Ebikorwa 5:21 - Indagano Inyaaya mu-Chijita

²¹ Kutyo, jitumwa ejo nibhamugayuka, nibhamweja muno okuja mu‑rubhuga rwa Riyekaru, nibhaamba okwiyigisya abhaanu omwo. Omwanya ogwoogwo, omugabhisi omukuru aamwi na abheejaabho bharya, nibhabhirikira abhakuru bhoone bha Abhayawudi, bhabhuganire mw‑ibharaja rikuru ryebhwe. Nibhatuma abhariisi mw‑ibhoyero omwo, korereki bhareete jitumwa jirya.

INDAGANO INYA:YA

²¹ Bejire bongwa binu, nibengira mu yekaru mu ruguru, nibe:igisya. Nawe omugabisi Omukuru na:ja aamwi na banu bariga nage, nibababirikira abe ci:na na bakaruka bo:ne aba Ba:na ba Israeli, nibatuma aba:nu ku nyumba yo buboywa, korereki babare:te.

Ebikorwa 5:21 ပူးပေါင်းရင်းမြစ်များ

Matayo 5:22

Nawe anye enibhabhwira ati, omuunu woonewoone unu kaasoka oweejaabho, kaakenwa aramurwe. Ka wone, woonewoone unu kaafuma oweejaabho ati, ni mutaamutaamu, omwene wone kaakenwa aramurwe kw‑ibharaja rikuru rya Abhayawudi. Omuunu woonewoone unu kaafuma oweejaabho ati, ni mumuumu, kaakenwa eeswe mu‑muriro gwa akajaanende koone!

Ruuka 22:66

Mbe risuubha ryejire ryawuruka, ribharaja rikuru rya Abhayawudi, aamwi na abhakuru bha abhagabhisi na abheeyigisya bha ebhiraagiro bhya Muusa nibheekofyanya aamwi. Nibhasira Yeesu mw‑ibharaja ryebhwe, nibhamubhuusya ati,

Yowana 18:35

Piraato ˆnaamusubhya ati, “Angu, anye niri Muyawudi? Abhaanu bha riyanga ryawo aamwi na abhakuru bha abhagabhisi nibho bhaakureeta kw‑anye korereki nikuramure. Angu, ukorere chikayo ki?”

Yowana 8:2

Bhwejire bhwacha katondo, Yeesu ˆnaagenda rindi ˆneengira mu‑rubhuga rwa Riyekaru. Abhaanu bhoone nibhamuuja‑ko, omwene ˆneenyanja, ˆnaamba okubheeyigisya.

Ebikorwa 22:15

Okubha uribha omubhambaasi waaye, ku‑bhaanu bhoone, ku‑jinu ꞉waarorere na okuungwa.

Ebikorwa 22:5

Jinu enibhabhwira, noorwo omugabhisi omukuru aamwi na abhakuru bha Abhayawudi bhoone abhatura okujiikirisya ati ni ja echimari. Abheene nibho ꞉bhaanaaye jinyarubha ja okusirira Abhayawudi abhakuru bhanu bhaariga bhari Damaasiko. Niniimuka korereki nigende eyo, nibhoye abheekirisya bheende‑yo na nibhareete Yerusareemu anu, korereki bhabhumwe.

Ebikorwa 5:17

Omugabhisi omukuru na abheejaabho bhoone, bhanu bhaariga bhari Bhasadukaayo, ꞉bhaagwatirwe na orwiso muno inguru ya jitumwa.

Ebikorwa 5:27

Nibhabhareeta mw‑ibharaja rikuru eryo, nibhabhabhwira bheemereeguru imbere yeebhwe. Omugabhisi omukuru ˆnaabhabhwira ati,

Ebikorwa 5:34

Nawe, mw‑ibharaja rikuru awo, aariga ari‑wo Omufarisaayo umwi, risiina ryaye ˆnaatogwa Gamaryeri. Gamaryeri oyo aariga ari mwiyigisya wa ebhiraagiro, na aayaanwaga echibharo na abhaanu bhoone. ꞉Eemereeguuyu, ˆnaaragirira ati, jitumwa bhasirwe anja kwa omwanya mufuyi.

Ebikorwa 5:41

Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.