Ebikorwa 4:17 - Indagano Inyaaya mu-Chijita

¹⁷ Kurwa ejo chibhagonye ati, bhasige okugenderera rindi okubhwira omuunu woonewoone inguru ya risiina rinu, korereki chiyingirire emisango ja echikorwa chinu jisige okukumuuka muno mu‑bhaanu.”

INDAGANO INYA:YA

¹⁷ Nawe omusango gunu cikorereki gusigega kukumu:ka mu ba:nu, cibakange basigega kwaika mwisi:na eryo ku mu:nu wo:ne.

Ebikorwa 4:17 ပူးပေါင်းရင်းမြစ်များ

Matayo 27:64

Kurwa ejo, echisabhwa uragirire abhasirikare bhaawo bhaangarire echituuro okukingira ku‑rusuku rwa kasatu. Araabha ukarema okutuura‑wo omuriisi, abheeyigisibhwa bhaaye abhatura okuuja okwibha omutumbi gwaye na okujiga abhaanu ati aasuuruka okusooka mu‑bhafuuwe. Araabha bhakakora kutyo, orubheeyi orwo ruribha rubhiibhi muno okukira rurya rwa Yeesu omwene.”

Matayo 9:30

Awoawo, ameeso geebhwe nigeeguka, nibharora. Yeesu ˆnaabhakomeeresya muno, ˆnaabhabhwiraga ati, “Mwasiga okubhwira omuunu woonewoone omusango gunu!”

Yowana 15:21

Nawe abhaja okubhakorera joone ejo kwa okubha omunduubha, ka wone kwa okubha bhatakumenya unu antumire.

Ebikorwa 4:21

Peetero na Yowana bhejire bhaamara okwayika kutyo, abhakuru abho nibhabhagonya kwa obhururu muno, nibhabhataatira bhagende. ꞉Bhataabhwene injira ya okubhabhuma, kwa okubha abhaanu bhoone bhaariga nibhakuuya Nyamuwanga muno inguru ya echiruguusyo echo.

Ebikorwa 5:24

Omukuru wa abhariisi bha Riyekaru na abhakuru bha abhagabhisi bhejire bhoongwa ejo, nibhataamibhwa okumenya, nibhabhuusyanya ati, “Omusango ogwo guribha kutiki?”

Ebikorwa 5:28

“꞉Chaabhagaanyiisye kwa amanaga ati musige okwiyigisya abhaanu inguru ya risiina rya omuunu oyo! Nawe emwe omugenderera okwiyigisya abhaanu emisango jaaye mbaara joone ja Yerusareemu, ka wone mukarariiye okureeta isagama ya omuunu oyo inguru yeeswe!”

Baefeso 6:9

Emwe abhaami wone, mukorerega abhagaya bheemwe kutyokutyo. Mwasiga okubhakanga, okubha mumenyere ati, emwe na abheene muri na Raatabhugenyi umwi era mu‑rwire. Omwene oyo, atari na isoroore ku‑bhaanu.

1 Batesalonika 1:8

Okusookana na emwe, abhaanu ꞉bhoonguuwe Emisango ja Ekisi inguru ya Raatabhugenyi Yeesu. Itari ku‑bhaanu bha Makedooniya na Akaaya era, tari eriikirisya ryemwe ku‑Nyamuwanga rimenyekeene bhuri rubhaara. Kurwa ejo, eswe chitakunyaaka okubhwira abhaanu inguru ya eriikirisya ryemwe.

1 Petero 2:23

Omwene ejire aafumwa, ꞉ataasubhiisye efumo. Ejire aanyaasibhwa, ꞉ataakangiisye okusubhya orusiima. Tari ꞉aasigire joone ku‑Nyamuwanga, omuramusi omurengeresi.