Ebikorwa 3:17 - Indagano Inyaaya mu-Chijita

¹⁷ “Woori abhayiri bhaasu, joone jinu ꞉mwakoreeye Yeesu, emwe na abhakuru bheemwe, nimenyere ati, ꞉mwajikorere mutamenyere.

INDAGANO INYA:YA

¹⁷ Mbe woryanu, ba:na ba:su, nimenyere ati, mwakorere ebyo mu butamenya, na bakuru bemwe one bakorere kutyo.

Ebikorwa 3:17 ပူးပေါင်းရင်းမြစ်များ

Ruuka 23:13

Omwanya omurebhe, Piraato ˆnaakumanya abhakuru bha abhagabhisi na abhatangasya bha Abhayawudi aamwi na abhaanu bha mu‑musi.

Ruuka 23:34

Yeesu ˆnaayika ati, “Raata! Bhafwire echigongo, kwa okubha bhatakumenya gunu abhakora.” Abhasirikare abho bhejire bhaamara, nibhagabhana emyenda jaaye kwa okwitongya.

Yowana 15:21

Nawe abhaja okubhakorera joone ejo kwa okubha omunduubha, ka wone kwa okubha bhatakumenya unu antumire.

Yowana 16:3

Bharibhakorera emisango ejo, kwa okubha bhatakumenya Raata, noorwo anye wone bhatakummenya.

Yowana 7:52

Abheene nibhasubhya Nikodeemu ati, “Si, noorwo awe wone usookere Gariraaya? Genda utatirisye kisi mu‑Bhikaame Ebhyeru, owuja okusombookerwa ati, atari‑wo omuragi unu kaasookerera mu‑mukoowa gwa Gariraaya.”

Ebikorwa 13:27

Okubha abhaanu bha Yerusareemu na abhakuru bheebhwe ꞉bhataamenyere ati Yeesu niwe Omuchungusi, nibhamuramura eetwe. Kwa okukora kutyo, ꞉bhaakuumisiisye emisango jinu jikaamirwe inguru yaaye mu‑bhitabho bhya abharagi, na nijo jaasomwaga bhuri rusuku rwa Isabhaato.

Ebikorwa 22:5

Jinu enibhabhwira, noorwo omugabhisi omukuru aamwi na abhakuru bha Abhayawudi bhoone abhatura okujiikirisya ati ni ja echimari. Abheene nibho ꞉bhaanaaye jinyarubha ja okusirira Abhayawudi abhakuru bhanu bhaariga bhari Damaasiko. Niniimuka korereki nigende eyo, nibhoye abheekirisya bheende‑yo na nibhareete Yerusareemu anu, korereki bhabhumwe.

Ebikorwa 26:9

“Chimari, anye omwene naaroraga mu‑mutima gwani ati yaariga iri bhusibhusi nikore emisango myafu, korereki okuyaajana na risiina rya Yeesu Omunajareeti.

Ebikorwa 28:21

Abhakuru bha Abhayawudi nibhamusubhya nibhaayikaga ati, “Eswe, chichaari okuramira inyarubha yooneyoone okusooka Yuudeya inguru yaawo. Ka wone atari‑wo woonewoone unu ꞉eejire anu okuchibhwira noorwo okwayika omusango omubhiibhi inguru yaawo.

Ebikorwa 7:40

Nibhabhwira Aruuni ati, ‘Nuuchikonjere amasusano ganu agaja okuchitangasya ku‑njira. Okubha Muusa unu aariga ˆnaachitangasya okusooka mu‑chaaro cha Miisiri, chitakumenya emisango jinu jaamubhona eyo!’

Barumi 11:2

Nyamuwanga ataremere abhaanu bhaaye bhanu ꞉aabhamenyere noorwo echaaro chichaari okubhumbwa. Amwi mutakumenya chinu Ebhikaame Ebhyeru ebhyayika inguru ya omuragi Yeeriya? Omwanya gunu ꞉aajujuumiiye Nyamuwanga inguru ya Abhayisirayeeri, ꞉aayikire ati,

1 Bakorinto 2:8

Atari‑wo noorwo umwi mu‑bhatungi bha echaaro chinu unu ꞉aasombookeeywe obhwengeeso obhwo, kwa okubha bhakabheeye bhasombookeeywe, ꞉bhataakabhumiiriiye ku‑musarabha Raatabhugenyi wa okukuuyibhwa.

2 Bakorinto 3:14

Nawe emyoyo jeebhwe nijikorwa okubha emikomeeye. Noorwo woori bhaakasoma Indagano ya Kara, abhataamibhwa okusombookerwa echimari, abhabha wuti bhayingirisiibhwe na echitambaara chirya. Echitambaara chirya chichaari kusoosibhwa‑wo, kwa okubha echisoosibhwa‑wo era, omwanya gunu omuunu keekirisya Kirisito.

Baefeso 4:18

Obhusombookerwa bhwebhwe bhuri‑mo echisuute, bhakindikirwe kura okusooka ku‑bhuwanga bhwa Nyamuwanga, ku‑songa ya obhumuumu bhunu bhubhari‑mo okuruubhana na obhukomeeye bhwa emyoyo jeebhwe.

Bafilipi 1:22

Nawe nikagenderera okwikara ku‑chaaro kunu, nirigenderera okurora amatwasyo ga emirimu jinu enikora. Woori nitakumenya ati niitoore omusango ki!

1 Timoteo 1:13

noorwo kutyo ku‑bhwambiro naamufumaga na okunyaasya abhaanu bhaaye, naariga niri murakoko. Nawe, omwene ꞉aanfwiriiye echigongo, kwa okubha naariga ninkora ejo mu‑bhumuumu na naariga nitari na eriikirisya.