Ebikorwa 28:2 - Indagano Inyaaya mu-Chijita

² Abheenengo nibhachikorera eja ekisi muno. Okubha ꞉bhaachikumire kisi na okuchikumira omuriro, kwa okubha ingʼubha yaariga iguuye na chaariga nichuungwa imbewo muno.

INDAGANO INYA:YA

² Abe:nengo abo nibacikorera obwira bwafu butakubonwa kusiku, okuba bakumire omuriro, nibacikuma bo:ne kurwa iŋuba na imbeo.

Ebikorwa 28:2 ပူးပေါင်းရင်းမြစ်များ

Matayo 10:42

Omuunu woonewoone unu kaayaana owumwi wa abheeyigisibhwa bhanu omutawo gwa amanji amanyiriiye ga okunywa, isonga iri ati, ni mwiyigisibhwa waani, ni chimari enibhabhwira ati, Nyamuwanga atarisiga okuyaana omuunu oyo, echiyaanwa chaaye.”

Yowana 18:18

Okubha omwanya ogwo yaariga iri‑wo imbewo, abhagaya na abhasirikare bha Riyekaru bharya bhaariga bheemereeguuyu anu bhaariga bhakumire echooto cha amakara, nibhabhiraga omuriro. Peetero wone aariga eemereeguuyu aamwi nabho, ˆnaabhiraga omuriro.

Ebikorwa 27:3

Mwejo yende‑ko, nichigobha ku‑njekekera ya omusi gwa Sidooni. Awo, Yuriyo ˆnaakorera Pawuro eja ekisi kwa okumwikirisisya abhugane na abhasaani bhaaye, korereki bhamusakire ku‑bhukene bhwaye.

Ebikorwa 28:3

Pawuro ˆnaakumanya jingʼwi. Omwanya gunu aariga ˆnaajituura mu‑muriro, injoka niisoromoka okusooka mu‑ngʼwi omwo inguru ya ribhirabhira rya omuriro. Niyiibhoyerera ku‑kubhoko kwaye.

Ebikorwa 28:4

Abhaanu abho bhejire bhaarora ati injoka yiineenere ku‑kubhoko kwa Pawuro, nibhabhwirana ati, “Jiri ku‑bhweru ati omuunu unu ni mwiti. Noorwo kutyo aawona mu‑nyanja, Rirenga, risambwa ryeswe rinu eriramura abhakayi, ritakumusiga agenderere okubha omuwanga.”

Barumi 1:14

Nyamuwanga andagirira nibhe nindaasya Emisango ja Ekisi ku‑bhaanu bhoone, ku‑Bhayunaani na ku‑bhanu bhatari Bhayunaani, ku‑bha obhwengeeso na ku‑bhanu bhatari bha obhwengeeso.

Barumi 14:1

Mukume omwikirisya oweejaanyu unu achaari kurumatana mu‑riikirisya ryaye. Mwasiga okubhambasyanya nage inguru ya obhwiganirisya bhwaye bhukataasyanya na obhwemwe.

Barumi 14:3

Omuunu unu kaarya choonechoone chirya, aasiga okugaya owundi unu kaarya emikubhi era. Omuunu unu kaarya emikubhi era, wone aasiga okuramura owundi unu kaarya choonechoone chirya, kwa okubha Nyamuwanga aamukuma rwa kutyo ari.

Barumi 2:27

Abhaanu bhanu bhatari Bhayawudi ꞉bhataatenderwe, nawe araabha abhakora rwa kutyo ebhiraagiro ebhiragirira, ebhikorwa bhyebhwe nibhyo ebhikusoosisya obhubhambaasi ati, awe Omuyawudi uri mukosi wa ebhibhiibhi. Uriramurwa, kwa okubha awe Omuyawudi utenderwe, ka wone owumenya ebhiraagiro bhya Nyamuwanga, nawe owubhinyamura.

1 Bakorinto 14:11

Woori, araabha nitakusombookerwa inyaayika inu owundi kaayika, enibha rwa omugenyi ku‑muunu oyo, omwene wone kaabha rwa omugenyi kw‑anye.

2 Bakorinto 11:27

Nikorere emirimu misito na okunyaaka, kwiya kaafu nitawongeeye, nisaraariiye na okuungwa obhwiro bhwa amanji, kwiya kaafu nibhurirwe ebhiryo, nuunguuwe imbewo keenu nitari na emyenda.

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

Baeburania 13:2

Ka wone mugenderere okukuma abhagenyi mu‑nju jeemwe, okubha ku‑njira eyo, abhaanu abhandi ꞉bhaakumire bhamaraayika wa Nyamuwanga okumenya wuri ati ni bhamaraayika.