguka.”

Ebikorwa 21:21

Abheene bhabhwiriiywe ati, owiyigisya Abhayawudi bhoone bhanu bheekaaye mu‑bhaanu bha amaanga agandi ati, bhasige okuruubhirira Muusa. Abhaayika ati ꞉waabhagaanyiisye okutenda abhaana bheebhwe, noorwo okuruubha emisiro jeebhwe ja Echiyawudi.

Ebikorwa 25:8

Niwo Pawuro ˆnaamba okwibhagira ˆnaayikaga ati, “꞉Nitaakorere chiinu choonechoone cha okunyamura ebhiraagiro bhya Abhayawudi, ꞉nitaakayire inguru ya Riyekaru noorwo inguru ya Kayisaari.”

Ebikorwa 26:3

Enaayika kutyo, kwa okubha awe umenyere kisikisi jitungwa na jimamba joone ja Abhayawudi. Kurwa ejo, enikwirembeeresya untegeresye kwa obhwigumiirisya.

Ebikorwa 28:17

Ejire aamara awo siku esatu, ˆnaabhirikira abhakuru bha Abhayawudi bheenda‑wo. Bhejire bheekumanya, ˆnaabhabhwira ati, “Emwe abhayiri bhaani, ꞉naagwatirwe Yerusareemu, nintuurwa mu‑mabhoko ga Abharuumi, noorwo kutyo ꞉nitaakorere omusango gwonegwone omubhiibhi ku‑bhaanu bheeswe amwi okuyabhya obhusimukwa bhwa bhasaaja weeswe.

Bagalatia 3:19

Woori, ebhiraagiro bhiri na emirimu ki? Ebhiraagiro ꞉bhyateeywe‑wo inguru ya bhunyatagayuka bhwa abhaanu. ꞉Bhyateeywe‑wo okukingira anu ariija omwibhurwa wa Bhurayimu, unu Nyamuwanga ꞉aaragire ati ariija. Ebhiraagiro ebhyo, Nyamuwanga ꞉aayaaye Muusa okutura ku‑bhamaraayika, na Muusa ˆnaabha omugwatanya agati ya Nyamuwanga na abhaanu bhaaye.

Bagalatia 3:23

Omwanya gunu abhaanu bhaariga bhachaari kubha na eriikirisya mu‑Yeesu Kirisito, ebhiraagiro bhya Muusa ꞉bhyachangariiye na okuchikora okubha abhagaya bhaabhyo. Chaarindiriraga omwanya gunu eriikirisya mu‑Yeesu Kirisito ryakasweruriiywe.