Ebikorwa 24:14 - Indagano Inyaaya mu-Chijita

¹⁴ “Nawe, eniikirisya imbere yaawo ati, anye eniramya Nyamuwanga wa bhasaaja weeswe, kwa okuruubhirisya Injira ya Yeesu inu abhatangasya bha Abhayawudi abhayitoga ati, ni idiini ya orubheeyi. Eniikirisya bhuri echiinu chinu chiri mu‑bhiraagiro bhya Muusa na mu‑bhikaame bhya abharagi.

INDAGANO INYA:YA

¹⁴ Nawe eni:gamba kwawe ati, Enikorera Nyamuanga wa basaja mu Njira inu abatoga ya be:kotya, nini:kirisya byone binu byandikirwe mu bira:giro na mu baragi.

Ebikorwa 24:14 ပူးပေါင်းရင်းမြစ်များ

Matayo 10:32

“Omuunu woonewoone unu kaanyikirisya imbere ya abhaanu, anye wone nirimwikirisya imbere ya Raata waani unu ari mu‑rwire.

Matayo 22:40

Ebhiraagiro bhyone bhya Muusa na ameeyigisyo ga abharagi ebhiiyikanya ebhiraagiro bhibhiri ebhyo.”

Matayo 7:12

“Mbe emwe, mukorerega abhaanu abhandi rwa kutyo omwenda abheene wone bhabhakorere. Obhwo nibhwo obhugajuro bhwa ebhiraagiro bhya Muusa na ameeyigisyo ga abharagi.

Ruuka 1:70

Rwa kutyo aariga aayikire kara awo ku‑njira ya abharagi bhaaye abheeru.

Ruuka 16:16

“Ebhiraagiro bhya Muusa na ebhikaame bhya abharagi, bhyariga nibhigayukwa na abhaanu okukingira omwanya gwa Yowana Omubhatiija. Okusookerera omwanya ogwo, Emisango ja Ekisi inguru ya obhukama bhwa Nyamuwanga, jaariga nijiraasibhwa, na abhaanu bhoone abhakomeeresibhwaga okujigayuka.

Ruuka 16:29

“Bhurayimu ˆnaamusubhya ati, ‘Abhamura bhaanyu, bhari na ebhikaame bhinu bhikaamirwe na Muusa na abharagi. Bhategeresye ebhikaame ebhyo!’

Ruuka 24:27

Niwo, Yeesu ˆnaabhatondera emisango joone jinu jikaamirwe inguru yaaye, okwambira mu‑bhikaame bhya Muusa okukingira mu‑bhikaame bhya abharagi bhoone.

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Yowana 1:45

Mbe, Firipo ˆnaabhona Natanayeri, ˆnaamubhwira ati, “Eswe chaarora omuunu unu Muusa ꞉aakaamire emisango jaaye mu‑chitabho cha ebhiraagiro. Abharagi wone ꞉bhaakaamire emisango inguru ya omuunu oyo. Risiina ryaye ni Yeesu wa Najareeti, omwana wa Jejefu.”

Ebikorwa 10:43

Yeesu oyo, abharagi bhoone ꞉bhaayikire inguru yaaye ati, omuunu woonewoone unu arimwikirisya arifwirwa echigongo ebhibhiibhi bhyaye ku‑njira ya risiina ryaye.”

Ebikorwa 13:15

Abhakuru bha inju eyo bhejire bhaamara okusoma mu‑bhiraagiro bhya Muusa na mu‑bhitabho bhya abharagi, nibharagirira omuunu ku‑Pawuro na Bharinaabha, ˆnaabhabhwira ati, “Abhayiri bhaasu, araabha muri na omusango gwa okuroma na abhaanu gwa okubhasimbiisya emyoyo, mugwayike.”

Ebikorwa 15:5

Awo Abhafarisaayo abharebhe bhanu ꞉bheekirisiisye Yeesu nibheemereeguru, nibhaayika ati, “Bhanu bhatari Bhayawudi wone ni bhusibhusi bhatendwe, bhabhwirwe ati, bhabhe nibhagayuka ebhiraagiro bhya Muusa.”

Ebikorwa 19:23

Omwanya ogwo Yefeeso awo, ꞉yaakorekeene injogere nyafu muno inguru ya abharuubhirisya bha Injira ya Yeesu.

Ebikorwa 19:9

Nawe abhaanu abharebhe mu‑bheene nibhakora emyoyo jeebhwe okubha emikomeeye. Nibharema okwikirisya emisango ja Yeesu, nibhaamba okugaya Injira ya Yeesu imbere ya abhaanu. Kutyo, Pawuro ˆnaaramura okusigana nabho, ˆnaagega abheeyigisibhwa bhaaye, ˆnaagenda nabho mw‑isomero rya Tiraano, munu abhaanu bheekofyanyaga. Bhuri rusuku, aariga ˆnaaroma na abhaanu emisango ja Yeesu.

Ebikorwa 22:14

“ˆNaagenderera okumbwira ati, ‘Nyamuwanga wa bhasaaja weeswe akusorere, korereki umenye okwenda kwaye, urore Omurengeresi waaye na okuungwa obhuraka bhwaye omwene.

Ebikorwa 24:22

Mbe Feeriki unu aariga ˆnaasombookerwa kisi emisango ja Injira ya Yeesu, ˆnaaraga riromero rirya ˆnaabhabhwira ati, “Omwanya gunu Riisiya omukuru wa abhasirikare ariija enu, niwo nirisoosya indamu inguru ya echiina cheemwe.”

