Ebikorwa 3:14 - Indagano Inyaaya mu-Chijita

¹⁴ Yeesu aariga ari mweru na omurengeresi, nawe emwe ꞉mwamuremere, nimusabhwa Piraato ati, omwiti asuruumurwe.

INDAGANO INYA:YA

¹⁴ Nawe emwe mwega:nire Oyo Mweru no Murengeresi, nimwenda okusurumurirwa omwiti,

Ebikorwa 3:14 ပူးပေါင်းရင်းမြစ်များ

Matayo 27:20

Nawe abhakuru bha abhagabhisi na abhakuru bha Abhayawudi nibhakongya abhaanu ati bhasabhwe Piraato abheegurire Bharaabha na aramure ati Yeesu eetwe.

Mariko 1:24

ˆnaayikaga ati, “Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”

Mariko 15:11

Niwo abhakuru bha abhagabhisi nibhakungirisya echise cha abhaanu bharya ati, bhasabhwe Piraato abheegurire Bharaabha, aasiga okubheegurira Yeesu, nibhamusabhwa kutyo.

Mariko 15:7

Ku‑mwanya ogwo mw‑ibhoyero omwo bhaariga bhari‑mo abhaanu bhanu ꞉bhaakorere obhugaramusi, na obhugaramusi bhwebhwe ꞉bhwareetereeye obhwiti. Owumwi wa abheeti abho aariga ˆnaatogwa Bharaabha.

Ruuka 1:35

Maraayika oyo ˆnaamusubhya ati, “Mwoyo Mweru arikwikira na obhuturo bhwa unu ari Inguru ya Bhyone bhurikwijira inguru yaawo rwa rirengesi. Kurwa ejo, omwana unu uriibhura, aribha musorwa. Aribha ˆnaabhirikirwa ati, ni Mwana wa Nyamuwanga.

Ruuka 23:25

ˆNeegurira Bharaabha unu aariga abhoyerwe inguru ya okukora injogere na okwita. ˆNaatuura Yeesu mu‑mabhoko geebhwe, korereki bhamukorere rwa kutyo bheendaga.

Yowana 16:10

Aribheeresya ati anye niri murengeresi, kwa okubha enigenda ku‑Raata na mutarindora rindi.

Yowana 18:40

Nawe abhaanu bhoone nibhamwaya nibhaayikaga ati, “Unu wuri! Tari nuuchiigurire Bharaabha.” Bharaabha aariga abhoyerwe mw‑ibhoyero inguru ya okwenda okugaramura obhutungi bhwa Abharuumi.

Ebikorwa 13:28

Abhaanu ꞉bhataabhwene isonga yooneyoone ya rirenga okuramura Yeesu eetwe, noorwo kutyo nibhasabhwa Piraato kwa amanaga ati, eetwe.

Ebikorwa 2:27

kwa okubha utarinsiga nyombe. Ka wone utariikirisya ati, omubhiri gwani gubhorere eyo, anye Omweru waawo.

Ebikorwa 22:14

“ˆNaagenderera okumbwira ati, ‘Nyamuwanga wa bhasaaja weeswe akusorere, korereki umenye okwenda kwaye, urore Omurengeresi waaye na okuungwa obhuraka bhwaye omwene.

Ebikorwa 4:27

“Okubha ni chimari ati mu‑musi gunu Yeroode Atipaasi na Pootiyo Piraato ꞉bhaabhugeene aamwi na abhaanu bhanu bhatari Bhayawudi na Abhayisirayeeri, korereki bhareme Yeesu, omukosi waawo omweru unu ꞉waasorere abhe Kirisito.

Ebikorwa 5:28

“꞉Chaabhagaanyiisye kwa amanaga ati musige okwiyigisya abhaanu inguru ya risiina rya omuunu oyo! Nawe emwe omugenderera okwiyigisya abhaanu emisango jaaye mbaara joone ja Yerusareemu, ka wone mukarariiye okureeta isagama ya omuunu oyo inguru yeeswe!”

Ebikorwa 7:52

Angu, ari‑wo omuragi noorwo umwi unu ꞉ataanyaasiibhwe? ꞉Bheetire na abharagi bhanu bhaaraasyaga kara, okuuja kwa Omurengeresi wa Nyamuwanga! Ka oyo niwe emwe ꞉mwaromeeye iniku, ka wone nimumwita!

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Yakobo 5:6

꞉Mwaramuuye na okwita abhaanu abharengeresi, bhanu bhaariga bhatakuyaajana na emwe.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

1 Yoana 2:1

Emwe abhaana bhaani mu‑riikirisya, nibhakaamiiye emisango ejo, korereki musige okukora ebhibhiibhi. Nawe araabha omuunu woonewoone aakakora ebhibhiibhi, chiri na omubhagisi ku‑Raata Nyamuwanga. Omubhagisi oyo niwe Yeesu Kirisito, omurengeresi.

Obhusweruro 3:7

“Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!