Ebikorwa 4:21 - Indagano Inyaaya mu-Chijita

²¹ Peetero na Yowana bhejire bhaamara okwayika kutyo, abhakuru abho nibhabhagonya kwa obhururu muno, nibhabhataatira bhagende. ꞉Bhataabhwene injira ya okubhabhuma, kwa okubha abhaanu bhoone bhaariga nibhakuuya Nyamuwanga muno inguru ya echiruguusyo echo.

INDAGANO INYA:YA

²¹ Mbe nibongesya okubakanga, nibabata:tira, batabwene ca kubendera kurwa ba:nu, okuba bo:ne bariga nibakusya Nyamuanga kwibyo byabeeo.

Ebikorwa 4:21 ပူးပေါင်းရင်းမြစ်များ

Matayo 15:31

Abhaanu nibharuguura muno bhejire bhaarora abhajibhi nibharoma, abharema nibhawora, abhafuuwe bha amaguru nibharibhata na abhawofu nibharora. Nibhaamba okukusya Nyamuwanga wa Abhayisirayeeri.

Matayo 21:46

Kurwa ejo, nibhayenja injira ya okumugwata. Nawe nibhoobhaya echise cha abhaanu, kwa okubha abheene ꞉bheetogeeye ati Yeesu ni muragi.

Matayo 26:5

꞉Bhaayikeene ati, “Nawe chaasiga okukora jinu ku‑chikukuru ya Okwambuka, abhaanu bhaasiga okukora injogere.”

Matayo 9:33

Yeesu ˆnaamusoosya‑ko risambwa eryo, awoawo omuunu oyo, ˆnaamba okwayika. Abhaanu bhanu bhaariga bharya‑wo nibharuguura muno, nibhaayikaga ati, “Mu‑chaaro choone cha Yisirayeeri, guchaariga okukorekana omusango rwa gunu noorwo na akatyari!”

Matayo 9:8

Abhaanu bhejire bhaarora ejo, nibharuguura na okuubhaya muno. Nibhakusya Nyamuwanga unu ayaaye abhaanu obhuturo bhwa imbaga eyo.

Ruuka 13:17

Yeesu ejire aayika kutyo, abhaanu bhanu bhaariga nibhabhambasyanya nage, nibheeswara. Nawe abhaanu abhandi, nibhakonderwa muno, ku‑songa ya emisango ja ebhiruguusyo jinu aariga ˆnaakora.

Ruuka 20:19

Abheeyigisya bha ebhiraagiro bhya Muusa na abhakuru bha abhagabhisi, nibhasombookerwa ati, echijekekanyo echo echaayikira abheene. Kurwa ejo nibheenda okumugwata awoawo, nawe nibhoobhaya abhaanu.

Ruuka 20:6

Ka wone, chikaayika ati, obhuturo bhwaye ꞉bhwasookere ku‑bhaanu, abhaanu bhoone bhanu bhari anu, abhaja okuchibhuma na amabhuyi, kwa okubha abheekirisya ati, Yowana aariga ari muragi wa Nyamuwanga.”

Ruuka 22:2

Abhakuru bha abhagabhisi na abheeyigisya bha ebhiraagiro bhya Muusa, bhaariga nibhayenja injira ya okwita Yeesu. Nawe, ꞉bhoobhayire abhaanu bhaasiga okukora injogere.

Ruuka 5:26

Abhaanu bhoone nibharuguura muno na okuyaya. Aamwi na ejo, nibhakusya Nyamuwanga, nibhaayikaga ati, “Bhamura, reero chaarora emisango ja okuruguusya!”

Ebikorwa 4:17

Kurwa ejo chibhagonye ati, bhasige okugenderera rindi okubhwira omuunu woonewoone inguru ya risiina rinu, korereki chiyingirire emisango ja echikorwa chinu jisige okukumuuka muno mu‑bhaanu.”

Ebikorwa 4:22

Okubha ꞉bhaamenyere ati omuunu unu ꞉aawosiibhwe aariga ari murema okusookerera okwibhurwa kwaye, aariga akingiisye emiguuga makumi gana.

Ebikorwa 5:13

Abhaanu bhanu bhaariga bhachaari okwikirisya Yeesu, nibhoobhaya okubha aamwi nabho. Noorwo kutyo, bhaariga nibhabhayaana echibharo muno.

Ebikorwa 5:26

Niwo omukuru wa abhariisi oyo, aamwi na abhariisi bhaaye, nibhagenda ku‑tumwa ejo, nibhabhareeta. Nawe ꞉bhataabhagwatire kwa amanaga, kwa okubha abhariisi ꞉bhoobhayire abhaanu bhaasiga okubhabhuma na amabhuyi.

Ebikorwa 5:40

Kurwa ejo, ritongera rya Gamaryeri eryo, niriikirisibhwa na abheejaabho abho. Bhejire bhaamara, nibhabhirikira jitumwa mw‑ibharaja eryo, nibhabhabhuma simbo nyafu. Nibheeya nibhabhagaanya ati, bhasige okubhwira abhaanu kw‑isiina rya Yeesu, nibhabhataatira, nibhagenda.