Ebikorwa 27:42 - Indagano Inyaaya mu-Chijita

⁴² Abhasirikare nibhakora echiina okwita abhabhoywa bhoone, korereki bhaasiga okuwuga okuja ku‑chaaro na okwiruka.

INDAGANO INYA:YA

⁴² Abasirikare nibarwaja okwita ababoywa basiga kuuga bake:ruka.

Ebikorwa 27:42 ပူးပေါင်းရင်းမြစ်များ

Ebikorwa 12:19

Yeroode ˆnaaragirira abhasirikare bhaaye, bharonde Peetero, nawe ꞉ataabhonekeene. Kurwa ejo, ˆnaaragirira abhariisi bha Peetero bhabhuusirisibhwe. Neeya ˆnaasoosya echiragiriro ati bheetwe. Omwanya okutura Yeroode ꞉aasookere Yuudeya awo, ˆnaagenda mu‑musi gwa Kayisaariya, ˆneekara‑yo siku nooto.

Ebikorwa 27:24

ˆnaambwira ati, ‘Pawuro awe, waasiga okuubhaya. Okubha ni bhusibhusi wimereeguru imbere ya Kayisaari. Ka wone, abhaanu bhanu muri aamwi nabho mu‑rugendo, Nyamuwanga kaja okubhawonʼya okutura ku‑bhwitiriranya bhwaye kw‑awe.’

Ebikorwa 27:41

Nawe ingarabha eyo yejire yaafogera imbere kutooto, orurimi rwayo nirwiroyera kwa amanaga ku‑mukungu isige okusingisibhwa. Iseji yaayo niibhumwabhumwa na amakonjo kwa amanaga, niyamba okubhaaruka bhibhaarabhaara.

2 Bakorinto 11:26

Kwiya kaafu mu‑ngʼendo jaani, naariga niri mu‑ngʼanga ya okugegwa na emisima, mu‑ngʼanga ya okugwatwa na abhasaakusi, mu‑ngʼanga ya okusooka ku‑Bhayawudi bheejaasu na okusooka ku‑bhaanu bhanu bhatari Bhayawudi. Naariga niri mu‑ngʼanga mu‑misi, mu‑ngʼanga mw‑ibhara, na mu‑nyanja. Naariga niri mu‑ngʼanga ya okunyaasibhwa na bhanu abheekora wuti ni bheekirisya abheejaasu.