Ebikorwa 3:23 - Indagano Inyaaya mu-Chijita

²³ Omuunu woonewoone unu ataritegeresya omuragi oyo, arikindikwa akajaanende okusooka ku‑bhaanu bha Nyamuwanga.’

INDAGANO INYA:YA

²³ Mbe, mu:nu wo:ne unu atarimungwa omuragi oyo, arisimagisibwa no kwaurwa mu ba:nu bae.

Ebikorwa 3:23 ပူးပေါင်းရင်းမြစ်များ

Mariko 16:16

Omuunu woonewoone unu anyikirisiisye na okubhatiijibhwa, arichungurwa. Nawe, omuunu woonewoone unu aremere okunyikirisya, ariramurwa.

Yowana 12:48

Omuunu woonewoone unu kaandema anye aamwi na emisango jaani, ari‑wo unu arimuramura. Emisango jinu enaayika nijo jirimuramura ku‑rusuku rwa obhuteero.

Yowana 8:24

Nikwo okukora naabhabhwira ati, murifwa ku‑songa ya ebhibhiibhi bhyemwe. Mbe, araabha mutakwikirisya ati, ‘Anye Niwe,’ murifwa ku‑songa ya ebhibhiibhi bhyemwe.”

Ebikorwa 2:41

Abhaanu wuti bhiwumbi bhisatu (3,000) nibheekirisya emisango ja Peetero, nibhabhatiijibhwa, nibhoongesibhwa ku‑chise cha abheekirisya abhandi bha Yeesu orusuku orwo.

Baeburania 10:39

Mbe, eswe chitari rwa abhaanu bhanu abhasiga okuruubha Nyamuwanga, nibhasingaarika. Tari chiri aamwi na bhanu abhamwikirisya, nibhachunguka.

Baeburania 12:25

Kurwa ejo, mutegeresyega unu kaayika na emwe. Abhayisirayeeri ꞉bhateerukire ebhitiibha omwanya gunu ꞉bhaaremere okutegeresya Muusa bhunu ꞉aabhakengiisye. Mbe woori, eswe echitura kutiki okwiruka ebhitiibha araabha echirema okutegeresya Nyamuwanga omwanya gunu kaachikengya okusooka mu‑rwire?

Baeburania 2:3

Araabha ꞉jaakorekeene kutyo ku‑bheene, angu, eswe chiritura kutiki okuwona okuyaanwa ebhitiibha, chikabha chitakwigana obhuchungusi obhunene rwa bhunu chibhwene? Raatabhugenyi Yeesu niwe ꞉aambire okuraasya obhuchungusi obhwo, na abhaanu bhanu bhaariga nibhamutegeresya wone nibhachibhwira ati, omusango gwa obhuchungusi ogwo ni gwa echimari.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 20:15

Omuunu woonewoone unu risiina ryaye ryariga ritakaamirwe mu‑chitabho cha obhuwanga, oyo wone ꞉eeserwe mu‑nyanja ya omuriro.