Ebikorwa 24:24 - Indagano Inyaaya mu-Chijita

²⁴ Jejire jaatura siku nooto, Feeriki ˆnaaja na omugasi waaye Durusiira unu aariga ari Omuyawudigasi. Mbe, Feeriki ˆnaatuma abhaanu bhabhirikire Pawuro. Omwanya gunu Pawuro ꞉eejire, Feeriki ˆnaamba okumutegeresya, ˆnaayikiraga inguru ya okwikirisya Kirisito Yeesu.

INDAGANO INYA:YA

²⁴ Nawe jisiku jejire jaturao, Feliki na:ja no mugasi wae Durusila, unu ariga:ri Muyaudigasi, nabirikira Paulo, namutegeresya ebyo kwikirisya Yesu Kristo.

Ebikorwa 24:24 ပူးပေါင်းရင်းမြစ်များ

Ruuka 19:3

Omuniibhi oyo eendaga okurora Yeesu, ati, ni muunu wa mbaga ki. Nawe, ꞉ataaturire okumurora, ku‑songa ya echise chinene cha abhaanu, ka wone Jaakayo omwene aariga ari mufuyi.

Ruuka 23:8

Yeroode Atipaasi ejire aarora Yeesu, ꞉aakondeeywe muno, kwa okubha aariga oonguuwe emisango jaaye. Yeroode eegombaga kwa omwanya omureera okwirorera omwene ebhiruguusyo bhinu Yeesu aakoraga.

Ebikorwa 16:31

Nibhamusubhya ati, “Ikirisya Raatabhugenyi Yeesu, niwo owuja okuchunguka. Abhaanu bhoone bha iika ewaawo wone, bheekirisye Yeesu, niwo abhaja okuchunguka.”

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Ebikorwa 24:25

Omwanya gunu Pawuro ꞉aayikire inguru ya obhurengeresi, okwiyingirira na inguru ya orusuku runu Nyamuwanga ariramura bhuri muunu. Feeriki ˆnoobhaya, ˆnaayika ati, “Woori, nuugende. Nikabhona omwanya enija okukubhirikira rindi.”

Ebikorwa 26:22

Nawe, Nyamuwanga ꞉aansakiiye okukingira orusuku rwa reero. Akorere niniimereeguru anu imbere ya abhaanu bhoone, abhakuru na abharera, korereki okusoosya obhubhambaasi. Emisango jinu enaayika, nijo jirya era Muusa na abharagi abhandi ꞉bhaayikire ati jirikorekana.

Bagalatia 2:16

Nawe eswe echimenya ati, omuunu atakutura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, tari ni kwa okwikirisya Yeesu Kirisito omwene era. Nikwo kutyo eswe wone chiikirisiisye Kirisito Yeesu korereki chibharwe ati chiri abharengeresi imbere ya Nyamuwanga kwa okwikirisya Kirisito, kutari kwa okuruubha ebhiraagiro bhya Muusa. Chimari atari‑wo omuunu unu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa.

Bagalatia 2:20

Bhumuunu bhwani bhwa kara bhwa ebhibhiibhi, ꞉bhwabhambirwe aamwi na Kirisito ku‑musarabha. Woori niri muwanga, nawe nitari anye unu niri muwanga, tari Kirisito niwe ari muwanga mu‑mwoyo gwani. Obhuwanga bhunu niri nabhwo omwanya gunu, niri nabhwo mu‑kwikirisya Omwana wa Nyamuwanga. Omwene ꞉aanyendere na okusoosya obhurame bhwaye inguru yaani, korereki nichunguke.

Bagalatia 3:2

Woori, siga nibhabhuusye ribhuusyo rimwi. Angu, ꞉mwaramiiye Mwoyo Mweru kwa okubha ꞉mwaruubhire ebhiraagiro bhya Muusa, amwi kwa okubha ꞉mwategeresiisye na okwikirisya Emisango ja Ekisi inguru ya Yeesu?

1 Yoana 5:1

Woori, omuunu woonewoone unu keekirisya ati Yeesu ni Kirisito, omuunu oyo niwe omwana wa Nyamuwanga. Ka wone, woonewoone unu keenda omwibhusi wa omwana, keenda na abhaana bha omwibhusi oyo.

Yuuda 1:3

Abheendwa bhaani, neegombaga muno okubhakaamira inguru ya obhuchungusi bhunu echisangira aamwi bhoone. Nawe, woori enirora ati, ni bhusibhusi nibhakaamire inyarubha inu, korereki nibheerembeeresye ati, murwanirire echimari cha eriikirisya rinu Nyamuwanga ꞉aayaaye abheeru bhaaye rumwi era.

Obhusweruro 14:12

Woori, abheeru bha Nyamuwanga abhakenwa bheegumiirisye. Abho nibho abhagwata ebhiraagiro bhya Nyamuwanga na okwikirisya Yeesu.