Ebikorwa 5:14 - Indagano Inyaaya mu-Chijita

¹⁴ Nawe abhaanu abhandi abharume na abhagasi, ꞉bheekirisiisye Raatabhugenyi, kurwa ejo obhukumi bhwa abheekirisya bhweyongesyaga muno.

INDAGANO INYA:YA

¹⁴ Nawe banu be:kirisisye nibeyongesya oku:ja ku Ratabugenyi, ba:fu abarume na bagasi.

Ebikorwa 5:14 ပူးပေါင်းရင်းမြစ်များ

Ebikorwa 11:24

Bharinaabha aariga ari muunu wa ekisi, eejuuywe Mwoyo Mweru na eriikirisya enene. Abhaanu bhaafu ꞉bheekirisiisye Raatabhugenyi Yeesu, kurwa ejo obhukumi bhwa abheekirisya bhwariga nibhwiyongesya muno.

Ebikorwa 2:41

Abhaanu wuti bhiwumbi bhisatu (3,000) nibheekirisya emisango ja Peetero, nibhabhatiijibhwa, nibhoongesibhwa ku‑chise cha abheekirisya abhandi bha Yeesu orusuku orwo.

Ebikorwa 2:47

enu nibhakusyaga Nyamuwanga na okwendwa na abhaanu bhoone. Bhuri rusuku Raatabhugenyi aagendereraga okuchungura abhandi, abheekirisya nibhagendereraga okwiyongesya.

Ebikorwa 22:4

“Naanyaasyaga muno abharuubhirisya bha Injira ya Yeesu noorwo okubheeta. Naagwataga abharume na abhagasi na okubhatuura mw‑ibhoyero.

Ebikorwa 4:4

Noorwo kutyo, abhaafu bhanu ꞉bhoonguuwe emisango ja Peetero na Yowana ꞉bhaajiikirisiisye. Obhukumi bhwa bharume era bhanu ꞉bheekirisiisye Yeesu, ꞉bhwakingire ebhiwumbi bhitaanu kutya.

Ebikorwa 6:7

Omusango gwa Nyamuwanga nigugenderera okuraasibhwa ku‑bhaanu na obhukumi bhwa abheeyigisibhwa bha Yeesu nibhwiyongesya muno mu‑Yerusareemu. Noorwo abhagabhisi bhaafu ꞉bhaagayukire Nyamuwanga, kwa okumwikirisya Yeesu.

Ebikorwa 8:12

Nawe omwanya gunu Firipo ꞉aabharaasisiisye Emisango ja Ekisi inguru ya obhukama bhwa Nyamuwanga, na inguru ya risiina rya Yeesu Kirisito, abhaanu nibheekirisya emisango jaaye, niwo abharume na abhagasi nibhabhatiijibhwa.

Ebikorwa 8:3

Omwanya ogwo Saawuri ˆnaamba okunyaasya abheekirisya bha Yeesu. Omwene aariga ˆneengira mu‑nju jeebhwe, ˆnaagwataga abharume na abhagasi kwa amanaga, ˆnaabhasira mw‑ibhoyero.

Ebikorwa 9:2

ˆnaamusabhwa ati, amuyaane jinyarubha ja okumumenyesya, agende najo mu‑nju ja ameekofyanyo ga Abhayawudi mu‑musi gwa Damaasiko. Jinyarubha ejo ni ja okumwikirisisya ati, akasoongʼana eyo abharuubhirisya bha Injira ya Yeesu, bhabhe abharume amwi abhagasi, abhabhoye na okubhareeta Yerusareemu.

Ebikorwa 9:31

Mbe abheekirisya nibhabha na omurembe mbaara joone ja Yuudeya, Gariraaya na Samaariya. Abheekirisya nibhagenderera okukomeera na okuyaanwa amanaga na Mwoyo Mweru. Ka wone, bhaagayukaga Raatabhugenyi Yeesu na obhukumi bhwebhwe nibhugenderera okwiyongesya.

Ebikorwa 9:35

Abhaanu bhoone bhanu bhaariga bheekaaye Ruuda na mw‑itina rya Sarooni, bhejire bhaarora Ayineeya ˆnaaribhataga, nibhayindukira Raatabhugenyi Yeesu.

Ebikorwa 9:42

Emisango ja echikorwa echo nijiswirana muno mu‑musi gwone gwa Yoopa, abhaanu bhaafu nibheekirisya Raatabhugenyi Yeesu.

2 Bakorinto 6:15

Ka wone Kirisito na Bheriyaari, abhatura kutiki okuungwana? Omwikirisya na unu atari mwikirisya, abhatura okusangira aamwi chinu ki?

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.