Ebikorwa 5:42 - Indagano Inyaaya mu-Chijita

⁴² Bhuri rusuku ꞉jaagendereeye okuraasya, okwiyigisya mw‑Iyekaru na mu‑nju ja abhaanu. ꞉Bhataasigire okuraasisya abhaanu Emisango ja Ekisi ati Yeesu niwe Kirisito.

INDAGANO INYA:YA

⁴² Mbe bato:saga okwiigisya kusiku:siku mu yekaru na mu misi no kusimura ati Yesu niwe Kristo.

Ebikorwa 5:42 ပူးပေါင်းရင်းမြစ်များ

Ruuka 21:37

Mbe, mu‑siku ejo, mu‑mwisi, Yeesu aariga ˆneeyigisya abhaanu mw‑Iyekaru rya Nyamuwanga. Mu‑ngeta, aariga ˆnaagenda okumaama ku‑chiima chinu chaariga nichitogwa ati cha Emijeyituuni.

Ruuka 22:53

Mbawo siku joone naasiibhaga aamwi na emwe mw‑Iyekaru rya Nyamuwanga, nawe ꞉mutaangwatire? Nawe woori, gunu nigwo omwanya gwemwe, na ogwa obhutungi bhwa echisuute.”

Ebikorwa 11:20

Nawe Atiyookiya awo, abheekirisya abharebhe bha kw‑isinga rya Kiipuro na abha mu‑musi gwa Kureene, nibhaamba okwiyigisya Emisango ja Ekisi ja Raatabhugenyi Yeesu, noorwo ku‑bhaanu bhanu bhatari Bhayawudi.

Ebikorwa 13:32

“Eswe echibharaasisya emwe Emisango ja Ekisi ati, jinu nijo Nyamuwanga ꞉aaragire bhasaaja weeswe,

Ebikorwa 17:18

Niwo abhaanu abharebhe bha obhwengeeso bhanu bhaatogwaga ati Abhayepukiriyo, aamwi na Abhasitoyiko, nibhaamba okubhambasyanya na Pawuro na okurema emisango jaaye. Abhandi mu‑bheene nibhabhuusya ati, “Ni misango ki jinu omuromiromi unu kaayika?” Abhandi nibhaayika ati, “Eyibhonekana ati kaayikira inguru ya amasambwa ga echaaro echindi.” ꞉Bhaayikire kutyo kwa okubha Pawuro aabharaasisyaga inguru ya Yeesu na inguru ya okusuuruka mu‑bhafuuwe.

Ebikorwa 17:3

ˆnaabheeresyaga abhwerubhweru ati, Kirisito aariga akenerwe anyaasibhwe na okwitwa na ati ni bhusibhusi asuuruke okusooka mu‑bhafuuwe. Pawuro ˆnaagenderera okubhabhwira ati, “Kirisito unu enibhabhwira omusango gwaye, niwe Yeesu.”

Ebikorwa 2:46

Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,

Ebikorwa 20:20

Omumenya ati ꞉nitaasigire okubharaasisya omusango gwonegwone gwa okubhasakira. Naabharaasisyaga abhwerubhweru, noorwo mu‑nju jeemwe.

Ebikorwa 4:20

Okubha eswe chitakutura okusiga okwayika inguru ya emisango jinu ꞉chaarorere na okuungwa!”

Ebikorwa 4:29

Raatabhugenyi, ringira ebhikangyo bhyebhwe, nuuchiyaane obhuturo eswe abhakosi bhaawo, chiraasye omusango gwawo kwa ribhaasi nene.

Ebikorwa 8:35

Firipo ˆnaamba na emisango ejo ja Ebhikaame Ebhyeru, ˆnaamubhwiraga Emisango ja Ekisi inguru ya Yeesu.

Ebikorwa 8:5

Firipo wone ˆnaagenda mu‑musi gumwi gwa Samaariya, ˆnaamba okuraasisya abhaanu bheende‑yo emisango ja Kirisito.

Ebikorwa 9:20

Awoawo ꞉aambire okugenda mu‑nju ja ameekofyanyo ga Abhayawudi, ˆnaabharaasisyaga ati, Yeesu ni Mwana wa Nyamuwanga.

1 Bakorinto 2:2

Omwanya gunu naariga niri kw‑imwe, ꞉naaramuuye ati naayike era emisango inguru ya Yeesu Kirisito, chimwichimwi okufwa kwaye ku‑musarabha, okwayika omusango gundi wuri.

Bagalatia 1:16

okunswerurira Omwana waaye kutyo ari. ꞉Aaramuuye okukora kutyo, korereki niraasye Emisango ja Ekisi inguru ya Omwana waaye ku‑bhaanu bhanu bhatari Bhayawudi. Anye ꞉nitaayenjere abhaanu bha okuntongera jinu nirikora.

Bagalatia 6:14

Nawe anye nitakwenda nibhe na omusango gwa okwikumangisya, tari musarabha gwa Raatabhugenyi weeswe Yeesu Kirisito. Okuruubhana na orufu rwaye, emisango joone ja echaaro chinu jitari na obhugajuro kw‑anye, na bhumuunu bhwani bhwa kara bhubhambirwe aamwi nage ku‑musarabha.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.