Ebikorwa 6:11 - Indagano Inyaaya mu-Chijita

¹¹ Niwo nibhakongya abhaanu abhandi kwa imbisike, korereki bhabheeye ati, “Choongwa Tefwano ˆnaayika emisango ja okufuma Muusa na Nyamuwanga.”

INDAGANO INYA:YA

¹¹ Mbe nibakungirisya abamura ba:ike ati, Conguywe unu na:ika emisango jo kufuma Musa na Nyamuanga.

Ebikorwa 6:11 ပူးပေါင်းရင်းမြစ်များ

Yowana 1:17

Okubha, Nyamuwanga ꞉aasoosiisye ebhiraagiro bhyaye okutura ku‑Muusa, na woori asoosiisye obhwitiriranya bhwaye na echimari chaaye okutura ku‑Yeesu Kirisito.

Yowana 16:3

Bharibhakorera emisango ejo, kwa okubha bhatakumenya Raata, noorwo anye wone bhatakummenya.

Yowana 9:29

Eswe chimenyere ati Nyamuwanga ꞉aayikire na Muusa, nawe chitakumenya ati omuunu oyo asookere aaki.”

Ebikorwa 15:21

Okubha okusookerera kara, ebhiraagiro bhya Muusa bhyariga nibhiiyigisibhwa bhuri musi na bhyariga nibhisomwa mu‑nju ja ameekofyanyo ga Abhayawudi bhuri rusuku rwa Isabhaato.”

Ebikorwa 18:6

Abhayawudi abho nibhamurema na okumufuma muno, omwene ˆnaakubhura emyenda jaaye, kwa okurema emisango jeebhwe, ˆnaabhabhwira ati, “Isagama yeemwe ibhe inguru yeemwe abheene! Anye, nitari na esoro, naakuumisya jinu naariga ninkenwa okukora. Okwambira woori, enija okugenda ku‑bhaanu bhanu bhatari Bhayawudi.”

Ebikorwa 21:28

“Emwe abharume bha Yisirayeeri! Muchisakire! Mbawo omuunu unu niwe uryaurya kaagenderera okwiyigisya abhaanu bha mbaara joone ati, bhachigaye eswe Abhayawudi, bhagaye ebhiraagiro bhya Muusa na bhagaye Riyekaru rinu. Okusiga ejo kaajabhiyasya ayeeru kwa okwingisya Abhayunaani mw‑Iyekaru rya Nyamuwanga.”

Ebikorwa 25:3

Nibhamwirembeeresya ati abhasakire, abhasubhisye Pawuro Yerusareemu awo, omwanya ogwo bhari na iniku ya okwita Pawuro mu‑njira.

Ebikorwa 25:7

Pawuro ejire aakinga awo, Abhayawudi bhanu bhaariga bhasookere Yerusareemu, nibhamwiyinda nibhaamba okumusitaaka inguru ya amabhiibhi maafu ga okuruguusya. Nawe ꞉bhaataamiibhwe okweresya echimari chaago.

Ebikorwa 26:11

Omwanya omwafu, naaragiriraga ati, bhabhumwe mu‑nju joone ja ameekofyanyo, naabhasinyirisyaga bheefumirisye risiina rya Yeesu. Naabhasokaga muno, okukingira okubhayenja noorwo mu‑misi ja mu‑bhyaro ebhindi korereki nibhanyaasye.

Ebikorwa 6:10

nawe aabhayigaga kwa okwayika emisango ja obhwengeeso kwa obhuturo bhwa Mwoyo Mweru.

Ebikorwa 6:12

Mu‑kwayika ejo, ꞉bhaakorere abhaanu bhaafu, aamwi na abhakuru bha Abhayawudi na abheeyigisya bha ebhiraagiro bhya Muusa nibhabhiyirwa. Nibharuubha Tefwano, nibhamugwata, nibhamusira mw‑ibharaja rikuru rya Abhayawudi.

Ebikorwa 6:13

Nibhareeta abhabhambaasi bha orubheeyi, nibhaayika, inguru ya Tefwano ati, “Siku joone omuunu unu kaayika emisango emibhiibhi inguru ya Riyekaru eryeru rya Nyamuwanga, na inguru ya ebhiraagiro bhya Muusa!

Barumi 3:8

Ejo jiri rwa okwayika ati, “Chibhega nichikora ebhibhiibhi, korereki Nyamuwanga areete ja ekisi.” Abhaanu abhandi abhabheeyeresya ati, “Noorwo Pawuro keeyigisya kutyo!” Nawe anye enaayika ati, abhaanu abho bhoone bhariyaanwa ebhitiibha okuruubhana na ebhibhiibhi bhyebhwe.

1 Timoteo 1:13

noorwo kutyo ku‑bhwambiro naamufumaga na okunyaasya abhaanu bhaaye, naariga niri murakoko. Nawe, omwene ꞉aanfwiriiye echigongo, kwa okubha naariga ninkora ejo mu‑bhumuumu na naariga nitari na eriikirisya.