Ebikorwa 6:1 - Indagano Inyaaya mu-Chijita

¹ Mu‑siku ejo, obhukumi bhwa abheeyigisibhwa bha Yeesu bhwariga nibhugenderera okwiyongesya. Agati yeebhwe bhaariga bhari‑mo Abhayawudi bhanu bhaaromaga Echiyunaani, na Abhayawudi bheejaabho bhanu bhaaromaga Echiyebhuraniya. Bhanu bhaaromaga Echiyunaani bheerurujaga ati, mu‑mirimu ja okugabha ebhiryo bhya bhuri rusuku, abhatumbagasi bheebhwe bhataagabhirwaga ebhiryo kisi na bhanu bhaaromaga Echiyebhuraniya.

INDAGANO INYA:YA

¹ Mu siku ijo abe:igisibwa nibeyongesya okufura. Mbe nikubao okwitoŋanira mu Bayaudi be Cigiriki ku be Cieburaniya, okuba abatumba bebwe bagabirwaga cimenyemenye mu kufurubenda kwa kusiku.

Ebikorwa 6:1 ပူးပေါင်းရင်းမြစ်များ

Matayo 23:13

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuyingirira abhaanu okwingira mu‑bhukama bhwa mu‑rwire kwa ameeyigisyo geemwe. Emwe abheene mutakwingira, ka wone mutakwikirisisya abhaanu abhandi bhanu abheenda okwingira. [

Ebikorwa 11:20

Nawe Atiyookiya awo, abheekirisya abharebhe bha kw‑isinga rya Kiipuro na abha mu‑musi gwa Kureene, nibhaamba okwiyigisya Emisango ja Ekisi ja Raatabhugenyi Yeesu, noorwo ku‑bhaanu bhanu bhatari Bhayawudi.

Ebikorwa 11:26

Ejire aamubhona, ˆnaamureeta Atiyookiya awo. Bharinaabha na Saawuri nibheekara na abheekirisya bharya omuguuga gwone, nibheeyigisyaga abhaanu bhaafu muno. Atiyookiya awo, niwo abheeyigisibhwa bha Yeesu ꞉bhaambire okutogwa ati, Abhakirisito.

Ebikorwa 11:29

Okuruubhana na obhuragi obhwo, abheeyigisibhwa nibharamura ati, bhuri umwi weebhwe, ku‑bhuturo bhwaye, asoosye obhusakisi ku‑bheekirisya abheejaabho bhanu bhaariga bheekaaye Yuudeya.

Ebikorwa 2:41

Abhaanu wuti bhiwumbi bhisatu (3,000) nibheekirisya emisango ja Peetero, nibhabhatiijibhwa, nibhoongesibhwa ku‑chise cha abheekirisya abhandi bha Yeesu orusuku orwo.

Ebikorwa 2:45

Bhaariga nibhagusya ebhiinu bhyebhwe na jipirya jinu bhaabhonaga, bhaajigabhanyaga, okuruubhana na obhukene bhwa bhuri muunu.

Ebikorwa 2:47

enu nibhakusyaga Nyamuwanga na okwendwa na abhaanu bhoone. Bhuri rusuku Raatabhugenyi aagendereraga okuchungura abhandi, abheekirisya nibhagendereraga okwiyongesya.

Ebikorwa 4:35

Jitumwa bhaagabhiraga abhaanu jipirya ejo, okuruubhana na obhukene bhwa bhuri muunu.

Ebikorwa 4:4

Noorwo kutyo, abhaafu bhanu ꞉bhoonguuwe emisango ja Peetero na Yowana ꞉bhaajiikirisiisye. Obhukumi bhwa bharume era bhanu ꞉bheekirisiisye Yeesu, ꞉bhwakingire ebhiwumbi bhitaanu kutya.

Ebikorwa 5:14

Nawe abhaanu abhandi abharume na abhagasi, ꞉bheekirisiisye Raatabhugenyi, kurwa ejo obhukumi bhwa abheekirisya bhweyongesyaga muno.

Ebikorwa 5:28

“꞉Chaabhagaanyiisye kwa amanaga ati musige okwiyigisya abhaanu inguru ya risiina rya omuunu oyo! Nawe emwe omugenderera okwiyigisya abhaanu emisango jaaye mbaara joone ja Yerusareemu, ka wone mukarariiye okureeta isagama ya omuunu oyo inguru yeeswe!”

