Ebikorwa 27:23 - Indagano Inyaaya mu-Chijita

²³ Okubha anye niri muunu wa Nyamuwanga ka niwe eniramya. Reero mu‑ngeta maraayika waaye aansoromokera, ˆneemereeguru ayeeyi na anye,

INDAGANO INYA:YA

²³ Okuba mu ngeta ya rero maraika wa Nyamuanga, unu anye ndi wae ka niwe unu enikorera, mbe ari anyimereguyuko,

Ebikorwa 27:23 ပူးပေါင်းရင်းမြစ်များ

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Ebikorwa 12:23

Yeroode ꞉ataayaaye Nyamuwanga echibharo, kurwa ejo awoawo maraayika wa Raatabhugenyi ˆnaamubhuma kwa obhurwaye bhwa okutimbwa na jimuka, ˆnaafwa.

Ebikorwa 16:17

Omugayagasi oyo, aariga ˆnaaruubhirira Pawuro na eswe, ˆnaamwayaga, ˆnaayikaga ati, “Bhanu ni abhakosi bha Nyamuwanga unu ari Inguru ya Bhyone. Bhari anu okubhamenyesya injira ya okuchungurwa.”

Ebikorwa 18:9

Rusuku rumwi mu‑ngeta Raatabhugenyi ˆnaabhwira Pawuro mu‑bhiroro ati, “Siga okuubhaya, genderera okuraasya, siga okujibhira.

Ebikorwa 23:11

Mu‑ngeta ya orusuku orwoorwo, Raatabhugenyi ˆneemereeguru ayeeyi na Pawuro, ˆnaamubhwira ati, “Fungʼama! Rwa kutyo wansoosisya obhubhambaasi Yerusareemu anu, nikwo kutyo wone ni bhusibhusi unsoosisye obhubhambaasi na mu‑musi gwa Ruumi.”

Ebikorwa 5:19

Nawe mu‑ngeta irya maraayika umwi wa Raatabhugenyi ˆnaaja, ˆneegura jinjigi ja ribhoyero eryo, ˆnaabhawurusya anja. ˆNaamara ˆnaabhabhwira ati,

Ebikorwa 8:26

Rusuku rumwi, maraayika wa Raatabhugenyi ˆnaabhwira Firipo ati, “Iimuka ugende ebhurimbe, uroobhe na injira inu eyisooka Yerusareemu na okukinga mu‑musi gwa Gaaja.” Injira inu eyitura mw‑ibhara.

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

Barumi 1:9

Nyamuwanga unu enikorera emirimu kwa mwoyo gwani gwone mu‑kuraasisya abhaanu Emisango ja Ekisi ja Omwana waaye, kaamenya kutyo enibhasabhirwa omwanya gwone.

Barumi 6:22

Woori musuruumuuywe na Nyamuwanga okusooka mu‑bhugaya bhwemwe bhwa echibhiibhi. Ka wone, abhakorere okubha abhakosi bhaaye, na okuruubhana na ejo mubhwene omuriiro. Omuriiro ogwo ni kukorera emirimu Nyamuwanga kwa omwoyo gwone na ku‑bhuteero ni kuramira obhuwanga bhwa akajaanende koone.

1 Bakorinto 6:20

kwa okubha ꞉mwagurirwe kwa obhugusi obhurambu. Kutyo mukusyega Nyamuwanga mu‑mibhiri jeemwe.

2 Timoteo 1:3

Enisiima Nyamuwanga unu enikorera emirimu mu‑mutima omweru, rwa kutyo ꞉bhaamukoreeye bhasaaja waani. Omwanya gwone enikwichuka, mw‑isabhwa ryani mu‑ngeta na mu‑mwisi.

2 Timoteo 2:24

Ka wone, omukosi wa Raatabhugenyi ateeyire abhe omuunu wa inyombo. Nawe abhe omwigumiirisya, omworooro ku‑bhaanu bhoone na unu kaamenya okwiyigisya kisi.

2 Timoteo 4:17

Nawe Raatabhugenyi Yeesu aariga ari aamwi na anye. ꞉Aanaaye amanaga ga okuraasya Emisango joone ja Ekisi, korereki abhaanu bhoone bhanu bhatari Bhayawudi wone bhajuungwe. Ka wone Yeesu ꞉aamonʼyiisye okusooka mu‑rufu, kwa okubha naariga wuti niri mu‑kanwa ka itare.

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Obhusweruro 22:16

“Anye Yeesu, naanye orwibhuro orukuru rwa omukama Dawudi, naanye eniseekaana rwa inyamaananga. Anye, naanye unu ꞉naatumire maraayika waani mu‑makanisa, korereki abhwire emwe abharuubhirisya bhaani emisango jinu.”