Ebikorwa 5:17 - Indagano Inyaaya mu-Chijita

¹⁷ Omugabhisi omukuru na abheejaabho bhoone, bhanu bhaariga bhari Bhasadukaayo, ꞉bhaagwatirwe na orwiso muno inguru ya jitumwa.

INDAGANO INYA:YA

¹⁷ Mbe ne:muka omugabisi Omukuru aamwi na banu bo:ne bariga nage, nibo banu be:kirisisye ebya Basadukayo, nibajira rifuwa ryafu.

Ebikorwa 5:17 ပူးပေါင်းရင်းမြစ်များ

Matayo 27:18

Piraato ꞉aabhabhuusisye kutyo, kwa okubha ꞉aamenyere ati abhakuru bha Abhayawudi ꞉bhaasirire Yeesu ku‑mwene inguru ya orwiso era.

Matayo 3:7

Nawe Yowana ejire aarora Abhafarisaayo na Abhasadukaayo bhaafu nibhamuuja‑ko, korereki abhabhatiije, ˆnaabhabhwira ati, “Emwe orwibhuro rwa jinjoka! Niga unu ꞉aabhabhwiriiye ati, omutura okwikenga indamu ya Nyamuwanga inu iriija, kwa okubhatiijibhwa era?

Yowana 12:10

Niwo, abhakuru bha abhagabhisi nibhakora obhutinge bhwa okwita Rajaaro wone,

Yowana 12:19

Nawe Abhafarisaayo nibhaayikana abheene kwa abheene ati, “Omurora? Chitakutura okukora choonechoone! Ringira, abhaanu bhoone abhamuruubha.”

Ebikorwa 13:45

Nawe omwanya gunu abhatangasya bha Abhayawudi ꞉bhaarorere echise echinene cha abhaanu, nibhabha na orwiso muno. Niwo nibharema jinu Pawuro aayikaga, enu nibhamufumaga.

Ebikorwa 15:5

Awo Abhafarisaayo abharebhe bhanu ꞉bheekirisiisye Yeesu nibheemereeguru, nibhaayika ati, “Bhanu bhatari Bhayawudi wone ni bhusibhusi bhatendwe, bhabhwirwe ati, bhabhe nibhagayuka ebhiraagiro bhya Muusa.”

Ebikorwa 17:5

Nawe ejo nijikora Abhayawudi bharebhe okubhona orwiso. Nibhagenda mw‑iguriro, nibhabhona abhaanu abharangirangi. Abhaanu abho, nibheekumanya awo, nibhaamba okukora injogere nyafu mu‑musi ogwo. Nibhagenda mu‑nju ya Yasooni, nibharondaga Pawuro na Siira, korereki bhabhareete ku‑chise echo.

Ebikorwa 4:26

Abhakama bha echaaro na abhatungi abheekumanyaga aamwi, bhareme Raatabhugenyi Nyamuwanga na Kirisito waaye.’

Ebikorwa 4:6

Mw‑ibharaja eryo, bhaariga bhari‑mo Anaasi unu aariga ari omugabhisi omukuru, Kayaafa, Yowana, Arekijanda na abhandi bhanu bhaariga bhari bhaabho Anaasi.

Ebikorwa 5:16

Abhaanu bhaafu bhaajaga okusooka mu‑misi ja ku‑mbarimbari ya Yerusareemu, nibhareetaga abharwaye bheebhwe na bhanu bhaanyaasibhwaga na amasambwa. Bhoone, ꞉bhaawosiibhwe.

Ebikorwa 7:9

“Bhasaaja weeswe abho nibharorera Jejefu orwiso, nibhamugusya abhe mugaya mu‑chaaro cha Miisiri. Nawe Nyamuwanga aariga ari aamwi nage,

Bagalatia 5:21

orwiso, obhukorwa, obhunanamba na jinu jiri rwa ejo. Enibhabhwira rindi rwa kutyo naariga naabhabhwiriiye ati, abhaanu bhanu abhakora emisango ejo, bhataribha na omwandu gwonegwone mu‑bhukama bhwa Nyamuwanga.

Yakobo 4:5

Mbe, musige okwitogera ati Ebhikaame Ebhyeru bhikaamirwe emisango ja kutyo era, ati, Mwoyo unu Nyamuwanga ꞉aateeye mu‑mutima jeeswe kaachiisigombera okukingira okuchifuyira muno.

1 Petero 2:1

Mbe, musige obhujabhi bhwone, obhujigi bhwone, obhwirimaanya, orwiso noorwo okuroma oweejaanyu.