Ebikorwa 3:19 - Indagano Inyaaya mu-Chijita

¹⁹ Kurwa ejo, mute chimwi ebhibhiibhi bhyemwe na muyindukire Nyamuwanga, korereki abhafwire echigongo. Nikwo kutyo Nyamuwanga aribhasimbiisya emwe, ku‑njira ya okubha ayeeyi na emwe,

INDAGANO INYA:YA

¹⁹ Mbe nimute mucu:ke, ebibi:bi byemwe korereki bisimibwe, amagoro go kufuŋama gaje okuso:ka imbere ya Ratabugenyi.

Ebikorwa 3:19 ပူးပေါင်းရင်းမြစ်များ

Matayo 13:15

Jiribha kutyo, kwa okubha emyoyo ja abhaanu bhanu jikomeeye, amatwi geebhwe gari na jisibhirira, ameeso geebhwe bhagawongeresiisye. Bhatakwenda ameeso geebhwe garore, noorwo amatwi geebhwe goongwe, amwi ati, emyoyo jeebhwe jisombookerwe, bhaasiga okunyindukira nimbachungura.’”

Matayo 18:3

ˆNaabhabhwira ati, “Ni chimari enibhabhwira ati, araabha mukarema okuyinduka na okubha rwa abhaana abharera, mutaringira mu‑bhukama bhwa mu‑rwire noorwo na akatyari.

Ruuka 1:16

Arisubhya Abhayisirayeeri bhaafu ku‑Nyamuwanga, Raatabhugenyi weebhwe.

Ruuka 22:57

Nawe Peetero ˆneegaana, ˆnaayika ati, “Mugasi awe, anye nitakumumenya!”

Ebikorwa 1:6

Ku‑mwanya gunu jitumwa ejo bhaariga bhari aamwi na Yeesu, ꞉bhaamubhuusiisye ati, “Raatabhugenyi, omwanya gunu nigwo owuja okusubhisya Abhayisirayeeri obhukama bhwebhwe?”

Ebikorwa 11:18

Omwanya gunu Abhayawudi abho ꞉bhoonguuwe ejo, nibhasiga okubhambasyanya nage. Nibhakusya Nyamuwanga nibhaayika ati, “Mbe, Nyamuwanga aayaana abhaanu bhanu bhatari Bhayawudi wone obhuwanga bhwa akajaanende mu‑kuta ebhibhiibhi bhyebhwe!”

Ebikorwa 11:21

Obhuturo bhwa Raatabhugenyi bhwariga bhuri aamwi nabho, abhaanu bhaafu nibheekirisya nibhayindukira Raatabhugenyi Yeesu.

Ebikorwa 15:3

Abheekirisya abho nibhabharaga, ka wone nibhayaana Pawuro na abheejaabho abho ebhiinu bhyebhwe bhya bhusibhusi. Niwo bha Pawuro nibheemuka, nibhatura mu‑mikoowa ja Foyeenike na Samaariya, nibhabhwiraga abhaanu kutyo abhaanu bhanu bhatari Bhayawudi wone abheekirisya Yeesu. Omusango ogwo nigukondera muno abheekirisya abheejaabho bhoone bheende‑yo.

Ebikorwa 17:26

꞉Aabhumbire abhaanu bha amaanga goone okusooka ku‑muunu umwi, korereki bheekare mu‑chaaro choone. ꞉Aabhatereeye‑wo na omwanya gwa okwikara okusookerera kara, nyabhuriko ꞉aabhatereeye‑wo na jimbibhi anu abhaja okwikara.

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Ebikorwa 28:27

Jiribha kutyo, kwa okubha emyoyo ja abhaanu bhanu jikomeeye, amatwi geebhwe gari na jisibhirira, ameeso geebhwe bhagawongeresiisye. Bhatakwenda ameeso geebhwe garore, noorwo amatwi geebhwe goongwe, amwi ati, emyoyo jeebhwe jisombookerwe, bhaasiga okunyindukira nimbachungura.’”

Ebikorwa 3:20

na arituma Yeesu kw‑imwe. Omwene niwe Kirisito, Omuchungusi unu Nyamuwanga ꞉aamusorere ku‑songa yeemwe okusookerera ku‑bhwambiro.

Ebikorwa 3:21

Ni bhusibhusi Yeesu asigare mu‑rwire okukingira omwanya gunu Nyamuwanga arikora ebhiinu bhyone okubha bhiyaaya ku‑chaaro, rwa kutyo ꞉aayikire okusookerera kara okutura ku‑bharagi bhaaye abheeru.

Barumi 11:25

Abhayiri bhaani, eneenda mumenye inguru ya obhutinge bhwa imbisike ya Nyamuwanga bhunu ꞉bhwabhisirwe kara, korereki mwasiga okwirora ati muri bheengeeso muno. Mumenye ati ni Bhayisirayeeri bharebhe abha emyoyo emikomeeye, bhanu bharigenderera okukingira omwanya gunu Nyamuwanga ariikirisya ati obhukumi bhwa abhaanu bhanu bhatari Bhayisirayeeri okuramira obhuchungusi bhwakuumira.

2 Batesalonika 1:10

Indamu eyo, irikorekana orusuku runu Raatabhugenyi ariija. Ariija korereki abheeru bhaaye bhoone bhanu bhamwikirisiisye, bhamukusye na okumuyaana echibharo. Emwe wone muribha agati yeebhwe, kwa okubha mwikirisiisye emisango jinu ꞉chaabhabhwiriiye.

2 Batesalonika 1:7

niwo aribhafungʼamya emwe na eswe okusooka mu‑bhinyaasyo. Arikora kutyo, bhunu Raatabhugenyi Yeesu arisubha rindi okusooka mu‑rwire, ari aamwi na bhamaraayika bhaaye abha obhuturo bhwafu,

2 Timoteo 2:25

Eenderwe abhe ˆnaatongeraga kwa obhworooro abhaanu bhanu abhabhambasyanya nage, ˆneeyikanyaga ati Nyamuwanga kaatura okukora bhate na okumenya echimari.

Baeburania 4:1

Mbe, omurago gwa Nyamuwanga gwa abhaanu okwingira orubhaara rwa okwisya omwoyo guchaari aryaarya. Kurwa ejo chiyangarirega, korereki aasiga okubha‑wo omuunu woonewoone agati yeemwe unu aritaamibhwa okwingira mu‑rubhaara orwo.

1 Petero 2:25

Okubha mwariga muri rwa jinaama jinu jibhurire, nawe woori, mwasubhire ku‑Mureefi na ku‑Mwangarisi wa emyoyo jeemwe.

2 Petero 3:8

Nawe, abheendwa bhaani, mwasiga okurabhirwa omusango gunu ati, ku‑Raatabhugenyi, orusuku rumwi ruri rwa emiguuga chiwumbi na emiguuga chiwumbi ku‑mwene jiri rwa rusuku rumwi era.

Obhusweruro 21:4

Aryeya amasiga geebhwe goone. Abhaanu bhatarifwa rindi noorwo okusurumbara. Bhataririra noorwo bhatarirwara, okubha emisango ja kara ejo jaaturire.”