Ebikorwa 4:1 - Indagano Inyaaya mu-Chijita

¹ Omwanya gunu Peetero na Yowana bhaariga bhachaaraasisya abhaanu omusango gwa Nyamuwanga, abhagabhisi na Abhasadukaayo bhanu bhaariga bhari awo na omukuru wa abhariisi bha Riyekaru, nibhabhaaja‑ko.

INDAGANO INYA:YA

¹ Anu bariga baca:ika na ba:nu, mbe abagabisi nibabe:jira aamwi no mukuru wa mu yekaru, na Basadukayo,

Ebikorwa 4:1 ပူးပေါင်းရင်းမြစ်များ

Matayo 16:12

Niwo, abheeyigisibhwa bhaaye nibhasombookerwa ati aariga atakubhabhwira okwikenga echifwimbya cha okufwimbya emikaate, tari inguru ya okwikenga ameeyigisyo ga orubheeyi ga Abhafarisaayo na Abhasadukaayo.

Matayo 22:16

Niwo nibhatuma ku‑Yeesu abheeyigisibhwa bheebhwe aamwi na abharuubhirisya bha omukama Yeroode Atipaasi. Bhejire bhaakinga nibhabhuusya Yeesu ati, “Omwiyigisya, chimenyere ati awe uri muunu wa echimari na ati owiyigisya echimari inguru ya emisango ja Nyamuwanga. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe.

Matayo 27:20

Nawe abhakuru bha abhagabhisi na abhakuru bha Abhayawudi nibhakongya abhaanu ati bhasabhwe Piraato abheegurire Bharaabha na aramure ati Yeesu eetwe.

Matayo 27:41

Kutyokutyo, abhakuru bha abhagabhisi na abheeyigisya bha ebhiraagiro bhya Muusa aamwi na abhakuru bha Abhayawudi nibhasiijaaka Yeesu ati, “Aawonʼyaga abhandi, nawe atakutura okwiwonʼya omwene!

Matayo 3:7

Nawe Yowana ejire aarora Abhafarisaayo na Abhasadukaayo bhaafu nibhamuuja‑ko, korereki abhabhatiije, ˆnaabhabhwira ati, “Emwe orwibhuro rwa jinjoka! Niga unu ꞉aabhabhwiriiye ati, omutura okwikenga indamu ya Nyamuwanga inu iriija, kwa okubhatiijibhwa era?

Ruuka 20:1

Rusuku rumwi, omwanya gunu Yeesu aariga ari mu‑rubhuga rwa Riyekaru rya Nyamuwanga ˆneeyigisyaga abhaanu, na okubharaasisya Emisango ja Ekisi, abhakuru bha abhagabhisi, abheeyigisya bha ebhiraagiro bhya Muusa aamwi na abhakuru bha Abhayawudi nibhamuuja‑ko.

Ruuka 22:4

Niwo, Yuuda ˆnaagenda ku‑bhakuru bha abhagabhisi na ku‑bhakuru bha abhariisi bha Riyekaru. ˆNaayikana nabho kutyo kaja okutuura Yeesu mu‑mabhoko geebhwe.

Yowana 15:20

Mwasiga okurabhirwa omusango gunu ꞉naabhabhwiriiye ati, ‘Omugaya atakutura okubha omukuru okukira omwami waaye.’ Mbe, araabha ꞉bhaanyaasiisye anye, emwe wone bharibhanyaasya. Nawe araabha ꞉bheekirisiisye ameeyigisyo gaani, ageemwe wone abhaja okugeekirisya.

Yowana 18:3

Kurwa ejo, Yuuda ˆnaatangasya echise cha abhasirikare bha Echiruumi, aamwi na abhasirikare bha Riyekaru okusooka ku‑bhakuru bha abhagabhisi na ku‑Bhafarisaayo. Nibhagenda mw‑isambu eryo, bhagwatiriiyega jidara, ebhisiriira na ebhigwato.

Ebikorwa 4:6

Mw‑ibharaja eryo, bhaariga bhari‑mo Anaasi unu aariga ari omugabhisi omukuru, Kayaafa, Yowana, Arekijanda na abhandi bhanu bhaariga bhari bhaabho Anaasi.

Ebikorwa 5:17

Omugabhisi omukuru na abheejaabho bhoone, bhanu bhaariga bhari Bhasadukaayo, ꞉bhaagwatirwe na orwiso muno inguru ya jitumwa.

Ebikorwa 5:24

Omukuru wa abhariisi bha Riyekaru na abhakuru bha abhagabhisi bhejire bhoongwa ejo, nibhataamibhwa okumenya, nibhabhuusyanya ati, “Omusango ogwo guribha kutiki?”

Ebikorwa 5:26

Niwo omukuru wa abhariisi oyo, aamwi na abhariisi bhaaye, nibhagenda ku‑tumwa ejo, nibhabhareeta. Nawe ꞉bhataabhagwatire kwa amanaga, kwa okubha abhariisi ꞉bhoobhayire abhaanu bhaasiga okubhabhuma na amabhuyi.

Ebikorwa 6:12

Mu‑kwayika ejo, ꞉bhaakorere abhaanu bhaafu, aamwi na abhakuru bha Abhayawudi na abheeyigisya bha ebhiraagiro bhya Muusa nibhabhiyirwa. Nibharuubha Tefwano, nibhamugwata, nibhamusira mw‑ibharaja rikuru rya Abhayawudi.

Ebikorwa 6:7

Omusango gwa Nyamuwanga nigugenderera okuraasibhwa ku‑bhaanu na obhukumi bhwa abheeyigisibhwa bha Yeesu nibhwiyongesya muno mu‑Yerusareemu. Noorwo abhagabhisi bhaafu ꞉bhaagayukire Nyamuwanga, kwa okumwikirisya Yeesu.