Ebikorwa 26:11 - Indagano Inyaaya mu-Chijita

¹¹ Omwanya omwafu, naaragiriraga ati, bhabhumwe mu‑nju joone ja ameekofyanyo, naabhasinyirisyaga bheefumirisye risiina rya Yeesu. Naabhasokaga muno, okukingira okubhayenja noorwo mu‑misi ja mu‑bhyaro ebhindi korereki nibhanyaasye.

INDAGANO INYA:YA

¹¹ Ka nimbatongeraga kwiya ka:fu mu mekofyanyisyo go:ne, nimbasinyirisyaga okufuma. Nimbabiirirwa muno muno, nimbanyasyaga nindobosya mu misi je bugenyi.

Ebikorwa 26:11 ပူးပေါင်းရင်းမြစ်များ

Matayo 10:17

Mwikengega abhaanu, kwa okubha bharibhasira mu‑maramuriro, ka wone, bharibhasira mu‑nju ja ameekofyanyo geebhwe na okubhabhuma na jijaridi.

Mariko 13:9

“Nawe emwe, mwiyangarire muno. Abhaanu bharibhasira mu‑maramuriro, ka wone bharibhasira mu‑nju ja ameekofyanyo geebhwe na okubhabhuma kubhiibhi. Bharibhasira imbere ya abhatungi bha Echiruumi na abhakama bha Echiyawudi ku‑songa yaani. Murikenwa okubha abhabhambaasi bhaani imbere ya abhatungi na abhakama abho.

Mariko 3:28

“Ni chimari enibhabhwira ati, Nyamuwanga arifwira echigongo abhaanu ebhibhiibhi bhyebhwe bhyone na okufumirisya kwebhwe kwone.

Ruuka 15:17

“Ku‑bhuteero, obhwenge bhwaye nibhwamba okumusubha‑mo, ˆneeyayikira omwene ati, ‘Abhakosi bha raata, bhari na ebhiryo bhyafu, abharya nibheeguta okukingira nibhisigara! Nawe anye anu enifwa na omweko.

Ruuka 21:12

“Nawe, ejo joone jichaari okukorekana, bharibhagwata na okubhanyaasya, bharibhasira mu‑nju ja ameekofyanyo geebhwe na okubhabhoya mu‑mabhoyero. Bharibhasira imbere ya abhakama na abhatungi, inguru yaani.

Ruuka 6:11

Abhafarisaayo abho, nibhabhiyirwa muno. Nibhaamba okwayikana kutyo abhaja okukorera Yeesu amabhiibhi.

Ebikorwa 13:45

Nawe omwanya gunu abhatangasya bha Abhayawudi ꞉bhaarorere echise echinene cha abhaanu, nibhabha na orwiso muno. Niwo nibharema jinu Pawuro aayikaga, enu nibhamufumaga.

Ebikorwa 18:6

Abhayawudi abho nibhamurema na okumufuma muno, omwene ˆnaakubhura emyenda jaaye, kwa okurema emisango jeebhwe, ˆnaabhabhwira ati, “Isagama yeemwe ibhe inguru yeemwe abheene! Anye, nitari na esoro, naakuumisya jinu naariga ninkenwa okukora. Okwambira woori, enija okugenda ku‑bhaanu bhanu bhatari Bhayawudi.”

Ebikorwa 22:19

Ninsubhya ati, ‘Nawe Raatabhugenyi awe, abhaanu bhanu abhamenya ati, naaturaga mu‑nju ja ameekofyanyo ga Abhayawudi okugwata bhanu abhakwikirisya! Bhoone bhanu naabhuganaga nabho, naabhatuuraga mw‑ibhoyero na okubhabhuma kubhiibhi.

Ebikorwa 22:5

Jinu enibhabhwira, noorwo omugabhisi omukuru aamwi na abhakuru bha Abhayawudi bhoone abhatura okujiikirisya ati ni ja echimari. Abheene nibho ꞉bhaanaaye jinyarubha ja okusirira Abhayawudi abhakuru bhanu bhaariga bhari Damaasiko. Niniimuka korereki nigende eyo, nibhoye abheekirisya bheende‑yo na nibhareete Yerusareemu anu, korereki bhabhumwe.

Ebikorwa 9:1

Ku‑mwanya ogwo, Saawuri ꞉aagendereeye na ebhikangyo bhyaye, bhya okwita abheeyigisibhwa bha Raatabhugenyi Yeesu. ˆNaagenda ku‑mugabhisi omukuru,

Yakobo 2:7

Itari ati, nibho abho abhafuma risiina rya ekisi rya Yeesu Kirisito unu emwe muri abhaana bhaaye?

2 Petero 2:16

Okuruubhana na jitungwa ejo, Bharaamu ꞉aagonyiibhwe na isikiri. Isikiri ni tyanyi nawe ꞉yaaromere kwa obhuraka bhwa echinyamuunu, korereki okuyingirira omuragi oyo, asige okukora emisango ja echimuumu.