Ebikorwa 27:3 - Indagano Inyaaya mu-Chijita

³ Mwejo yende‑ko, nichigobha ku‑njekekera ya omusi gwa Sidooni. Awo, Yuriyo ˆnaakorera Pawuro eja ekisi kwa okumwikirisisya abhugane na abhasaani bhaaye, korereki bhamusakire ku‑bhukene bhwaye.

INDAGANO INYA:YA

³ Mwejo nicigoba Sidoni. Julio nakorera Paulo ebya kisi, namwikirisisya okugenda ku basa:ni bae bamwigane.

Ebikorwa 27:3 ပူးပေါင်းရင်းမြစ်များ

Matayo 11:21

“Jiribhabhona emwe abhaanu bha Korajiini! Jiribhabhona emwe abhaanu bha Bhetisaayida! Araabha ebhiruguusyo bhinu ꞉naakorere kw‑imwe anu, naakabhikorere ku‑bhaanu bha emisi ja Tiiro na Sidooni, chimari abhaanu abho, bhaakataaye ebhibhiibhi bhyebhwe. Bhaakakorere kutyo, kwa okufwara amagunira na okwibhambaga riifu.

Ebikorwa 12:20

Omukama Yeroode aariga abhiyiririwe muno abhaanu bha mu‑misi ja Tiiro na Sidooni. Abhaanu abho ꞉bheekirisyanyiisye aamwi, nibhatuma abhaanu ku‑Yeroode okusabhwa ati bhoongwane, bhabhe na omurembe, kwa okubha emisi jeebhwe jaabhonaga ebhiryo okusooka mu‑chaaro cha Yeroode. Abhaanu abho nibharembeja Bhurasito, unu aariga ari omwangarisi wa inju ya Yeroode, eekirisyanye nabho imbere ya Yeroode.

Ebikorwa 24:23

Niwo Feeriki ˆnaaragirira omwangarisi wa abhasirikare arinde Pawuro, nawe amuyaane obhwitaage na abhasaani bhaaye, bhabhe nibheekirisibhwa okumusakira mu‑bhukene bhwaye.

Ebikorwa 27:1

Feesito ejire aaragirira ati chigende na ingarabha mu‑chaaro cha Yitaariya, Pawuro na abhabhoywa abhandi nibhatuurwa mu‑mabhoko ga omwangarisi wa abhasirikare. Omwangarisi oyo, aatogwaga Yuriyo, omwene aariga ari wa echise chinu chaatogwaga ati “Echise cha Awuguusito.”

Ebikorwa 27:43

Nawe omwangarisi weebhwe aariga atakwenda Pawuro eetwe, ˆnaabhagaanya. ˆNaaragirira ati bhanu abhamenya okuwuga bheeyese mu‑manji, korereki bhaje ku‑chaaro.

Ebikorwa 28:16

Chejire chaakinga mu‑musi gwa Ruumi, Pawuro ꞉eekirisiibhwe okubha mu‑nju yaaye omwene na omusirikare wa okumwangarira.