Ebikorwa 28:4 - Indagano Inyaaya mu-Chijita

⁴ Abhaanu abho bhejire bhaarora ati injoka yiineenere ku‑kubhoko kwa Pawuro, nibhabhwirana ati, “Jiri ku‑bhweru ati omuunu unu ni mwiti. Noorwo kutyo aawona mu‑nyanja, Rirenga, risambwa ryeswe rinu eriramura abhakayi, ritakumusiga agenderere okubha omuwanga.”

INDAGANO INYA:YA

⁴ Abe:nengo abo wejire barora injoka ye:nenere ku kuboko, niba:ikana abene:ra ati, Ni cimari omu:nu unu ni mwiti, norwo kutyo aona mu nyanja, orusima rutakumusiga abe muanga.

Ebikorwa 28:4 ပူးပေါင်းရင်းမြစ်များ

Matayo 23:35

Kurwa ejo, Nyamuwanga aribharamura emwe ku‑songa ya okwita abhaanu abharengeresi bhoone. ꞉Mwakorere kutyo, okwambira omwanya gunu Kayini ꞉eetire Abheeri unu aariga atari na esoro ryoneryone, okukingira okwitwa kwa Jaakariya, omwana wa Bharaakiya, unu ꞉eetiiywe mw‑Iyekaru agatigati ya inju ingʼuru ya Nyamuwanga na echigabhiro.

Matayo 27:25

Abhaanu bhoone nibhamusubhya ati, “Echikayo cha okwitwa kwa Yeesu chibhe kw‑iswe na ku‑bhaana bheeswe!”

Ruuka 13:2

Yeesu ˆnaabhabhwira ati, “Angu, omwitogera ati, Abhagariraaya abho, ꞉bhaafuuwe orufu rwa orwo kwa okubha abheene bhaariga bhari na ebhibhiibhi bhyafu okukira Abhagariraaya abhandi bhoone?

Ruuka 13:4

Amwi mwichuke abhaanu bharya ekumi na bhataanu na bhasatu, bhanu ꞉bhaagwiriiywe na obhutingo Sirowaamu erya, nibhafwa. Angu omwitogera ati, abheene bhaariga bhari na ebhibhiibhi bhyafu okukira abhaanu bhoone bhanu bhaariga bheekaaye Yerusareemu?

Yowana 7:24

Mwasiga okuramura omuunu okuruubhana na jinu omurora na ameeso era, tari muramure omuunu ku‑bhurengeresi.”

Ebikorwa 28:2

Abheenengo nibhachikorera eja ekisi muno. Okubha ꞉bhaachikumire kisi na okuchikumira omuriro, kwa okubha ingʼubha yaariga iguuye na chaariga nichuungwa imbewo muno.

Ebikorwa 28:3

Pawuro ˆnaakumanya jingʼwi. Omwanya gunu aariga ˆnaajituura mu‑muriro, injoka niisoromoka okusooka mu‑ngʼwi omwo inguru ya ribhirabhira rya omuriro. Niyiibhoyerera ku‑kubhoko kwaye.

Ebikorwa 28:5

Nawe Pawuro ˆnaakuukumurira injoka eyo mu‑muriro na ꞉yitaamuwutasiisye noorwo kutooto.

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”