Ebikorwa 24:5

“Chaarora ati omuunu unu ni murangirangi kwa okubha kaakungirisya Abhayawudi bhasokane abheene kwa abheene mu‑bhyaro bhyone. Omwene wone ni mutangasya wa idiini ya orubheeyi ya Abhanajareeti.

Ebikorwa 25:8

Niwo Pawuro ˆnaamba okwibhagira ˆnaayikaga ati, “꞉Nitaakorere chiinu choonechoone cha okunyamura ebhiraagiro bhya Abhayawudi, ꞉nitaakayire inguru ya Riyekaru noorwo inguru ya Kayisaari.”

Ebikorwa 26:22

Nawe, Nyamuwanga ꞉aansakiiye okukingira orusuku rwa reero. Akorere niniimereeguru anu imbere ya abhaanu bhoone, abhakuru na abharera, korereki okusoosya obhubhambaasi. Emisango jinu enaayika, nijo jirya era Muusa na abharagi abhandi ꞉bhaayikire ati jirikorekana.

Ebikorwa 26:27

Mukama Agiriipa awe, owujiikirisya jinu ꞉jaayikirwe na abharagi? Anye enimenya ati owujiikirisya.”

Ebikorwa 26:4

“Abhayawudi bhoone abhamenya kisi obhurame bhwani, kutyo ꞉neekaaye okwambira ku‑bhurera bhwani mu‑chaaro chaani na Yerusareemu erya.

Ebikorwa 26:6

Woori niri anu okuramurwa kwa ebhiraagiro, inguru ya obhwiyikanyo bhwani ku‑murago gunu Nyamuwanga ꞉aaragire bhasaaja weeswe.

Ebikorwa 28:22

Nawe eswe chaakeendere okuungwa jinu uri najo, kwa okubha chimenyere ati obhumwi bhwawo bhwa idiini obhwayikwa kubhiibhi bhuri rubhaara.”

Ebikorwa 28:23

Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

Ebikorwa 3:13

Woori Nyamuwanga wa Bhurayimu, Isaaka na Yakobho, niwe Nyamuwanga wa bhasaaja weeswe, aakusya omukosi waaye Yeesu. Yeesu oyo niwe unu emwe ꞉mwateeye mu‑mabhoko ga abhatungi na okumwigaana imbere ya Piraato! Noorwo kutyo Piraato ꞉eendere okumutaatira, emwe ꞉mwaremere.

Ebikorwa 5:30

Emwe ꞉mweetire Yeesu kwa okumubhamba ku‑musarabha, nawe Nyamuwanga wa bhasaaja weeswe ˆnaamusuurura.

Ebikorwa 7:32

‘Anye naanye Nyamuwanga wa bhasaaja waanyu, Nyamuwanga wa Bhurayimu, Isaaka na Yakobho!’ Muusa ejire oongwa ejo, ˆnaamba okuyarara kwa obhuubha, ˆnoobhaya okuringira echisaka echo.

Ebikorwa 9:2

ˆnaamusabhwa ati, amuyaane jinyarubha ja okumumenyesya, agende najo mu‑nju ja ameekofyanyo ga Abhayawudi mu‑musi gwa Damaasiko. Jinyarubha ejo ni ja okumwikirisisya ati, akasoongʼana eyo abharuubhirisya bha Injira ya Yeesu, bhabhe abharume amwi abhagasi, abhabhoye na okubhareeta Yerusareemu.

Barumi 1:9

Nyamuwanga unu enikorera emirimu kwa mwoyo gwani gwone mu‑kuraasisya abhaanu Emisango ja Ekisi ja Omwana waaye, kaamenya kutyo enibhasabhirwa omwanya gwone.

Barumi 3:21

Nawe woori, Nyamuwanga eeresya injira ya abhaanu okubharwa ati ni bharengeresi imbere yaaye, kutari ku‑njira ya ebhiraagiro. Noorwo ebhikaame bhya ebhiraagiro bhya Muusa na ebhikaame bhya abharagi ebhyayika abhwerubhweru emisango ejo.

1 Bakorinto 11:19

Okwawukana ni bhusibhusi kubhe‑wo agati yeemwe, korereki bhanu bhari bha echimari bhamenyekane.

Bagalatia 5:20

okuramya amasusano, obhurosi, obhusoko, inyombo, okwigomba bhya abhandi, risungu, orwango, isoroore, okwitemyako,

2 Timoteo 1:3

Enisiima Nyamuwanga unu enikorera emirimu mu‑mutima omweru, rwa kutyo ꞉bhaamukoreeye bhasaaja waani. Omwanya gwone enikwichuka, mw‑isabhwa ryani mu‑ngeta na mu‑mwisi.

Tiito 3:10

Omuunu woonewoone unu kaakora abhaanu bhaawukane, nuumugonye orwa okwamba na orwa kabhiri. Ukamara okukora kutyo, araabha atakukuungwa, sigana nage chimwi.

1 Petero 1:11

Mwoyo wa Kirisito unu aariga ari mu‑myoyo jeebhwe, ꞉aasoosiisye obhuragi ati Kirisito arinyaaka na akasooka mu‑nyaako ejo, aribhona rikusyo. Abharagi abho, ꞉bhaayenjeresiisye muno okumenya ati, emisango ejo, jirikorekana rusuku ri na jirimubhona kutiki.

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”