Ebikorwa 6:2

Kurwa ejo, jitumwa ekumi na bhabhiri ꞉bhaakumanyiisye abheeyigisibhwa bhoone, nibhabhabhwira ati, “Jitari ja ekisi eswe chisige okwiyigisya omusango gwa Nyamuwanga ku‑songa ya okugabhira abhaanu ebhiryo.

Ebikorwa 6:7

Omusango gwa Nyamuwanga nigugenderera okuraasibhwa ku‑bhaanu na obhukumi bhwa abheeyigisibhwa bha Yeesu nibhwiyongesya muno mu‑Yerusareemu. Noorwo abhagabhisi bhaafu ꞉bhaagayukire Nyamuwanga, kwa okumwikirisya Yeesu.

Ebikorwa 9:29

Omwanya ogundi aariga ˆnaasimura na okubhambasyanya na Abhayawudi bhanu bhaaromaga Echiyunaani, nawe abho bhaariga nibharegeeja okumwita.

Ebikorwa 9:39

Mbe, Peetero ˆneemuka, ˆnaagenda aamwi nabho. Omwanya gunu ꞉bhaakingire Yoopa, nibhamusira mu‑chisago echo. Omwo abhatumbagasi bhaafu nibhabha ayeeyi nage nibhariraga na okumweresya emingiro na emyenda ejindi jinu Tabhiija aariga abhabhaririiye omwanya gwa obhuwanga bhwaye.

Ebikorwa 9:41

Peetero ˆnaamugwata okubhoko, ˆnaamwimereegusyu. ˆNaabhirikira abhatumbagasi bharya na abheekirisya abhandi, ˆnaamutuura imbere yeebhwe, ari muwanga kerechu.

Barumi 12:7

Omuunu unu ayaaywe echiyaanwa cha okukorera emirimu abheejaabho, abhakorere emirimu kisi. Omuunu unu ayaaywe echiyaanwa cha okwiyigisya, eeyigisye kisi.

1 Bakorinto 10:10

Ka wone, mwasiga okujujuuma rwa kutyo abhandi mu‑bheene ꞉bhaajujuumire, nibheetwa na maraayika omusingaarisya.

2 Bakorinto 11:22

Araabha abheene ni Bhayebhuraniya, anye wone niri Muyebhuraniya. Araabha abheene ni Bhayisirayeeri, anye wone niri Muyisirayeeri. Araabha abheene ni bha mu‑ruganda rwa Bhurayimu, anye wone niri wa mu‑ruganda rwa Bhurayimu.

Bafilipi 3:5

Anye ꞉naatenderwe ku‑rusuku rwa kataanu na kasatu nimarire okwibhurwa, enisooka mu‑ruganda rwa Bhenjamiini wa mw‑iyanga rya Yisirayeeri. Anye niri Muyebhuraniya wa echimari. Mu‑kukuumisya ebhiraagiro bhya Echiyawudi, anye ꞉naabhigayukire kisi, kwa okubha naariga niri Mufarisaayo.

1 Timoteo 5:3

Uyaane echibharo abhatumbagasi bhanu bharabheeye abhatumbagasi katakata.

1 Timoteo 5:9

Omutumbagasi unu kaakenwa okutuurwa mu‑bhutinge bhwa abhatumbagasi, ni unu akingiisye emiguuga makumi gataanu na rimwi, ka wone, aariga atari omuromerwa.

Baeburania 13:1

Mugenderere okwendana abheene kwa abheene rwa abhayiri mu‑riikirisya.

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.

Yakobo 4:5

Mbe, musige okwitogera ati Ebhikaame Ebhyeru bhikaamirwe emisango ja kutyo era, ati, Mwoyo unu Nyamuwanga ꞉aateeye mu‑mutima jeeswe kaachiisigombera okukingira okuchifuyira muno.

Yakobo 5:9

Abhayiri bhaani mu‑riikirisya, musige okujujuumirana abheene kwa abheene korereki mutariramurwa. Mwangarire! Omuramusi wa ebhiraagiro ari yeeyi okusubha.