Ebikorwa 6:12 - Indagano Inyaaya mu-Chijita

¹² Mu‑kwayika ejo, ꞉bhaakorere abhaanu bhaafu, aamwi na abhakuru bha Abhayawudi na abheeyigisya bha ebhiraagiro bhya Muusa nibhabhiyirwa. Nibharuubha Tefwano, nibhamugwata, nibhamusira mw‑ibharaja rikuru rya Abhayawudi.

INDAGANO INYA:YA

¹² Nibasoeresya aba:nu, na bakaruka, na bandiki, nibamuja:ko nibamugwata, nibamusira mu ci:na.

Ebikorwa 6:12 ပူးပေါင်းရင်းမြစ်များ

Matayo 26:57

Mbe, abhaanu bhanu ꞉bhaagwatire Yeesu, ꞉bhaamusirire ku‑Kayaafa, omugabhisi omukuru. Mu‑nju ya omugabhisi oyo, nimwo bhaariga bheekumanyiisye abheeyigisya bha ebhiraagiro bhya Muusa na abhakuru bha Abhayawudi.

Matayo 5:22

Nawe anye enibhabhwira ati, omuunu woonewoone unu kaasoka oweejaabho, kaakenwa aramurwe. Ka wone, woonewoone unu kaafuma oweejaabho ati, ni mutaamutaamu, omwene wone kaakenwa aramurwe kw‑ibharaja rikuru rya Abhayawudi. Omuunu woonewoone unu kaafuma oweejaabho ati, ni mumuumu, kaakenwa eeswe mu‑muriro gwa akajaanende koone!

Ruuka 20:1

Rusuku rumwi, omwanya gunu Yeesu aariga ari mu‑rubhuga rwa Riyekaru rya Nyamuwanga ˆneeyigisyaga abhaanu, na okubharaasisya Emisango ja Ekisi, abhakuru bha abhagabhisi, abheeyigisya bha ebhiraagiro bhya Muusa aamwi na abhakuru bha Abhayawudi nibhamuuja‑ko.

Ebikorwa 13:50

Nawe Abhayawudi nibhakungirisya abhagasi bha echibharo bhanu bhaaramyaga Nyamuwanga aamwi na abhatangasya bha omusi ogwo. Abho nibhaamba okunyaasya Pawuro na Bharinaabha na okubhabhirimya bhasooke mu‑chaaro cheebhwe.

Ebikorwa 14:2

Nawe Abhayawudi abharebhe bhanu ꞉bhaaremere Yeesu, nibhaamba okukungirisya abhaanu abhandi bhanu bhatari Bhayawudi, korereki bhasoke abheekirisya abho.

Ebikorwa 17:13

Abhayawudi bha Tesaroonike abho, bhejire bhaamenya ati Pawuro keeyigisya omusango gwa Nyamuwanga mu‑musi gwa Bherooya, nibhagenda‑yo ku‑songa ya okukungirisya echise chinu chaariga chiri awo, okukingira injogere niibha‑wo.

Ebikorwa 18:12

Omwanya gwa obhutungi bhwa Gaariyo, omusiibha wa Echiruumi mu‑mukoowa gwa Akaaya, Abhayawudi bhoone aamwi nibhagwata Pawuro, nibhamusira imbere ya echitebhe cha indamu.

Ebikorwa 21:27

Siku etaanu na ebhiri ja okwiyesya, jejire jaarebherera okuwa, Abhayawudi bhanu ꞉bhaasookere mu‑mukoowa gwa Asiya, nibharora Pawuro mw‑Iyekaru. Nibhakungirisya abhaanu okukora injogere, niwo abhaanu abho nibhagwata Pawuro nibhaayikaga ati,

Ebikorwa 5:18

Kurwa ejo, nibhagwata jitumwa ejo, nibhabhatuura mw‑ibhoyero.

Ebikorwa 5:27

Nibhabhareeta mw‑ibharaja rikuru eryo, nibhabhabhwira bheemereeguru imbere yeebhwe. Omugabhisi omukuru ˆnaabhabhwira ati,

Ebikorwa 6:11

Niwo nibhakongya abhaanu abhandi kwa imbisike, korereki bhabheeye ati, “Choongwa Tefwano ˆnaayika emisango ja okufuma Muusa na Nyamuwanga.”