Ebikorwa 3:6 - Indagano Inyaaya mu-Chijita

⁶ Nawe Peetero ˆnaamubhwira ati, “Nitari na jipirya noorwo inaaryo, nawe chinu niri nacho ni chinu. Enikubhwira kw‑isiina rya Yeesu Kirisito Omunajareeti, imereeguru uribhate!”

INDAGANO INYA:YA

⁶ Nawe Petero na:ika ati, Jimpirya na jijaabu ntanajo, nawe cinu ninaco nico ndakuyana. Mwisi:na rya Yesu wende Najareti, imuka uribate.

Ebikorwa 3:6 ပူးပေါင်းရင်းမြစ်များ

Matayo 10:9

Mwasiga okugega inaaryo, amwi jipirya, amwi jiyera mu‑sagwa jeemwe.

Matayo 7:22

Orusuku rwa indamu oruuja, na abhaanu bhaafu bharimbwira ati, ‘Raatabhugenyi, Raatabhugenyi! Owichuka ati, ꞉chaasoosiisye obhuragi kw‑isiina ryawo? Ka wone, ꞉chaasoosiisye amasambwa okusooka ku‑bhaanu kw‑isiina ryawo? Nichikora wone ebhiruguusyo bhyafu kw‑isiina ryawo?’

Mariko 14:8

Omugasi unu aakora omusango gunu ari ˆnaatura okukora. Atangata okubhambaga omubhiri gwani amafuta ganu, okunyiraabha orusuku rwa okusiikwa kwani.

Mariko 16:17

Abhaanu bhanu bheekirisiisye, abhaja okukora ebhibharikisyo bhinu, bharibhaga nibhasoosya amasambwa ku‑bhaanu kw‑isiina ryani na okwayika mu‑nyaayika inyaaya.

Yowana 19:19

Piraato ˆnaaragirira ati jikaamwe emisango ku‑kabhaawu na akabhaawu ako katuurwe inguru ya omusarabha gwa Yeesu. Emisango ejo jaariga jikaamirwe ati, “unu ni yeesu wa najareeti, omukama wa abhayawudi.”

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Ebikorwa 16:18

ˆNaakora kutyo bhuri rusuku, okukingira Pawuro ˆnaabhiyirwa muno. Ku‑bhuteero, ˆnaaringira omugayagasi oyo, ˆnaagonya risambwa rinu ryariga rimuri‑ko ati, “Enikugonya kw‑isiina rya Yeesu Kirisito, sooka ku‑muyarakaji unu!” Awoawo risambwa eryo nirimusooka‑ko.

Ebikorwa 2:22

Peetero ˆnaagenderera okwayika ati, “Emwe abhaanu bha Yisirayeeri, muntegeresye kisi! Nyamuwanga ꞉eeresiisye abhweru kw‑imwe ati Yeesu Omunajareeti ni wa echimari. ꞉Aakorere kutyo, ku‑njira ya ebhikorwa bhya obhuturo, ebhiruguusyo na ebhibharikisyo bhya mbaga nyafunyafu bhinu Nyamuwanga ꞉aamuyaaye amanaga okukora agati yeemwe. Ejo emwe abheene mujimenyere.

Ebikorwa 2:36

Peetero ˆnaamariisya kwa okwayika ati, “Kurwa ejo, Abhayisirayeeri bhoone ni bhusibhusi bhamenye echimari ati, Nyamuwanga akorere Yeesu okubha Raatabhugenyi na Kirisito. Oyo, niwe emwe ꞉mwabhambire ku‑musarabha!”

Ebikorwa 3:16

“Omumenya kisi omuunu unu omurora anu kutyo aariga aremaaye. Omwene aawosibhwa kwa okwikirisya Yeesu. Risiina rya Yeesu eryo na eriikirisya ku‑mwene, niyo isonga aabhona obhuwanga imbere yeemwe.

Ebikorwa 3:5

ˆNaabharingira, enu atendesiisye ati, bhari na echiinu cha okumuyaana.

Ebikorwa 3:7

Awoawo Peetero ˆnaagwata omuunu oyo okubhoko kwa ebhuryo ˆnaamwimereegusyu. Awoawo, ebhisugunyu bhya amaguru gaaye nibhibhona amanaga.

Ebikorwa 4:10

emwe bhoone aamwi na Abhayisirayeeri abhandi bhoone, enikena mumenye echimari ati, unu eemereeguuyu imbere yeemwe ni muwanga, kwa obhuturo bhwa risiina rya Yeesu Kirisito Omunajareeti, unu emwe ꞉mwabhambire ku‑musarabha, nawe Nyamuwanga ꞉aamusuuruuye okusooka mu‑bhafuuwe.

Ebikorwa 4:7

Nibharagirira Peetero na Yowana bhareetwe, nibhabheemereegusyu imbere yeebhwe mw‑ibharaja, nibhabhabhuusya ati, “Ejo mukorere, mujikorere kwa obhuturo ki, amwi kw‑isiina rya ga?”

Ebikorwa 9:34

Peetero ˆnaamubhwira ati, “Ayineeya, Yeesu Kirisito aakuwosya. Iimuka! Funya riraro ryawo.” Awoawo Ayineeya ˆneemereeguru!

1 Bakorinto 4:11

Noorwo woori kutya, chiri na omweko na obhwiro bhwa amanji, echiyenga tuyu, echibhumwa ebhifuufi, ka wone chitari na obhwikaro.

2 Bakorinto 6:10

Ka wone echibhonekana wuti chisurumbaaye, nawe echikondererwa omwanya gwone. Echibhonekana wuti chiri bhataka, nawe chiniibhiisye bhaafu. Echibhonekana wuti chitari na echiinu choonechoone, nawe chiri na ebhiinu bhyone.

2 Bakorinto 8:12

Araabha omuunu ari na omwoyo gwa okusakira, Nyamuwanga kaaramira bhuri chiinu chinu omuunu kaasoosya okuruubhana na bhinu ari nabhyo. Nyamuwanga atakutonga echiinu chinu omuunu atari nacho.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

1 Petero 4:10

Bhuri umwi weeswe ayaaywe echiyaanwa okusooka ku‑Nyamuwanga, korereki asakire abheejaabho. Kaakenwa okuchikorera emirimu kisi, rwa omwangarisi wa ekisi wa obhwitiriranya bhwa bhuri mbaga bhwa Nyamuwanga.