Ebikorwa 4:2 - Indagano Inyaaya mu-Chijita

² Abhakuru abho ꞉bhaabhiyiiywe muno, kwa okubha Peetero na Yowana bhaariga nibheeyigisya abhaanu na okuraasya ati, Nyamuwanga arisuurura abhafuuwe, okuruubhana na okusuuruka kwa Yeesu.

INDAGANO INYA:YA

² Babiiywe muno okuba be:igisyaga aba:nu no kubasimurira ebyo kusu:ruka mu bafu:ye kutyo Yesu asu:rukire.

Ebikorwa 4:2 ပူးပေါင်းရင်းမြစ်များ

Ebikorwa 13:45

Nawe omwanya gunu abhatangasya bha Abhayawudi ꞉bhaarorere echise echinene cha abhaanu, nibhabha na orwiso muno. Niwo nibharema jinu Pawuro aayikaga, enu nibhamufumaga.

Ebikorwa 17:18

Niwo abhaanu abharebhe bha obhwengeeso bhanu bhaatogwaga ati Abhayepukiriyo, aamwi na Abhasitoyiko, nibhaamba okubhambasyanya na Pawuro na okurema emisango jaaye. Abhandi mu‑bheene nibhabhuusya ati, “Ni misango ki jinu omuromiromi unu kaayika?” Abhandi nibhaayika ati, “Eyibhonekana ati kaayikira inguru ya amasambwa ga echaaro echindi.” ꞉Bhaayikire kutyo kwa okubha Pawuro aabharaasisyaga inguru ya Yeesu na inguru ya okusuuruka mu‑bhafuuwe.

Ebikorwa 19:23

Omwanya ogwo Yefeeso awo, ꞉yaakorekeene injogere nyafu muno inguru ya abharuubhirisya bha Injira ya Yeesu.

Ebikorwa 24:21

Tari ni inguru ya omusango gumwi era, gunu ꞉naamwayiiye inguru imbere yeebhwe ati, ‘Anye eniramurwa imbere yeemwe reero, kwa okubha eniikirisya ati abhafuuwe bharisuuruka.’”

Ebikorwa 26:23

Bhoone abho ꞉bhaayikire ati, Kirisito jeenderwe anyaasibhwe na aribha wa okwamba okusuuruka okusooka mu‑bhafuuwe, korereki areete obhweru bhwa omweruro ku‑Bhayawudi na ku‑bhanu bhatari Bhayawudi wone.”

Ebikorwa 26:8

Mbawo emwe mutakwikirisya ati Nyamuwanga kaasuurura abhafuuwe?

Ebikorwa 3:15

Kurwa ejo, ꞉mweetire unu ari bhusimukwa bhwa obhuwanga. Nawe Nyamuwanga ˆnaamusuurura okusooka mu‑bhafuuwe! Eswe chiri bhabhambaasi bha okusuuruka kwaye.

Ebikorwa 5:17

Omugabhisi omukuru na abheejaabho bhoone, bhanu bhaariga bhari Bhasadukaayo, ꞉bhaagwatirwe na orwiso muno inguru ya jitumwa.

Barumi 8:11

Mwoyo Mweru unu eekaaye mu‑myoyo jeemwe, niwe Mwoyo wa Nyamuwanga unu ꞉aasuuruuye Kirisito Yeesu okusooka mu‑bhafuuwe. Kurwa ejo, Nyamuwanga ariyaana obhuwanga emibhiri jeemwe jinu ejifwa, ku‑managa ga Mwoyo Mweru unu eekaaye mu‑myoyo jeemwe.

1 Bakorinto 15:23

Nawe bhuri muunu arisuururwa ku‑mwanya gwaye, Kirisito aariga ari wa okwamba okusuururwa, omwanya gunu omwene ariija, niwo abhaanu bhaaye bharisuururwa.