Ebikorwa 28:8 - Indagano Inyaaya mu-Chijita

⁸ Omwanya ogwo, esemwene Pubhuriiyo aariga amaamire ku‑bhuriri, ari na omuswija na ˆnaasayaga isagama. Pawuro ˆneengira okumurooja, ˆnaamusabhirwa ku‑Nyamuwanga, ˆnaatuura amabhoko gaaye ku‑murwaye, ˆnaamuwosya.

INDAGANO INYA:YA

⁸ Mbe, esemwene Pubilio ariga ama:mire arwae ebiri nasaya manyinga. Paulo nengira munu ariga:ri, nasabwa, namutako amaboko, namuosya.

Ebikorwa 28:8 ပူးပေါင်းရင်းမြစ်များ

Matayo 10:1

Neeya, Yeesu ˆnaabhirikira abheeyigisibhwa bhaaye ekumi na bhabhiri, ˆnaabhayaana obhuturo bhwa okusoosya‑ko amasambwa na obhwa okuwosya abhaanu abha amarwara ga bhuri mbaga.

Matayo 10:8

Muwosyega abharwaye, musuururega abhafuuwe, mwesyega abhagenge na musoosyege‑ko amasambwa okusooka mu‑bhaanu. Muyaaywe obhuturo obhwo kutyo era, woori emwe wone, musakirega kutyo era.

Matayo 12:13

Neeya Yeesu ˆnaabhwira omuunu unu okubhoko kwaye kwariga kufuuwe ati, “Gorora okubhoko kwawo.” Omuunu oyo, ˆnaakugorora, awoawo ˆnaawora, nikubha rwa okundi kurya.

Matayo 9:18

Omwanya gunu Yeesu aariga achaayika emisango ejo, ˆnaaja omukuru umwi wa inju ya eriikofyanyo, ˆneefukama imbere yaaye, ˆnaamubhwira ati, “Omuyaasya waani, kaamara okufwa woori anu! Enisabhwa chigende, umuteere‑ko okubhoko kwawo, omwoyo oguja okumusubha‑mo rindi.”

Mariko 16:18

Noorwo araabha bhakagwata injoka, amwi bhaakanywa echiinu choonechoone chinu echiita, chitaribhasingaarisya. Bharibhaga nibhatuura amabhoko geebhwe ku‑bharwaye, bhoone bhariwora.”

Mariko 5:23

ˆnaamwirembeeresya muno ˆnaayikaga ati, “Omuyaasya waani ni murwaye, ari yeeyi okufwa. Enikusabhwa chigende, umuteere‑ko amabhoko gaawo, korereki awosibhwe na abhe muwanga.”

Mariko 6:5

Kurwa ejo, Yeesu ꞉ataaturire okukora ebhiruguusyo bhyafu eyo, tari ꞉aateereeye‑ko mabhoko abharwaye bhatooto era, ˆnaabhawosya.

Mariko 7:32

Dekapoori awo aariga ari‑wo omusibhi wa amatwi na ari na obhujoojo. Abhaanu abharebhe nibhamureeta ku‑Yeesu, nibheerembeeresya Yeesu amuteere‑ko amabhoko, amuwosye.

Ruuka 13:13

Yeesu ˆnaamutuura‑ko amabhoko, niwo ˆneemereeguru eemire chorwechorwe, ˆnaamba okukuuya Nyamuwanga.

Ruuka 4:40

Mbe, risuubha ryejire ryatubhira, orusuku rwa Isabhaato niruyitingʼana. Abhaanu nibhareetera Yeesu abharwaye bheebhwe bhanu bhaariga bhari na amarwara ga mbaga nyafunyafu. Yeesu ˆnaatuura amabhoko gaaye ku‑bharwaye abho, ˆnaabhawosya bhoone.

Ebikorwa 28:7

Ayeeyi na anu ꞉chaasikiriiye ryariga riri‑wo risambu rya omukuru wa risinga eryo, unu aatogwaga ati Pubhuriiyo. Omuunu oyo ˆnaachikuma kisi ewaaye, nichimara siku esatu awo.

Ebikorwa 28:9

Okuruubhana na echikorwa echo, abharwaye abhandi bhoone kw‑isinga okwo, nibhaaja ku‑Pawuro, ˆnaabhawosya wone.

Ebikorwa 9:40

Peetero ˆnaabhawurusya anja bhoone bhanu bhaariga bhari mu‑chisago omwo, ˆneefukama, ˆnaasabhwa Nyamuwanga. Niwo ˆnaayindukira omutumbi gurya, ˆnaayika ati, “Tabhiija, imereeguru!” Tabhiija ˆnaafumbura ameeso gaaye, ejire aarora Peetero, ˆneemuka ˆneenyanja.

1 Bakorinto 12:28

Nyamuwanga ateeye mw‑ikanisa, bha okwamba jitumwa, bha kabhiri abharagi, bha kasatu abheeyigisya. Wone ateeye bhanu abhakora ebhiruguusyo, bhanu bhari na echiyaanwa cha okuwosya abharwaye, bhanu bhari na echiyaanwa cha okusakira abhandi, bhanu bhari na echiyaanwa cha okutangasya, na bhanu bhari na echiyaanwa cha okwayika jinyaayika jingenyi.

1 Bakorinto 12:9

Mwoyo oyooyo kaayaana owundi echiyaanwa cha okubha na eriikirisya enene, owundi echiyaanwa cha okuwosya,