Ebikorwa 3:1 - Indagano Inyaaya mu-Chijita

¹ Rusuku rumwi, Peetero na Yowana bhaariga nibhagenda mw‑Iyekaru saa etaanu na ena mu‑mwisi. Ogwo nigwo gwariga guri mwanya gwa okusabhwa Nyamuwanga.

INDAGANO INYA:YA

¹ Mbe Petero na Yoana nibarinyagisya mu yekaru mu saa yo kusabwa, niyo saa eta:nu ne:na.

Ebikorwa 3:1 ပူးပေါင်းရင်းမြစ်များ

Matayo 17:1

Jejire jaatura siku etaanu na rumwi, Yeesu ˆnaagega Peetero, Yakobho na Yowana omumura waabho. ˆNaariinya nabho ku‑chiima echireera muno, anu abhaanu bhaariga bhatari.

Matayo 26:37

ˆNaagega Peetero aamwi na abhamura bhabhiri bha Jebhedaayo. ˆNaamba okusurumbara na okunyaaka muno mu‑mwoyo gwaye.

Matayo 27:45

Mbe, okwambira saa etaanu na imwi mu‑mwisi, echisuute nichiingira ku‑chaaro choone okukingira saa etaanu na ena.

Ruuka 1:10

Omwanya gwa okwotera obhubhaani obhwo, abhaanu bhaafu bhaariga nibheekofyanya anja, nibhasabhwaga Nyamuwanga.

Ruuka 18:10

“Rusuku rumwi, abhaanu bhabhiri ꞉bhaariinyire okugenda mw‑Iyekaru rya Nyamuwanga okumusabhwa. Owumwi aariga ari Mufarisaayo, na owundi aariga ari mutobhesya wa rigooti.

Ruuka 22:8

Yeesu ˆnaatuma Peetero na Yowana, ˆnaabhabhwira ati, “Mugende muchiiraabhire ebhiryo bhya Okwambuka, korereki chiije chibhirye bhoone aamwi.”

Ruuka 24:53

Mbe, nibhabha mw‑Iyekaru rya Nyamuwanga nibhamukusyaga bhuri rusuku.

Yowana 21:7

Omwiyigisibhwa unu Yeesu aariga eendere muno, ˆnaabhwira Peetero ati, “Ni Raatabhugenyi!” Simooni Peetero ejire oongwa ati ni Raatabhugenyi, ˆnaafwara omwenda gwaye gunu ꞉aafuurire omwanya gunu ꞉aambire okutega, ˆneeyesa mu‑nyanja.

Ebikorwa 10:3

Rusuku rumwi wuti saa etaanu na ena mu‑mwisi, Koroneeriyo ˆnaarora ebhiroro. Mu‑bhiroro ebhyo, ꞉aarorere abhwerubhweru maraayika wa Nyamuwanga ˆnaamusoromokera. Maraayika oyo ˆnaamubhirikira ati, “Koroneeriyo!”

Ebikorwa 10:30

Koroneeriyo ˆnaamubhwira ati, “Jisiku esatu jinu jiyitingʼeene, omwanya gwa saa etaanu na ena mu‑mwisi, naariga niri mu‑nju ninsabhwaga Nyamuwanga. Awo nindora omuunu eemereeguuyu imbere yaani afwaye emyenda jinu ejingʼarabhya.

Ebikorwa 2:46

Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,

Ebikorwa 3:3

Omuunu oyo ejire aarora Peetero na Yowana nibharebherera okwingira mu‑rubhuga rwa Riyekaru, ˆnaabhasabhwa bhamuyaane jipirya.

Ebikorwa 3:4

Awo Peetero na Yowana nibhamuroreerera nekeneke, ejire eeya, Peetero ˆnaamubhwira ati, “Nuuchiringire!”

Ebikorwa 4:13

Abhakuru abho bhejire bhaarora Peetero na Yowana kutyo abharoma kwa ribhaasi, enu bhabhamenyere ati ni bhaanu bhanu bhatasomere na bhatari na obhwengeeso, nibharuguura muno. Nibheeya nibhasombookerwa ati Peetero na Yowana bhaariga bhari aamwi na Yeesu.

Ebikorwa 5:25

Awo ˆnaaja omuunu umwi, ˆnaabhabhwira ati, “Muntegeresye! Abhaanu bhanu ꞉mweegariiye mw‑ibhoyero, woori kutya bhari mu‑rubhuga rwa Riyekaru! Abheeyigisya abhaanu omwo.”

Ebikorwa 8:14

Yerusareemu erya, jitumwa bhejire bhoongwa ati abhaanu bha Samaariya bheekirisya omusango gwa Nyamuwanga, nibhatuma Peetero na Yowana bhabhaje‑ko.

Bagalatia 2:9

Mbe Yakobho, Peetero na Yowana, nibho bhaariga bhari abhatangasya abhakuru, nibhasombookerwa ati Nyamuwanga niwe ꞉aanaaye emirimu jinu ku‑bhwitiriranya bhwaye. Kurwa ejo, nibhachiyaana amabhoko, anye na Bharinaabha rwa echibharikisyo cha obhusangi. ꞉Cheekirisyanyiisye nabho ati eswe chigende okukora emirimu ku‑bhanu bhatari Bhayawudi, na abheene bhakore emirimu ku‑Bhayawudi.