Ebikorwa 27:12 - Indagano Inyaaya mu-Chijita

¹² Aamwi na ejo, echigobho echo chaariga chiri‑ko chaariga chiteeyire okubha‑ko omwanya gwa imbewo. Kurwa ejo, abhaanu bhaafu mu‑ngarabha nibhatema echiina ati, bhasooke awo, jikaturikana bhagende ku‑chigobho echindi kw‑isinga rya Kireete rinu eritogwa Fiinekisi. Bhabhe awo omwanya gwa imbewo ogwo, kwa okubha echigobho cha Fiinekisi echiroreerera ebhurimbe ya ebhugwa esuubha na ebhuwanga ya ebhugwa esuubha.

INDAGANO INYA:YA

¹² Abandi ba:fu nibarwaja ati, ciso:keo, okuba ecigobo cariga citakondere okwisigamo kukinga jisiku jo muyaga jiwe, nibe:ganirisya ati, ecikinga Foniki korereki si:sige:yo. Nico ecigobo ca Kerete cinu cirore:ree mu murungu na mu siaga.

Ebikorwa 27:12 ပူးပေါင်းရင်းမြစ်များ

Ebikorwa 2:11

Bhari‑wo abhandi ni Abhakireete na abhandi ni Abhaarabhu. Eswe bhoone, echuungwa nibhakuuya Nyamuwanga ku‑bhikorwa bhyaye ebhinene, mu‑nyaayika jeeswe!”

Ebikorwa 27:13

Mbe, omuyaga gwa ekisi nigwamba okuyemba okusooka orubhaara rwa ebhurimbe. Nigukora abha ingarabha eyo okwiganirisya ati bhaabhona injira ya okugenderera na orugendo rwebhwe, rwa kutyo bhaariga bheendere. Kurwa ejo, nibheeya inanga, nibhasooka‑wo, nibhatura ku‑njekekera ya risinga rya Kireete.

Ebikorwa 27:21

Gwejire gwatura omwanya omureera bhachaari okurya ebhiryo, Pawuro ˆneemereeguru agati yeebhwe, ˆnaabhabhwira ati, “Bhamura, ku‑mwanya gurya chiri Kireete ꞉naabhabhwiriiye ati chisige okusooka‑wo, jaariga jiiyire muntegeresye. Mukantegeresiisye, ebhiinu bhyemwe bhitakasingaarikire noorwo okufwirwa‑mo kutya.

Ebikorwa 27:7

Nichigenderera na orugendo rweswe bhwombobhwombo kwa siku nyafu na kwa nyaako muno. Ku‑bhuteero, nichirebherera omusi gwa Niido, ku‑mbarimbari ya omukoowa gwa Asiya. Omwanya gunu omuyaga gwa ebhutwe ꞉gwachiyingiriiye, nichiyinda orubhaara rwa ebhurimbe rwa risinga rya Kireete nichituraga ayeeyi na omusi gwa Sarimoone.

Ebikorwa 27:8

Nichikekera ku‑mbarimbari ya Kireete kwa nyaako, nichikinga anu kaatogwa ati Rikonda rya Ekisi, ayeeyi na omusi gwa Raseeya.

Tiito 1:12

Noorwo owumwi wa abharagi bha Abhakireete, ꞉aayikire ati, “Abhakireete ni bhabheeyi siku joone, ni tyanyi mbiibhi ja mw‑ibhara, ni bhananamba ka ni bharenga.”

Tiito 1:5

꞉Naakusigire Kireete awo, korereki utuure‑wo obhwisombooro bhwa ekisi ku‑misango ejindi jinu jisigaaye, aamwi na okusora abhakaruka bha rikanisa mu‑bhuri rara, rwa kutyo ꞉naakweresiisye.