Ebikorwa 24:5 - Indagano Inyaaya mu-Chijita

⁵ “Chaarora ati omuunu unu ni murangirangi kwa okubha kaakungirisya Abhayawudi bhasokane abheene kwa abheene mu‑bhyaro bhyone. Omwene wone ni mutangasya wa idiini ya orubheeyi ya Abhanajareeti.

INDAGANO INYA:YA

⁵ Okuba cabwene omu:nu unu ni murangirangi, kasokanya mu Bayaudi bo:ne aba mu ca:ro co:ne, ka ni mutangasya mukuru wa banu abatogwa Abanajareti.

Ebikorwa 24:5 ပူးပေါင်းရင်းမြစ်များ

Matayo 10:25

Omwiyigisibhwa jiiyire abhe rwa omwiyigisya waaye, na omugaya wone kaakenwa abhe rwa omwami waaye. Anye niri mukuru weemwe, na abhambirikira ati, Bherijebhuuri. Araabha, abhambirikira anye kutyo, angu, bhataribhabhirikira emwe amasiina amabhiibhi muno?

Matayo 2:23

Nibhaja mu‑musi gunu gwatogwaga ati Najareeti, nibheekara eyo. Niwo omusango ꞉gwakuumiiye gunu ꞉gwayikirwe inguru ya Yeesu ku‑njira ya abharagi ati, “Aritogwa Omunajareeti.”

Mariko 1:24

ˆnaayikaga ati, “Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”

Ruuka 23:19

Bharaabha oyo, aariga abhoyerwe mw‑ibhoyero, kwa okubha ꞉aaretereeye injogere nyafu mu‑musi ogwo, ka wone aariga ari mwiti.

Ruuka 23:2

Nibhaamba okumusitaaka nibhaayikaga ati, “Chaasongʼana omuunu unu ˆnaayabhyaga abhaanu bha riyanga ryeswe, ˆnaabhagaanyaga bhasige okutobha rigooti ku‑Kayisaari. Ka wone keetoga ati, omwene niwe Kirisito omukama.”

Ruuka 23:25

ˆNeegurira Bharaabha unu aariga abhoyerwe inguru ya okukora injogere na okwita. ˆNaatuura Yeesu mu‑mabhoko geebhwe, korereki bhamukorere rwa kutyo bheendaga.

Ruuka 23:5

Nawe abhaanu abho nibhakomeeresya nibhaayikaga ati, “Ku‑meeyigisyo gaaye, kaakungirisya abhaanu mu‑chaaro choone cha Abhayawudi. ꞉Aambiiye Gariraaya eyo, ka woori aakingire Yuudeya enu.”

Ebikorwa 15:5

Awo Abhafarisaayo abharebhe bhanu ꞉bheekirisiisye Yeesu nibheemereeguru, nibhaayika ati, “Bhanu bhatari Bhayawudi wone ni bhusibhusi bhatendwe, bhabhwirwe ati, bhabhe nibhagayuka ebhiraagiro bhya Muusa.”

Ebikorwa 21:28

“Emwe abharume bha Yisirayeeri! Muchisakire! Mbawo omuunu unu niwe uryaurya kaagenderera okwiyigisya abhaanu bha mbaara joone ati, bhachigaye eswe Abhayawudi, bhagaye ebhiraagiro bhya Muusa na bhagaye Riyekaru rinu. Okusiga ejo kaajabhiyasya ayeeru kwa okwingisya Abhayunaani mw‑Iyekaru rya Nyamuwanga.”

Ebikorwa 22:22

Abhaanu abho bhaariga nibhategeresya Pawuro kisi. Nawe omwanya gunu ꞉aayikire emisango ejo, abhaanu nibhaamba okumwaya nibhaayikaga ati, “Eetwe, Eetwe! Omuunu rwa unu ateeyire okusigara‑mo omwoyo!”

Ebikorwa 24:14

“Nawe, eniikirisya imbere yaawo ati, anye eniramya Nyamuwanga wa bhasaaja weeswe, kwa okuruubhirisya Injira ya Yeesu inu abhatangasya bha Abhayawudi abhayitoga ati, ni idiini ya orubheeyi. Eniikirisya bhuri echiinu chinu chiri mu‑bhiraagiro bhya Muusa na mu‑bhikaame bhya abharagi.

Ebikorwa 24:4

Nawe, nitakwenda okubhusya omwanya gwawo mwafu, kurwa ejo, enikwirembeeresya kwa obhwigumiirisya bhwawo utegeresye kwa omwanya mufuyi emisango jeeswe jinu chiri najo.

Ebikorwa 25:7

Pawuro ejire aakinga awo, Abhayawudi bhanu bhaariga bhasookere Yerusareemu, nibhamwiyinda nibhaamba okumusitaaka inguru ya amabhiibhi maafu ga okuruguusya. Nawe ꞉bhaataamiibhwe okweresya echimari chaago.

Ebikorwa 26:5

Abheene bhaammenyere kisi kwa emiguuga myafu. Bhaakeenda abhatura okusoosya obhubhambaasi ati anye naariga niri Omufarisaayo. Abhafarisaayo nibho abharuubha obhutinge okukira obhumwi bhwone bhwa idiini yeeswe.

Ebikorwa 28:22

Nawe eswe chaakeendere okuungwa jinu uri najo, kwa okubha chimenyere ati obhumwi bhwawo bhwa idiini obhwayikwa kubhiibhi bhuri rubhaara.”

Ebikorwa 5:17

Omugabhisi omukuru na abheejaabho bhoone, bhanu bhaariga bhari Bhasadukaayo, ꞉bhaagwatirwe na orwiso muno inguru ya jitumwa.

Ebikorwa 6:13

Nibhareeta abhabhambaasi bha orubheeyi, nibhaayika, inguru ya Tefwano ati, “Siku joone omuunu unu kaayika emisango emibhiibhi inguru ya Riyekaru eryeru rya Nyamuwanga, na inguru ya ebhiraagiro bhya Muusa!

1 Bakorinto 11:19

Okwawukana ni bhusibhusi kubhe‑wo agati yeemwe, korereki bhanu bhari bha echimari bhamenyekane.

1 Bakorinto 4:13

Omwanya gunu abhachaayika kubhiibhi, eswe echibhaayika kisi. Noorwo woori, echikorwa rwa ifwere ya echaaro, na ku‑bhuri muunu eswe chiri bhujabhi.

1 Petero 2:19

Ni musango gwa kisi muno ku‑Nyamuwanga, mukeegumiirisya ebhinyaasyo bhinu bhitari bhya rirenga, bhinu omubhona inguru ya okumuyaana echibharo, omwene aribhayaana amabhando.